Friday, November 30, 2007


Dully Sykes alipokuwa Oslo, 27. Mei 2007

Mwanamziki wa kizazi kipya (Bongo Flava), Dully Sykes (Misifa) atakuja na kutumbuiza mjini Oslo, wiki ya pili ya Desemba mwaka huu. Fuatilia kwenye blogu hii!!!



Msikilize




Tanzania hainufaiki na madini - Mnorwejiani








Yohanes Mbelege na Flora Temba, Moshi

TANZANIA imekuwa ikipata faida kidogo kutokana na madini ikilinganishwa na nchi zingine zenye madini, imeelezwa.

Hayo yalisemwa jana mjini hapa na Mwakilishi wa Shirika lisilo la kiserikali la Norwei la Norwegian Church Aid, Bw. Fredrick Glad-Gjernes, wakati akitoa salamu kwenye mkutano wa wachungaji na wajumbe wa Bodi za SACCOS zilizo chini ya Benki ya Uchumi inayomilikiwa na Kanisa la Kilutheri la Kiinjili Tanzania (KKKT).

Alisema kimsingi si Tanzania pekee yenye tatizo hilo, kwani Afrika imekuwa ikifadhili mataifa tajiri, ambayo yamekuwa yakichukua raslimali nyingi kutoka Afrika.

Bw. Glad-Gjernes alisema ipo haja kwa mataifa ya Afrika kuweka juhudi za pamoja kwa ajili ya kufanya mapinduzi ya kiuchumi, ambapo alimnukuu Baba wa Taifa, Mwalimu Julius Nyerere, kuwa alikuwa akihubiri mapinduzi hayo.

Akizungumzia uhusiano wa kibiashara, Bw.Glad-Gjernes, alisema kutokana na bidhaa za nchi za nje kuwekewa ruzuku na mataifa hayo, bidhaa za Tanzania zimekuwa haziwezi kushindana nazo.

Aidha, alisema wakulima wa mazao mbalimbali wamekuwa hawanufaiki na kilimo na akatolea mfano wa kahawa, kuwa wakulima huambulia asilimia mbili tu ya bei ya madukani Ulaya.

Katika hatua nyingine, mwakilishi huyo alipigwa na butwaa kuona maduka makubwa nchini, yakiuza matunda ya nje na kuwataka Watanzania kujenga tabia ya kupenda bidhaa zao.

“Nilikuwa na mke wangu natafuta juisi Dar es Salaam, nikawa kila nikipita nakuta juisi imetengenezwa kwa matunda ya Ulaya au maziwa yametoka nchi za nje, huku vitu hivyo vikioza Tanzania kwa kukosa soko!,” alisisitiza Bw. Glad-Gjernes.

Alisema tatizo kubwa ni uhusiano wenye mifumo ya kiunyonyaji katika sekta za biashara na uwekezaji, zilizopo baina ya Tanzania na mataifa makubwa.

Aliongeza kuwa hali hiyo ikiachwa ilivyo, itaifanya Tanzania iendelee daima kuwa maskini.

Alisema uhusiano wa aina hiyo umekuwapo kwa muda mrefu, huku matajiri kutoka mataifa makubwa yakijitajirisha kutokana na raslimali za Tanzania.

“Hii ni changamoto kwa Kanisa, kwani bila hivyo Watanzania wataendelea kubaki maskini, iwapo hakutakuwa na nguvu ya pamoja kukomesha uhusiano ya aina hiyo,” alisema.

Dk. Rashidi, Kazaura hawaivi

Mmoja alipokonywa gari na ofisi.

KUJIUZULU Kwa Mkurugenzi Mtendaji wa Shirika la Umeme Tanzania (Tanesco) Dk. Idris Rashidi, pamoja na mambo mengine, kunaelezwa kutokana na msuguano wa muda mrefu kati yake na Mwenyekiti wa Bodi, Balozi Fulgence Kazaura.


MKURUGENZI Mtendaji wa Tanesco, Dk. Idris Rashidi

Habari zinasema katika moja ya misuguano hiyo, mara baada ya kuingia Tanesco, Dk. Rashidi alifanya mabadiliko kadhaa yaliyolenga kupunguza matumizi na uboresha huduma kwa wateja, uamuzi ambao ulimgharimu Balozi Kazaura, aliyepunguziwa baadhi ya huduma.

Kazaura alikua na ofisi katika majengo ya Tanesco barabara ya Samora yalipokua makao makuu ya shirika hilo, ofisi ambazo sasa zinatumiwa na Meneja shirika hilo Mkoa wa Ilala.

“Mkurugenzi aliamua ofisi aliyokua akiitumia Mwenyekiti wa Bodi itumiwe na Meneja Mkoa wa Ilala, na gari alilokua akitumia nalo lifanye kazi nyingine za kiutendaji na Mwenyekiti apatiwe huduma hizo wakati wa vikao husika pekee,” kinasema chanzo chetu cha habari ndani ya Tanesco.

Kwa mujibu wa habari hizo, Balozi Kazaura alikuwa pia na Katibu Muhtasi, aliyetajwa kwa jina la Rukia Wandwi, ambaye alikua katika ofisi hiyo iliyokabidhiwa Tanesco Mkoa wa Ilala.

Kwa mujibu wa habari hizo, hatua hiyo haikumfurahisha Balozi Kazaura na baadhi ya watumishi ambao baadhi walisema pamoja na kuwa utaratibu hauruhusu Mwenyekiti kuwa na ofisi inayohudumiwa wakati wote na shirika, ilipaswa “busara na diplomasia itumike kumnyang’anya ofisi Mwenyekiti.”

“Unajua kwanza bodi yenyewe ndiyo inamaliza muda wake kwa hiyo ingekuwa busara kumwacha amalize muda wake ndipo uwekwe utaratibu mwenyekiti mpya anapokuja asiwe na ofisi badala ya kumuondoa na kumdhalilisha mzee wa watu,” anaeleza mfanyakazi mwingine wa Tanesco anayelifahamu sakata hilo vizuri.


Balozi Fulgence Kazaura

Habari zaidi zinaeleza kwamba tofauti kati ya Dk. Rashidi na Mwenyekiti wake zilianza wakati Balozi Kazaura akiwa Katibu Mkuu Wizara ya Fedha, yeye (Dk. Rashidi) akiwa Gavana wa Benki Kuu (BoT).

“Hawa watu hawakuwa na mawasiliano mazuri tokea wakiwa serikalini, Kazaura akiwa Wizara ya Fedha na Dk. Rashidi akiwa BoT, lakini sina hakika walitofautiana kwa jambo gani. Kila mmoja ni mtu mwenye kujiamini,” anasema mtumishi mmoja mstaafu wa Serikali.

Balozi Kazaura alipoulizwa na Raia Mwema kuhusu kuondolewa baadhi ya huduma, alijibu, “huo ni uongo,” na kukata simu yake ya mkononi ambayo baadaye ilipokewa na mtu mwingine aliyedai kwamba “mzee ametoka, sijui amekwenda wapi.”

Kwa upande wake, Dk. Rashidi alisema yuko katika kikao na hivyo hawezi kuzungumza jambo lolote na hadi tunakwenda mitamboni hakuweza kupatikana kuzungumzia mahusiano yake na Mwenyekiti wa Bodi.

Awali ilielezwa kwamba bodi nzima ya Tanesco imegawanyika katika makundi mawili - moja likimuunga mkono Mwenyekiti na jingine Mkurugenzi huku wengine wote wakionyesha kutofurahia msuguano kati ya viongozi hao wawili.

Balozi Kazaura amenukuliwa na mtoa habari wetu akisema kwamba Dk. Rashidi anawajibika kwa Bodi kwa mujibu wa sheria ya kuundwa kwa Tanesco na si Rais kama ambavyo baadhi ya watu wamekuwa wakimtaka (Mwenyekiti) amheshimu kwa kuwa ni mteule wa Rais.

Tukio la hivi karibuni la Tanesco kukata umeme wa kiwanda cha Saruji cha Tanga, lilielezwa kutonesha kidonda cha msuguano wa muda mrefu kati ya Dk. Rashidi na Mwenyekiti wake, ambaye anaelezwa kupewa maelekezo ya kuhakikisha umeme unarudi.

Haijafahamika mara moja ni nani aliyemuagiza Mwenyekiti ahakikishe umeme unarudi, japo kuna taarifa kuwa amri hiyo inaweza kuwa imetoka kwa Waziri wa Nishati na Madini, Nazir Karamagi, ambaye hata hivyo amekwisha kukanusha kuhusika katika suala hilo.

Kiwanda hicho cha Saruji cha Tanga ambacho hutumia umeme wa zaidi ya milioni 400/- kwa mwezi, kilikatiwa umeme kikidaiwa milioni 49/- ambazo zilitokana na madai ya ‘kuchezea’ mita ya Tanesco.

Kujiuzulu kwa Dk. Rashidi kulikotokana kwa kiasi na msuguano huo wa umeme wa kiwanda hicho, na hatimaye, kubadili kwake uamuzi na kuifuta barua yake ya kujiuzulu, kumezua maswali mengi katika kipindi hiki ambacho shirika analoliongoza limo katika hali mbaya ya kifedha kutokana na matumizi kuwa makubwa kuliko mapato.

Wako wanaodai kwamba Rais Jakaya Kikwete, ndiye aliyemuomba Dk. Rashidi kubadili uamuzi wake wa kujiuzulu, huku baadhi wakidai kwamba aliombwa na Waziri Karamagi.

Lakini jambo lililo dhahiri ni kwamba aliombwa kubadili uamuzi wake huo. Habari za ndani zaidi zinaeleza kwamba mbali ya kuombwa kubadili uamuzi wake huo, Dk. Rashidi sasa amepewa uwezo zaidi wa kufanya maamuzi mazito zaidi ndani ya shirika hilo ili aweze kulikwamua kiuchumi.

Tayari shirika hilo limekwisha kuomba idhini ya kupandisha bei ya umeme ili kufidia sehemu ya gharama za umeme wakati shirika hilo limetakiwa kujiendesha kibiashara.

Dk. Rashidi anaelezwa kupelekwa Tanesco ili kulikwamua shirika hilo katika matatizo ya kifedha kutokana na uzoefu wake katika masuala ya fedha na uchumi, lakini wachunguzi wa mambo wanasema hawezi kufanikiwa hadi Serikali ilisaidie kwa kulipa fedha za kulipa madeni na kuepuka mikataba mibovu.

Tanesco inaelezwa kuwa katika hali ngumu kutokana na kuwa na matumizi makubwa kuliko mapato lakini zaidi kutokana na kuelemewa na mikataba kadhaa mibovu inayowalazimu kulipa sehemu kubwa ya mapato yake.

Shirika hilo hivi sasa linalazimika kulipa mamilioni ya shilingi kwa mradi wa umeme wa gesi wa Independent Power Limited (IPTL) huku ikiwa na mikataba mingine inayoashiria hatari zaidi kama ule wa Kiwira Coal Power na ule wa Richmond Development ambao Bunge limeunda Kamati ya kuuchunguza.

Shirika hilo linaelezwa kupoteza shilingi bilioni 6.4/- kwa mwezi kutokana na kushindwa kupandisha bei ya umeme kama lilivyoomba.

Taarifa za Tanesco zinaeleza kwamba shirika hilo ni lazima lipandishe bei ya umeme kwa asilimia arobaini (40%) maombi ambayo yamewasilishwa kwa Mamlaka ya Udhibiti wa Nishati na Maji (EWURA).

Shirika hilo kwa sasa linatoza wateja wake Shilingi 84/- kwa uniti moja wakati gharama za uzalishaji ni shilingi 183/- kwa uniti moja na hivyo kulifanya shirika hilo kupoteza shilingi 99 kwa kila uniti inayotumika.

Dk. Rashidi aliteuliwa kuwa Mkurugenzi Mtendaji wa Tanesco mwishoni mwa mwaka jana kuchukua nafasi ya menejimenti ya Net Group Solutions kutoka Afrika Kusini iliyohitimisha mkataba wake wa miaka minne Desemba 31 mwaka jana.

Kabla ya kuteuliwa kuwa Mkurugenzi Mtendaji wa Tanesco, Dk Rashidi alikuwa Ofisa Mwendeshaji Mkuu na Naibu Mkurugenzi Mtendaji wa Benki ya Rabobank Holland inayosimamia shughuli za benki ya National Microfinance (NMB) tangu Oktoba mwaka juzi.

Mbali ya kuwa Gavana wa BoT, Dk. Rashidi aliwahi pia kuwa Mkurugenzi Mtendaji wa Benki ya NBC kati ya mwaka 1992 hadi Juni mwaka 1993 na Mkurugenzi wa Benki ya Akiba Commercial (ACB) tangu mwaka 1999 hadi Machi 2000.

Kutoka Raia Mwema wiki hii.

Thursday, November 29, 2007

MRABA WA MAGGID

"Heri kuongoza walioelewa, kuliko walioachwa gizani"

Maggid Mjengwa

JUMAPILI ya kesho kutwa, tutasherehekea miaka 46 ya Uhuru tangu Desemba 9, 1961 Tanganyika ilipopata uhuru.

Huu ni wakati wa kutafakari. Ni wakati wa kufikiri kwa bidii. Na ili tuelewe tunakokwenda ni busara kuangalia tulikotoka na tulipo sasa. Natafakari nchi ndogo ya Sweden. Tanzania ni mara mbili ya nchi hii kwa ukubwa. Sweden ni taifa kubwa sana kiuchumi na kisiasa.

Septemba mwaka jana Sweden walifanya uchaguzi mkuu. Raia walimchagua Waziri Mkuu ambaye umri wake hauzidi umri wa Tanzania kama nchi. Anaitwa Freidrik Rehnfeldt. Hajatimiza hata miaka 46.

Nakumbuka, mara tu alipounda baraza la mawaziri, hazikupita siku nane kabla ya mawaziri wake wawili kulazimishwa kujiuzulu. Walijiuzulu kutokana na kashfa ya kujipendelea kwa kutolipa ushuru wa televisheni na kukwepa kodi. Kazi ya kufichua dhambi za mawaziri hao ilifanywa na vyombo vya habari vikishirikiana na wananchi, walipa kodi.

Pamoja na ujana wake, Waziri Mkuu huyo wa Sweden alionyesha kukomaa kisiasa. Kwenye baraza lake hakuwa tayari kuwa na mawaziri ambao wangekuwa ni "mzigo wa ksiasa" kwake.

Aliwatua mapema na kuendelea na changamoto nyingine za kuongoza nchi yake. Miaka 46 ya uhuru wetu si sawa na miaka 10 ya uhuru. Dunia imebadilika. Zamani tulikuwa na "Wajomba" wa kutubeba hata pale tulipovuruga vuruga mambo ndani ya nchi zetu. Hali imebadilika.

Kwa viongozi wa nchi zetu, kwenda na wakati ni pamoja na kuwa na uwezo wa kusoma alama za nyakati. Wakati umebadilika. Miaka 46 ya Uhuru bado tunachangiwa asilimia 46 ya bajeti yetu. Hii ina maana katika shilingi mia ya matumizi yetu, shilingi 46 zinatoka kwenye mifuko ya wahisani. Wakati wazee wetu walipokuwa wakidai uhuru walitamka; "Ni fedheha kutawaliwa". Leo baada ya miaka 46 ya Uhuru umefika wakati wa kizazi chetu kutamka; " Ni fedheha kufadhiliwa".

Kama nchi tumeweka bakuli ambamo wahisani hutumbukiza pesa zao za misaada. Wenyewe wanaita " Basket Fund". Kizazi hiki kifike mahali kijisikie aibu kuendelea kutegemea fedha za wafadhili kuendeshea mambo yetu. Watanzania lazima tuelewe, kuwa wahisani hawa wanaochangia asilimia 46 ya bajeti yetu nao wanabanwa sana na wapiga kura wao.

Katika chaguzi zao, vyama vya nchi za wenzetu vimetoa ahadi kadhaa kwa wapiga kura wao. Mojawapo ni hii; kuwa wakipewa fursa ya kuunda serikali, basi watahakikisha wanadhibiti mapato na matumizi ya fedha za wananchi, wapiga kura wao.

Ikumbukwe, kuwa moja ya shutuma zinazotolewa na wapiga kura wa nchi hizo ni namna serikali zao zinavyokumbatia tawala za nchi zinazoendelea zenye kuendekeza ufisadi ikiwa ni pamoja na ufujaji wa mali za umma na ubadhirifu wa fedha za misaada. Misaada inayotokana na jasho la walipa kodi wa Ulaya na Marekani.

Ni katika mantiki hii inapaswa kuwaelewa wakubwa hawa wanapofuatilia na kutoa maoni yao juu ya taarifa za ufisadi wa mabilioni ya shilingi katika serikali zetu. Kimsingi wanafuatilia fedha za walipa kodi wao waliowaahidi kufanya hivyo katika chaguzi zao.

Mwishoni mwa mwaka jana tuliambiwa, kuwa taasisi ya kuzuia Rushwa, TAKUKURU, ingepewa meno ifikapo Februari mwaka huu. Kuna wananchi wanaonong'ona mitaani juu ya aina ya meno waliyopewa TAKUKURU, kwani meno yako ya aina nyingi.

Hakika wananchi bado wanasubiri utekelezaji, maana njia ya kupambana na vigogo wa ufisadi ina tope zito. Ni rahisi kwa TAKUKURU kuwavua dagaa, sambamba na hilo, wanachotaka wananchi ni kuona Taasisi hiyo ikianza kuwavua kambale wakubwa wa ufisadi.

Itakumbukwa, kuwa kabla ya kuachia madaraka, rais mstafu Benjamin Mkapa alitamka; kuwa anaiacha nchi yenye uchumi ulio tayari kupaa. Lakini tufikiri, katika hali ya mvua ya manyunyu,rubani anaweza kuitayarisha ndege, akawasha injini, ndege ikawa tayari kuruka.Hata hivyo, ndege hiyo inaweza kubaki hapo uwanjani ikiunguruma bila kupaa. Hilo laweza kutokea kama mvua itaongezeka ghafla na barabara za udongo za uwanja huo kujaa matope.

Kujenga uchumi wa kisasa ni sawa na kutengeneza mazingira mazuri ya ndege, si tu kuweza kupaa, bali kuvutia marubani wengine kutua na ndege zao kwa salama na amani. Katika nchi yoyote yenye dhamira ya kweli ya kwenda mbele kimaendeleo, usalama na amani ni vitu viwili muhimu kuwapo. Bila usalama na amani hakuna maendeleo. Na katika mazingira yenye kuruhusu kushamiri kwa rushwa, kubwa na ndogo, basi, haki na usawa katika nchi hiyo hukosekana. Na pasipo na haki na usawa, hakuna amani na usalama.

Unaweza kuwa na amani katika nchi lakini ukakosa usalama kwa maana ya kuwa, ingawa nchi haimo katika vita, lakini wananchi kwa kiwango kikubwa hawana hakika ya usalama wa maisha na mali zao.

Hawana hakika ya maisha yao ya kila siku, chakula chao, afya yao, elimu yao na ya watoto wao. Nchi inaweza kuwa na amani lakini haina usalama kwa maana ya pili niliyoielezea. Na hilo la kukosekana kwa usalama huhatarisha kuvunjika kwa amani.

Kuwapo wa amani na usalama katika nchi hujengeka katika misingi ya haki na usawa, misingi ya kuaminiana. Misingi ya kuheshimu haki na uhuru wa raia kutoa mawazo yao. Ni lazima kuwapo misingi imara ya demokrasia. Wananchi ni vema wakawaamini viongozi wao, na viongozi pia ni vizuri wakawaamini wananchi wao. Na ili viongozi waaminike ni lazima wawe wakweli na wawazi. Wawe waadilifu.


RAIS Mstaafu Benjamin Mkapa

Yaweza kusemwa mengi juu ya mstaafu Mkapa. Lakini, katika awamu yake nimejaribu kufuatilia kwa karibu kauli zake ambazo hakika leo twaweza kufanya kazi ya kumhukumu kutokana na kauli zake hizo na matendo yake. Ni busara kuifanya kazi hiyo kwa haki.

Nakumbuka mstaafu Mkapa aliwahi kutamka; " Ni afadhali nichukiwe kwa kuwa mkweli, kuliko kupendwa kwa kuwa mwongo na mlaghai" Kisha akaongeza; " Kiongozi aliyejiridhisha kuwa jambo fulani ni la manufaa kwa wananchi wake hana sababu za kuogopa kuwa mkweli, na kuelezea kwa nguvu ya hoja, kwa nini sera, mikakati na mambo fulani ni ya lazima. Ni vema, na haki, kuongoza walioelewa, kuliko kuongoza walioachwa gizani". Alisema Mkapa.

Wanadamu hatuna budi kufahamu, kuwa uaminifu ni biashara nzuri, ni biashara yenye tija.

Tusipoaminiana na kibaya zaidi, tusipoaminiwa kama watu binafsi, tusipoaminiwa na wengine ndani na nje ya mipaka yetu. Hilo ni jambo la hasara kwa mtu mmoja mmoja na kwa taifa.

Haya ni mambo ya msingi kabisa kuyatafakari. Hii ni nchi yetu. Ni nchi yetu sote. Ni lazima tuaminiane. Tulio wengi tuna mapenzi ya dhati na nchi yetu. Kama taifa, miaka 46 ya Uhuru inatutaka tutafakari kwa kina juu ya mustakabali wa taifa letu.

Mungu Ibariki Afrika, Mungu Ibariki Tanzania.

Kiselule: 0754 678 252,
Baruapepe: mjengwamaggid@gmail.com,
Blogu: http://mjengwa.blogspot.com

Kutoka Raia Mwema wiki hii.



NCHEME NCHICHEME?

Watu wao na watu sisi.

KWA wiki kadhaa sasa tumekuwa tukishuhudia, ama tukitangaziwa, hali mbaya, na mauti hasa, ambayo yememfika mmoja kati ya Watanzania wenzetu wawili, waliolazwa katika Taasisi ya Mifupa (MOI) na wakafanyiwa upasuaji ambao haukustahili.

Tuwape pole ndugu na jamaa wa marehemu Emmanuel Mgaya na tuendelee kuomba kwamba Emmanuel Didas hali yake inaendelea kuwa njema kusubiri tiba. Tayari tumeambiwa kwamba Didas anatafutiwa namna ya kupelekwa nje ya nchi kwa matibabu kwa nia nzuri ya kutaka kuokoa maisha yake. Hakika hilo ni jambo zuri. Na tumpongeze yeyote aliyefikiria jambo hilo kwa mara ya kwanza.

Lakini zaidi ya pongezi kuna mambo ya kuzungumza kwa uwazi. La kwanza ni kwamba uamuzi wa kumsafirisha nje kijana huyo umechelewa mno kufanywa. Yawezekana ni kweli kwamba kwa hali yake ya maumivu kweli asingeweza kusafirishwa kama wanavyoeleza wenyewe wenye taaluma yao.

Lakini si kuchukua maamuzi kama hayo ya kumsafirisha ni sehemu ya taaluma yao pia? Kwamba watakuwa katika somo moja ama jingine, wamepitia namna ya kumsafirisha mtu mwenye maumivu ya aina yake?

Ukiacha hilo la uamuzi na taaluma kuna pia ugoigoi wa kusafirisha watu kwenda kutibiwa nje. Kasi iliyopo kwa sisi kina pangu pakavu tia mchuzi na vigogo hakika inapishana sana.

Hakika kama Didas ama hata Mgaya, wangekuwa ni vigogo, wangekwisha kuwa wamesafirishwa kitambo kwenda huko kunakoelezwa kunatolewa tiba nzuri.

Na mifano ya hayo ni mingi. Majuzi kigogo mmoja alipata ajali mikoani, yeye haraka haraka kapelekwa nje kwa matibabu, huku nyuma miongoni mwa walioumia sana hakuna aliyewakumbuka, baadaye ikawa ni hadithi ya mauti!

Ha hapa ndipo kwenye tatizo kubwa. Ghafla miongoni mwetu wamezuka watu zaidi na watu shinda. Kuna wenzetu maisha yao yana thamani kubwa kuliko sisi wengine.

Kwa hiyo jamii yetu ambayo kwa miaka mingi haikuwa na matabaka ya aina hii, sasa inadhihirisha kuwa matabaka ni lazima. Na wenye madaraka hawahitaji waumie sana, mkwaruzo kidogo tu basi safari ya India hiyo!

Kutoka Raia Mwema wiki hii.

WASIFU WA WIKI

Nitawaanika makuwadi wa siasa za Tanzania - Zitto

Aristariko Konga

ZITTO Zuberi Kabwe ni jina ambalo limepata umaarufu mkubwa, hasa kutokana na kijana huyo kuwa machachari katika Bunge. Lakini umaarufu wake umekuwa mkubwa zaidi pale aliposimama kidete kuhoji uhalali wa mkata wa uchimbaji madini huko Buzwagi, Kanda ya Ziwa, na kasha kusimamishwa ubunge kutokana na hoja yake hiyo.


Zitto Zuberi Kabwe

Ni mmoja wa viongozi waandamizi wa Chama cha Demokrasia na Maendeleo (CHADEMA) na Mbunge wa Kigoma Kaskazini, kupitia chama hicho.

Amekuwa mstari wa mbele katika masuala ya siasa, tangu nilipomfahamu akiwa katibu wa serikali ya wanafunzi wa Chuo Kikuu cha Dar es Salaam. Kwa hakika, kama ni kulelewa na kupikika katika siasa, basi Zitto Kabwe amezama katika uwanja huo, tangu akiwa mshiriki wa uaandaaji wa makongamano ya kisiasa katika Chuo hicho.

Pengine katika kauli ambazo siwezi kuzisahau, ni kauli moja ambayo niliikumbuka mara baada ya kusoma makala mmoja iliyokuwa ikimhusu Zitto, kwamba alikuwa ameingia CHADEMA, na alikuwa ni mmoja wa vijana wenye uwezo wa hali ya juu.

Akichangia mada kwenye kongamano katika ukumbi wa Nkrumah wa Chuo Kikuu cha Dar es Salaam, Zitto alisema: "Lazima wanasiasa watufunze na kutupisha, kwa sababu sisi ndio tutakuwa wabunge na mawaziri wa baadaye."

Kwa hiyo niliposikia kwamba Zitto amejiunga na kinyang'anyiro cha ubunge katika Jimbo la Kigoma Kaskazini, kwa hakika, sikushangazwa. Nilijikumbusha tu, kwamba kauli yake ilikuwa sehemu ya maisha yake ya kisiasa.

Hivi karibuni Zitto aliteuliwa na Rais Jakaya Kikwete kuwa mmoja wa wajumbe wa Kamati ya Kuchunguza Mikataba ya Madini.

Katika mahojiano na RAIA MWEMA mwishoni mwa wiki iliyopita, Zitto alifafanua masuala kadhaa, ikiwa ni pamoja na kuuhakikishia umma kuwa hawezi kufunga kinywa chake kutokana na uteuzi huo wa mkuu wa nchi.

“Ninaweza kudiriki kusema kwamba nipo comfortable na uteuzi wa Rais. Sidhani kama imekuwa ni njia ya kuninyamazisha. Siamini hivyo.

“Inawezekana kuna wana CCM ambao wanadhani uteuzi wangu ni njia ya kuninyamazisha. Kamwe siwezi kunyamaza. Najua kuna kazi nzito mbele yangu na wenzangu.

“Kama kuna watu wanadhani wanadhani kuwa kamati hiyo ni mtego wa kisiasa, bado wako wrong (wamekosea)…Kama wanadhani kuwa uamuzi wa Rais kuniteua mimi ni njia ya kuninyamazisha, basi wamekosea. Sitanyamaza kamwe.

“Inabidi watu wafahamu kuwa suala la uchunguzi wa mikataba ya madini ni la maslahi ya taifa. Sijui kama ni la kisiasa. Ni suala la ulinzi wa maslkahi ya taifa letu.”

Zitto anasema kwamba suala hilo si la ushindani wa CCM na CHADEMA, ingawa amesikia baadhi ya watu wengine wakisema kwamba baadhi ya wajumbe wa kamati hii ni marafiki wa Waziri wa Nishati na Madini, Nazir Karamagi, ambaye alishiriki kutia saini Mkataba wa Buzwagi, ambao ndio ulioibua mjadala katika Bunge, na kupelekea Zitto kusimamishwa ubunge.

“Kuna masuala kwamba baadhi ya wajumbge wa kamati ni marafiki wa Karamagi, ni wanasiasa…Lakini mimi ninaamini kuwa CHADEMA ipo juu ya siasa, inaangalia zaidi maslahi ya taifa hili.

“Nikiwa mjumbe wa kamati hii nina uhakika nitakuwa huru kutoa maoni yangu. Nimekuwa uhuru kutoa maoni yangu ndani ya Bunge na ndivyo nitakavyokuwa huru kutoa maoni yangu kwenye kamati hii ya madini.”

Zitto anasema kwamba amekuwa akiungwa mkono na viongozi wa chama chake, akiwamo muasisi wa CHADEMA na mwanasiasa wa siku nyingi, Mzee Edwin Mtei, wananchi na viongozi wa Kigoma, ingawa hana uhakika na msimamo wa mwenyekiti mstaafu wa chama hicho, Bob Makani.

Hata hivyo, anasema kwamba chama chake bado hakijatoa kauli rasmi, kupitia vikao vyake, kuhusu uteuzi wake huo, licha ya kuwapo kwa kauli za kuungwa mkono kutoka kwa viongozi wake. Zitto anasema kwamba kabla ya uteuzi huo wa Rais Kikwete, hakuwa na mawasiliano yoyote naye na wala hakuarifiwa mapema.

“Mimi sijazungumza lolote na Rais Kikwete na sitaki kujiingiza kuwa nilishaurika kuwa mjumbe wa kamati hiyo. Sitaki kulifanya suala hilo kuwa ni la kisiasa.”

Kama ulikuwa hujui maana ya neno “machachari” si ajabu katika kipindi cha wiki kadhaa zilizopita umeijua.

Vyombo vingi vya habari nchini Tanzania vimekuwa vikitumia neno hilo kumuelezea mbunge wa Kigoma Kaskazini, Zitto Kabwe kutokana na yaliyojiri bungeni hivi karibuni.

Akiwa na umri wa miaka 29 tu (hivi sasa ana miaka 30) Zitto Zuberi Kabwe, aliingia bungeni na kuwa mbunge mdogo kupita wote wa kuchaguliwa. Aliingia bungeni baada ya kupata dhamana ya asilimia 51 ya wapiga kura wa jimbo lake la Kigoma Kaskazini kwa kupitia CHADEMA.

Hivi karibuni mbunge huyu kijana zaidi alisimamishwa kuhudhuria vikao vya bunge mpaka hapo Januari mwakani. Kufuatia kitendo hicho, jina la Zitto Kabwe pengine ndilo ambalo limekuwa likitajwa miongoni mwa Watanzania wengi kupita jina lingine lolote kwa wakati huu.

Kuhusu kuingia kwake katika siasa, Zitto anasema: “Mimi nilizaliwa mwanasiasa. Siasa ipo kwenye damu yangu. Nimekuwa nikijihusisha na nyadhifa za kisiasa tangu nikiwa shule ya msingi.

“Nilipoamua kujiunga na chama cha siasa cha upinzani, nilishawishiwa zaidi na ukweli kuwa Tanzania inahitaji upinzani imara ili kufuatilia utendaji wa chama tawala. “Nilijiunga na CHADEMA nikiwa na umri wa miaka 16 tu, na nimebakia katika chama hiocho tangu wakati huo.

Kuhusu mwanasiasa ambaye anapenda kuiga mambo yake, Zitto anasema: “Nimekuwa nikimpenda na ninaendelea kumpenda kutokana na mwenendo wake. Nimekuwa nikimwona mtu aliyelelewa vizuri kisiasa. Ingawa ni Rais wa Tanzania, ambaye hakujaliwa kupata wadhifa huo, afanya kazi nzuri kipindi cha mpito kutoka Umoja wa Nchi Huru za Afrika (OAU) kwenda Muungano wa Afrika (AU).

Kuhusu kama hivi leo asingekuwa mbunge, Zitto anasema: “Kwa vyovyote vile ningekuwa mhadhiri, mtafiti na mwandishi. Nitafanya hayo iwapo nitaondoka kwenye siasa. Ninapenda sana kufundisha.

Kuhusu siasa kuwa ni suala la kifamilia kama ilivyo kwa familia, Zitto anasema: “Jambo hilo lina ukweli. Mama yangu ni mwasiasa katika Manispaa ya Kigoma. Babu yangu alizaliwa katika ukoo wa kichifu. Hata hivyo, kwangu mimi siasa ni matokeo ya kusoma kwingi na kujihusisha na masuala ya kijamii.

Kuhusu uzoefu katika siasa, Mbunge huyo anasema:”Uzoefu ni muhimu ingawa sharti la kutosheleza kuwa kiongozi bora. Kama nilivyosema tangu mwanzo kuwa nilianza kwa kuwa kaka wa shule ya msingi, na hata katika ngazi ya chuo kikuu nilikuwa kiongozi wa wanafunzi.

“Uzoefu ambao niliupata katika uongozi wangu chuo kikuu ulikuwa mkubwa sana. Umenisaidia kuyakabili mambo kwa ubora zaidi. Migomo na migogoro ya wanafunzi iliimarisha uwezo wangu wa kuongoza na kushughulikia migogoro.

Kuhusu malengo yake ya kisiasa, anasema: “Kusema ukweli, kumekuwa na mabadiliko katika msafara wangu wa kisiasa. Nilipokuwa mbunge, malengo yangu yalikuwa kwa ajili ya jimbo langu la Kigoma Kaskazini.

Lakini nilipoingia katika Bunge, nilijikuta nilikilazimika kuzungumzia masuala ya kitaifa kuliko yale ya jimbo langu pekee. Kwa hiyo, nayaona masuala kwa upana zaidi sasa.

Juu ya kuingia kwake katika upinzani anasema: “Nilishawishika zaidi na kiu ya kuona serikali ikiwajibika. Na jambo hilo linawezeka kupitia mfumo wa vyama vingi.

“ Kisheria katika Tanzania tuna mfumo wa vyama vingi, lakini katika hali halisi kuna chama kimoja kinachotawala kila kitu, yaani CCM, ambayo inashika hatamu zote za dola.

“Ni lengo langu kuona kwamba mfumo huo unatoweka hapa nchini. Ninataka kuhamasisha Watanzania wauzike mfumo huu, na baadaye kuhakikisha kodi ina thamani kwa maendeleo ya watu.

“Ninayo njozi kwamba kufikia Novemba 2010, wabunge wa upinzani watafikia asilimia siyo chini ya 40.

Mara baada ya kujiunga na CHADEMA, Zitto alianza na wadhifa wa ofisa wa siasa wa chama. Baadaye akawa Ofisa wa Mambo ya Nje na kisha kuwa Mkurugenzi wa Ushirikiano wa Kimataifa. Hivi sasa ni Naibu Katibu Mkuu.

“Ninamwona Freeman Mbowe kuwa mtu muhimu kwangu. Aliniona nikiwa chuo kikuu, akanishawishi niweze kukiunga mkono chama. Anao uwezo, visheni na ujasiri wa kukiongoza chama. Kwa hakika, alinilea kuwa kiongozi.”

Mpaka sasa ni mbunge kivuli wa uchumi Mwanasiasa huyo hupendelea kusikiliza muziki, kufanya matembezi na kusoma.

Zitto anasema kwamba ifikapo Januari mwakani atakuwa ameandika vitabu vitatu, kimoja kikihusu ni kwa nini na jinsi gani alishinda uchaguzi Kigoma Kaskazini, kingine kikihusu maisha ya Marehemu Amina Chifupa na cha tatu ni Siasa ndani ya Bungte la Tanzania. “Vitabu viwili vya mwanzo viko katika hatua ya mwisho, na hiki cha tatu nishakusanya nyaraka zote muhimu.

“Kabla ya 2010 nimepanga kuandika kitabu kuhusu ni nani hasa ana ushawishi katika siasa za Tanzania. Ninataka kuweka wazi ‘Utatu Mtakatifu wa Siasa za Tanzania.’ Nitakiandika kitabu hicho kwa kushirikiana na waandishi wa habari wa hapa nchini.

“Tayari nimewaarifu wenzangu kuanza kufanya utafiti. Mradi wa kitabu hiki, ukifanikiwa, basi utakuwa kivutio kikubwa. Zitto Kabwe anasema hana kiu yoyote ya urais na kwamba hatagombea ubunge mwaka 2010. “Ninataka kuwa sehemu ya timu ya kukampeni ili wapinzani wapate wabunge wengi.

“Katika miaka 10 ijayo nitakuwa nikifundisha katika moja ya vyuo vikuu hapa nchini. Ninashinikizwa sana kugombea ubunge tena mwaka 2010, lakini sidhani kwamba nitabadili mawazo yangu ya kutogombea. Hebu tusubiri na tuone.

Zitto alipata elimu yake katika shule ya msingi Kigoma, na baadaye akapata elimu yake ya sekondari katika shule za sekondari za Kigoma, Kibohehe, Galanos na Tosamaganga, kabla ya kujiunga na elimu ya juu hapa nchini na Ujerumani.

Kutoka Raia Mwema wiki hii.

WARAKA KUTOKA HUSTON

Ili tuendelee tunahitaji watu

Innocent Mwesiga.

MINTARAFU makala ya Jenerali Ulimwengu (Raia Mwema toleo namba 2) nimeona nitoe dukuduku ambalo lengo lake si kukinzana, bali kupanua wigo wa mjadala aliouanzisha.

Kwa kiwango fulani, ukiritimba wa muda mrefu katika safu za uongozi umechangia kibaba cha umasikini unaoisibu nchi yetu. Hivyo basi, kimsingi, mawazo yangu yanashabihiana na hoja ya Ulimwengu katika kona moja tu ya umuhimu wa uongozi bora.

Lakini ukosefu wa uongozi bora, si tatizo kubwa pekee linaloididimiza nchi. Ndiyo maana nachelea kwa jumla kukubali mantiki ya kuwa Ni uongozi, basi; kwa maana kwamba “ili tuweze kuendelea tunahitaji vitu vinne: Mosi, uongozi bora, pili, uongozi bora, tatu, uongozi bora na nne, uongozi bora”.

Sidhani kwamba tukipata uongozi bora pekee, tutakuwa tumepiga hatua muhimu kuelekea katika maendeleo. Natofautiana na mawazo kwamba kuna kundi fulani la watu ndani ya jamii ambalo miongoni mwao, yupo mtu au watu wachache wenye sifa kamilifu za uongozi.

Kana kwamba kazi ya Watanzania bakia, ni kubainisha hilo kundi jalili lenye sifa mithili ya Kakakuona, na kuliibua mbele ya kadamnasi, ili likabidhiwe dhamana ya kuongoza Watanzania kuelekea katika maendeleo.

Kuendelea kuamini dhana ya uongozi bora pekee, ni kupalilia mazishi ya umuhimu wa nafasi ya kila mmojwa wetu katika ushiriki wa kulipia gharama za maendeleo. Kadiri tunavyoendelea kuamini ujio wa uongozi bora, ndivyo njia yetu ya kuelekea kwenye maendeleo inavyokuwa nyembamba na mwishowe itatoweka kabisa.

Ni kujidanganya kudhani kwamba siku moja atatokea kiongozi aliyekabidhiwa ufunguo wa mlango wa maendeleo, na sisi kazi yetu ni kumtafuta mpaka tumpate, ili aweze kutufungulia huo mlango. Katika hali ya kawaida ya maisha ya jamii, kiongozi wa namna hii hawezi kutokea, labda kwa miujiza ya Mwenyezi Mungu. Dhana hii inanikumbusha ushuhuda wa Biblia pale Petro alipopewa ufunguo na kukabidhiwa jukumu la kuongoza Kanisa lililoanzishwa na Yesu Kristo.

Kama kungalikuwapo kiu ya maendeleo miongoni mwa waumini wa Kanisa la Yesu, wangalimuomba kiongozi wao Petro, atumie ufunguo aliopewa na Yesu kuwafungulia mlango wa maendeleo. Lakini, ni vema kung’amua kwamba, hata hao waumini, wasingeweza kumuomba kiongozi wao awafungulie huo mlango bila wao kuimarika katika imani. Petro alipewa ufunguo kwa minajili ya kuwafanya wafuasi wake wawe na imani.

Tofauti na dini, uongozi wa nchi msingi wake si imani, bali ni sayansi ya kufikiri. Imani na sayansi ya kufikiri ni vitu viwili tofauti, kama lilivyo jua na mwezi. Mungu amempatia kila mmoja wetu ufunguo wa karama au vipaji, ambavyo tunatakiwa kuviunganisha kwa pamoja, ili tufungue milango ya maendeleo.

Yatupasa kudamka kutoka katika usingizi huo mzito wa fofofo, uliogubikwa na ukungu wa ndoto za kusubiri ujio wa uongozi bora, kana kwamba tuko katika zama za kusubiri ujio wa Masiya.

Binafsi nafikiri maendeleo yanaletwa na watu. Sioni dosari katika kanuni inayosema ili tuendelee tunahitaji watu, ardhi, siasa safi, na uongozi bora. Hata hivyo, msingi wa hii kanuni ni watu. Siasa safi lazima ilenge maendeleo ya watu. Uongozi bora lazima ulenge maendeleo ya watu, ardhi lazima iwepo kwa ajili ya maendeleo ya watu, na watu wawepo kwa maendeleo ya watu, na si vinginevyo. Uvurugaji wa kanuni hii unakwenda sambamba na kufutika kwa ndoto za maendeleo.

Imekuwapo hoja kuwa suala la watu wa kuleta maendeleo si tatizo, kwani idadi ya Watanzania inakaribia milioni 40. Hivyo, kinachokosekana si watu, bali ni kitu kingine.

Sikubaliani na dhana ya kuwahesabu watu kama wahesabiwavyo kondoo malishoni. Au kudhani kwamba watu wanaweza kuongozwa kama waongozwavyo ng’ombe kuelekea mazizini.Watu wa kuleta maendeleo wana sifa ambazo asili yake ni ubinadamu.

Katika suala la maendeleo, haitoshi kutaja idadi ya Watanzania bila kutaja idadi ya Watanzania wenye sifa za kuleta maendeleo.

Watu wa kuleta maendeleo wamejaliwa utashi na ubongo, hivyo, wawe na haki ya kushiriki katika maamuzi yanayohusu maendeleo ya nchi yao. Wana midomo, hivyo, wawe na haki ya kujieleza na kusikilizwa, kuhoji na kujibiwa mambo ya msingi yanayohusu maendeleo ya nchi yao. Wamejaliwa macho, hivyo, wawe na haki ya kuona mambo muhimu yanayohusu maendeleo ya nchi yao. Wana masikio, hivyo, wawe na haki ya kuambiwa bila kificho na wakasikia masuala yote yanayohusu maendeleo yao.

Katiba ya nchi lazima ilinde haki za msingi za binadamu. Hakuna mtu au kikundi cha watu wachache kinachopashwa kupewa mamlaka ya kufuta haki za msingi za wananchi bila ridhaa yao. Lakini kwa bahati mbaya, Katiba yetu imekuwa ikibadilishwa bila kushauriana na wananchi. Matokeo haki za msingi za wananchi zimeporwa au zimewekewa masharti yasiyo ya lazima (rejea ibara ya 67 (1) kifungu kidogo (e) cha Katiba ya Tanzania).

Mara nyingi, zimetungwa sheria zinazompa mtu mmoja mamlaka na nguvu za kufanya maamuzi bila kuhakikiwa na taasisi zinazopaswa kuwawakilisha wananchi (rejea sheria ya madini ya mwaka 1998 ibara ya 10 (1) – (2) (a), (b), (c)). Ndiyo maana nafikiri kwamba, takwimu za idadi ya Watanzania kukaribia milioni 40, hazina maana yoyote, kama Watanzania wenye uwezo Kikatiba wa kufanya maamuzi ya kulikwamua au kulikwamisha taifa ni wawili au watatu. Katika msingi huu, idadi ya Watanzania wenye sifa za kuleta maendeleo haitoshi.

Suala jingine la kuzingatia wakati wa kuhusisha idadi ya watu na maendeleo ni asili ya binadamu. Bila kujali rangi, kabila, Uzungu, Uchina, au Uafrika, watu wote tunaunganishwa na kitu kimoja: ni udhaifu wa kibinadamu. Hakuna aliyemkamilifu au malaika wa kitabia.

Yawezekana kutofautiana maumbo, karama, au vipaji. Pia tunaweza kuwa na mseto wa sifa za kitabia ambazo ni msingi katika mahusiano yetu ndani ya jamii. Baadhi ya hizo sifa ni busara, maono, ujinga, welevu, uaminifu, wema, tamaa, udokozi, wizi, utapeli, na nyinginezo. Lakini sifa ya msingi ambayo iko kwa kila mmoja wetu, ni ile ya udhaifu wa kibinadamu.

Sifa za kitabia zinaweza kuchochea au kudumaza, kuongeza au kupunguza kiwango cha udhaifu wa kibinadamu. Katika hali ya kawaida ya maisha ya ubinadamu wetu, ni nadra kumkuta mtu aliyejaliwa sifa mbaya peke yake, au sifa nzuri peke yake.

Udhaifu wa ubinadamu unatawaliwa na mseto wa sifa mbaya na nzuri kwa wakati mmoja. Ndiyo maana si haba kumkuta mtu aliyejaliwa sifa nzuri ya maono au uwezo wa kuona mbali, lakini pia ana sifa mbaya ya udikiteta.

Mwingine ana sifa nzuri ya werevu, lakini sifa yake mbaya ni udokozi. Mwingine ana busara, lakini si mwaminifu. Kuna anayeipenda sana nchi yake, lakini hashauriki au wakati mwingine ujinga unamzidi kimo.

Bahati mbaya sifa za msingi za kibinadamu zinabadilika kutokana na urithi wa vionjo vya kibaiolojia, malezi, mazingira, umri na sababu nyinginezo. Ndiyo maana baadhi ya watu wasipokuwa na fedha wanakuwa na tabia ya unyenyekevu na heshima kwa wenzao, lakini pindi wapatapo fedha, wanakuwa na kiburi au dharau kwa wenzao.

Wengine katika ujana wao wamejaliwa vipaji vya kufikiri vizuri na kufanya maamuzi ya maana kwa manufaa ya jamii inayowazunguka. Lakini wakiwa na umri wa makamo, yanaweza kutokea mabadiliko ya kibaiolojia ndani ya miili yao, ambayo yako nje ya uwezo wao, na kusababisha wawe na uwezo duni wa kufikiri unaofanya maamuzi yao kuwa ya hovyo. Pia wapo raia wema, wasikivu, wanaopenda kuchanganyikana na kushauriana na wenzao, lakini wanapopata madaraka wanalewa na kuwa malimbukeni.

Katika mseto wa namna hiyo wa kitabia ndani ya udhaifu wa kibinadamu, si jambo jema kuwakabidhi watu wachache mamlaka yote ya kuamua mustakabari wa waliowengi. Hatuwezi kubashiri viwango vya mabadiliko ya tabia za watu kabla na baada ya kukabidhiwa dhamana ya uongozi. Kuna masuala hayahitaji ubashiri na yanajulikana waziwazi. Mosi, binadamu wote wana udhaifu wa kibinadamu, pili, hakuna binadamu aliyejaliwa vipaji vyote kiasi kwamba apewe nafasi ya kuvitumia kwa niaba ya wote, tatu, kila mtu amejaliwa karama au kipaji ambacho ni tofauti na mwingine, na nne, binadamu wote wana mseto wa sifa mbaya na nzuri.

Hivyo basi, hatuna sababu ya kucheza kamari wakati wa kutafuta maendeleo. Msingi wetu wa maendeleo ujengeke katika masuala ambayo tuna uhakika nayo kama niliyo yataja.

Tuchote busara za wahenga waliotuhasa kwamba umoja ni nguvu na utengano ni udhaifu. Tupeane miadi ya kukutana kama taifa kwa lengo la kuunganisha karama au vipaji vya kila mmoja wetu.

Tuweke mfumo ambao utatoa nafasi kwa kila mmoja wetu kupata haki na mamlaka ya kikatiba ya kudhibitiana. Jukumu hili liwe ni la wote na si kumkabidhi mtu mmoja au kikundi cha watu wachache. Hatua ya kuwahusisha watu wote katika masuala ya msingi ya maendeleo itakuwa ni muhimu kuelekea kwenye maendeleo na kujenga jamii shadidi, hata kama tutakosa uongozi bora.

Ni kweli, ukiondoa mitume, wamekuwapo binadamu wa kawaida ambao wanasifika kwa kutumia vipaji vyao kwa muda wote wa uhai wao, ili kutoa mchango mkubwa wa kuendeleza jamii walimoishi. Wengine wanasifika kwa kutokubadili tabia na sifa zao nzuri, hata kama mazingira walimoishi yalibadilika kwa kiasi kikubwa.


NELSON Mandela

Mfano, Kabla hajahukumiwa, Nelson Mandela alisema kuwa alichokuwa anapigania katika maisha yake yote ni jamii huru ambamo watu wote wataishi kwa mapendo, uelewano, furaha, amani, na haki sawa kwa wote. Alipotoka jela baada ya miaka 27 alirudia maneno yaleyale. Alipopewa nafasi ya kuongoza nchi, badala ya kulipiza kisasi kwa waliomuweka jela, aliyaweka maneno yake kwenye matendo kwa muda wa kipindi cha miaka mitano ya uongozi wake. Mpaka sasa hivi anatamka maneno yaleyale bila kuwa na soni.

Mwaka 1967 Mwalimu Nyerere alitangaza Azimio la Arusha, ambalo ndani yake kulikuwa na kipengele cha maadili ya viongozi. Kimaadili, hata wake wa viongozi hawakutakiwa kuendesha miradi ya kawaida ya kuendeleza familia zao. Mwaka 1985 wakati anang’atuka madarakani, Mwalimu Nyerere na Mama Maria walikuwa wanafanana na Azimio la Arusha. Mwaka 1995, Mwalimu alisisitiza msimamo wake na kusema kwamba alikuwa haoni dosari yoyote katika Azimio la Arusha. Aliliishi Azimio la Arusha mpaka siku yake ya mwisho.

Lakini lazima tukubali ukweli kuwa watu mithili ya Mandela, Gandhi, Martin Luther King Jr, Nyerere na wengineo, ambao wanasifika kujaliwa sifa nzuri za maadili, maono, na busara kwa muda mrefu, ingawa pia walikuwa na udhaifu mwingine, hawazaliwi mara kwa mara. Hatuwezi kuweka nchi zetu rehani kwa miongo kadhaa tukisubiri mtu kama Nyerere azaliwe tena. Hata huo uongozi wa kusadikika ukijitokeza na kutukuta tumelala usingizi wa namna hii, maendeleo ya kweli na ya muda mrefu, hayawezi kupatikana.

Vilevile uongozi unakuwa bora kama unapata nguvu na akili kutoka kwa wananchi. Ni muungano wa nguvu na akili za Watanzania ambao uliwatisha wakoloni mpaka wakabwaga manyanga na kutimua mbio.

Nyerere peke yake asingefua dafu. Muungano wa nguvu na akili za Weusi wa Afrika Kusini, waliopoteza maisha yao, na wale waliokuwa tayari kujitoa muhanga, wakisaidiwa na muungano wa nguvu na akili za wapenda haki popote duniani, ndio uliowafanya Makaburu wasalimu amri. Mandela peke yake asingefika mbali, kwani alikuwa jela. Vivyo vivyo, kwa Martin Luther King Jr, na Indira Gandhi.

Hata hivyo, yaliyopita si ndwele, tugange yajayo. Yatupasa kufanyia kazi kile tulichonacho mkononi. Watu waliosheheni jamii zetu ni wale wanaozaliwa kila siku ambao wana udhaifu wa kawaida wa kibinadamu. Mfano, Benjamin Mkapa. Aliingia madarakani mwaka 1995 akisema kwamba alichukia rushwa kwa moyo wake wote, na asingekuwa na suluhu kwa wala rushwa.

Kumekuwapo na wito kutoka kwa wananchi wa kumtaka atie neno, na ikiwezekana ayarudie maneno aliyoyasema mwaka 1995, lakini wapi, anapata kigugumizi.

Itaendelea

inno@comcast.net

Kutoka Raia Mwema.

HOJA YANGU

Kujiuzulu au kutojiuzulu: Hilo ndilo swali!

Lula wa Ndali-Mwananzela

WAHENGA walisema kuvunjika kwa koleo si mwisho wa uhunzi, na ndiyo wao pia waliosema kuvunjika kwa mpini siyo mwisho wa kilimo.

Misemo hiyo na mingine inayofanana nayo, ina maana moja kubwa kwamba kitu kikienda kombo au kisipofanya kazi inavyotakiwa basi isiwe mwisho wa kile kinachotakiwa kufanywa kufanyika. Nikichukua misemo hiyo na kuipanua kidogo naweza kusema kuwa kujiuzulu kwa kiongozi si mwisho wa kuongoza.

Wiki iliyopita ilikuwa ni almanusra Watanzania tushuhudie kujiuzulu kwa mmoja wa watendaji wa makampuni nyeti nchini, lakini kwa sababu ambazo bila ya shaka zinajulikana zaidi sasa baada ya kujiuzulu huko kukomeshwa saa chache baada ya habari zake kuvuja.

Habari za kujiuzulu Dk. Idris Rashid, Mkurugenzi Mtendaji wa Kampuni ya Umeme nchini (Tanesco) ziliposikika mwitikio wa watu wengi ulikuwa si tu wa kushangazwa bali kwa namna fulani wa kuona kuwa hatimaye kuna mtu ameamua kuwajibika.

Hata hivyo, saa chache baadaye habari mpya zikatokea kuwa Dk. Idris ameondoa barua yake ya kujiuzulu (mwenyewe anasema alishauriwa kufikiri upya) na hivyo anaendelea na wadhifa wake. Ni tukio hilo ndilo leo limenifanya nizungumzie kidogo suala hili la viongozi na watendaji wetu kujiuzulu.

Katika historia ya nchi yetu, mara kadhaa baadhi ya viongozi walijikuta wanalazimika kujiuzulu kwa sababu moja au nyingine. Mwalimu Julius Nyerere alijiuzulu uwaziri mkuu ili aijenge TANU, akamuachia Rashidi Kawawa kabla ya kurudi baadaye kama rais; Ali Hassan Mwinyi alijiuzulu uwaziri nafasi yake ya uwaziri wa mambo ya ndani kwa mauaji yaliyotokea Shinyanga; Profesa Simon Mbilinyi na Idi Simba walilazimika kujiuzulu baada ya kuundwa kwa Kamati Teule ya Bunge iliyokuwa ichunguze misamaha ya kodi ya sukari; na Aboud Jumbe alilazimika (lazimishwa) kujiuzulu kwa kile ambacho kinajulikana kwenye kumbi za wanasiasa kama “kuchafuka kwa siasa za Zanzibar”.

Hata hivyo, tukio la “almanusra” la Dk. Idris limetuonesha jambo moja dhahiri; ni vigumu sana kwa viongozi wetu kujiuzulu hasa pale ambapo kujiuzulu huko kunatishia maslahi ya kisiasa ya walio madarakani au watu wenye maslahi katika nafasi za watu wanaotaka kujiuzulu.

Lengo langu leo ni kutaka kuonyesha kuwa kwanza, kiongozi kujiuzulu si mwisho wa uwezo wake kuongoza; na pili sisi kama Taifa lazima tuanze kujenga utamaduni wa kujiuzulu pale inapopasa na tusijisikie vibaya kama alivyofanya Peter Machunde baada ya mgongano wa kimaslahi tulioonyesha wiki iliyopita kuwa dhahiri mno.

Kwa nini kuna wakati viongozi wanapaswa kujiuzulu? Tukio hili ambalo nusura litokee linatuongoza kufikiri juu ya swali hilo. Kuna wakati ambao viongozi wanapaswa kujiuzulu. Kwa kuangalia suala la Dk. Idris tunaweza kupata sababu mojawapo. Inapotokea kuwa mtumishi wa umma au hata kwenye sekta binafsi anayeamini kuwa ana uwezo wa kufanya kitu fulani au ana mamlaka fulani na anapojaribu kutumia uwezo au mamlaka hayo anakutana na vizingiti visivyo vya lazima basi mtu huyo anaweza kuchukua uamuzi wa kujiuzulu. Mara nyingi vizingiti hivyo vinatokea pale ambapo maslahi ya watu fulani yanatishiwa na maamuzi ya kiongozi hiyo na kwa vile watu hao wana uwezo au mamlaka ya juu zaidi basi wanaamua kuingilia kati uamuzi huo.

Kwa wale wanaoweza kukumbuka watakumbuka mwaka ule ambapo kiongozi mmoja alidiriki kukimbia usiku kwenda uwanja wa ndege ambako alienda kuthubutu kuwakamata watu waliodaiwa kuwa walikuwa wanatorosha dhahabu ya nchi yetu. Kiongozi huyo alipowakamata watu hao aligundua kuwa mmoja wao ni mke wa mkubwa mmoja wa nchi na alipotaka maelezo zaidi aliamuriwa awaachilie.

Suala kama hili linaweza na linapaswa kumfanya mtu ajiuzulu. Kama wewe ni kiongozi na wakati wa kutekeleza majukumu yako unakuta wakubwa wako wanakuingilia kazi ili usitekeleze majukumu yako au wakikutaka upinde au uvunje sheria basi wewe kama kiongozi unapaswa kujiuzulu nafasi hiyo. Vinginevyo, ni rahisi kujikuta unageuzwa kikaragosi cha “wakubwa” ambapo wanajua katika nafasi fulani wana “mtu wao”.

Wakati aliyekuwa Mkuu wa Mkoa wa Tabora Ukiwaona Ditopile wa Mzuzuri alipojikuta ana kesi nzito ya kujibu Rais Jakaya Kikwete angeweza kumuondoa mara moja au kumpa nafasi ajiuzulu nafasi hiyo. Rais aliamua kumpa muda wa kujiuzulu na Mzuzuri alitangaza kujiuzulu nafasi hiyo ili mchakato wa kutafuta haki uanze na yeye asionekane kuwa ni kizuizi. Wakati Mawaziri Idi Simba na Juma Ngasongwa walipoamua kujiuzulu, sababu kubwa ni kuwa walijikuta kwenye mazingira ambayo wasingeweza kuendelea kushikilia nafasi zao mbele ya msukumo mkubwa uliokuwapo bungeni.

Mara nyingi tumekuwa na watu ambao wamekuwa waking’ang’ania nafasi zao huku wakijua (na watu wengine bila ya shaka) kuwa hawana uwezo wa kuendelea na nafasi hizo hasa kutokana na kuboronga kwao ambako kuko dhahiri. Kwa vile hatuna utamaduni wa watendaji kujiuzulu basi tunajikuta tunaendelea na watu walioishiwa ubunifu wa uongozi na ambao taa yao ya kuongoza imekwisha fifia. Watu hao wangeweza kuliepushia Taifa mambo mengi kama wangeamua kujiuzulu.

Wakati mwingine viongozi wanaamua kujiuzulu ili kuonyesha kuwajibika kwa yale yaliyotokea chini ya uongozi wao.Wakati mauaji wa Shinyanga, aliyekuwa Waziri wa Mambo ya Ndani wa wakati huo ilimbidi ajiuzulu nafasi hiyo.Waziri huyo alionyesha kuwa alikuwa tayari kuwajibika kwa vitendo vilivyotokea yeye akiwa waziri wa idara husika ya Polisi. Miaka michache baadaye waziri huyo alijikuta akidhaminiwa jukumu kubwa zaidi la kuwa Rais wa Pili wa Jamhuri ya Muungano akimpokea baba wa Taifa.

Kitendo cha Mzee Mwinyi kuamua kuwajibika si tu kilimjengea heshima bali pia kilionyesha kuwa yeye ni mtu wa namna gani. Leo hii ukiangalia watawala wetu kuwajibika inakuwa ni mbinde. Leo hii ni vigumu wakati mwingine kufahamu kama kuna kiongozi yeyote ambaye anaweza kuwajibika kwa matendo yaliyotokea chini ya uongozi wake.

Baada ya Tanesco kuamua kupandisha bei ya umeme na wakati huo huo kujaribu kuwadai shirika la Saruji Tanga na kukutana na ugumu wa kukusanya deni hilo, Dk. Idris alijikuta hana jinsi isipokuwa kuamua kubwaga manyanga. Japo kuwa jaribio hilo halikufanikiwa, ukweli unabakia kuwa Dk. Idris nusura awajibike kutokana na yale yaliyotokea chini ya uongozi wake.

Sababu nyingine ambayo inaweza kumfanya kiongozi ajiuzulu ni ukweli kuwa kujiuzulu ndiyo njia ya kiungwana kabisa ya kiongozi kutoka madarakani kabla ya wakati wake na bila ya kusubiri kufukuzwa. Baadhi ya watu wanaona kuwa kujiuzulu ni suala la aibu au fedheha.

Aliyekuwa Rais wa Marekani mwaka 1973 Richard Nixon alijikuta hana ujanja isipokuwa kujiuzulu wadhifa huo baada ya Kashfa ya Watergate. Uzito wa kashfa hiyo ulifikia mahali ambapo Bunge la Marekani lilikuwa tayari kuchukua hatua za kibunge za kumuondoa Rais na akiwa amepoteza imani ya wananchi na zaidi watu wa chama chake, alilazimika kujiuzulu badala ya kusubiri Bunge limuondoe kwa fedheha. Kwa taifa letu tutajitendea hisani kubwa endapo viongozi watatambua kuwa hakuna haja ya kung’ang’ania mfupa uliomshinda fisi au wanapojua ya kuwa aibu inawangojea.

La msingi kutambua ni kuwa hata kama mtu ataondoka kwenye uongozi kwa kujiuzulu haina maana kuwa huo ni mwisho wa mtu huyo isipokuwa kama amekata tamaa yeye mwenyewe. Kujiuzulu na kutoka madarakani haina maana kuwa wananchi au viongozi wa juu hawawezi tena kumtumia mtu yule. Kama nilivyoonesha hapo nyuma kuwa Mzee Mwinyi alipojiuzulu uwaziri haukuwa mwisho wa uongozi wake, Simba na Dk. Ngasongwa walipojiuzulu haina maana ulikuwa ndiyo mwisho wao. Ndipo hapo nilipotumia msemo kuwa kuvunjika kwa koleo si mwisho wa uhunzi.

Sisi kama Taifa ni lazima tuanze kujenga utaratibu na utamaduni wa viongozi kujiuzulu na tuanze kukubali kuwa kujiuzulu kote si lazima kuambatane na aibu. Kama Dk. Idris angetekeleza tishio lake la kujiuzulu sidhani kama angegubikwa na aibu, bali angepokewa na makofi ya kishujaa. Ni wazi kuwa kama kuna kitu ambacho Serikali ya Rais Kikwete haiwezi kuhimili sasa hivi ni kujiuzulu kwa kiongozi yeyote wa juu kwa sababu ya kutokubaliana na maamuzi ya wakubwa wake.

Ni rahisi zaidi kwa kiongozi kujiuzulu kwa sababu ya uzembe au kushindwa lakini ni vigumu zaidi kujiuzulu kupinga maamuzi ya viongozi wa juu. Katika mfano wa Nixon, alipoona kuwa uchunguzi wa kipepelezi unamkaribia kumbamba, alimuamuru Mwanasheria wake Mkuu, Elliott Richardson na Msaidizi wake William Ruckelshaus kumfukuza Mwendesha Mashtaka Maalum Archibald Cox (ambaye alikuwa anachunguza utawala wa Nixon). Richardson na William wote walikataa kutii agizo hilo na wakaamua kujiuzulu nafasi zao kupinga kuingiliwa madarakani namna hiyo.

Tunapoamua kuiga mambo mengi (na mengine machafu) toka nchi za Magharibi kuna haja ya kuangalia yale mazuri yanayoimarisha demokrasia na yanayolinda utendaji kazi pia. Mojawapo ni hili la viongozi wetu (serikalini na katika sekta binafsi) kuweza kuachia ngazi pale maji yanapowazidi kimo au inapolazimika kufanya hivyo. Isionekane kuwa katika taifa hili kuna kikundi cha watu ambao wameng’ang’ania madaraka kama luba. Ndiyo maana inakuwa ni fedheha kubwa pale ambapo inamlazimu Rais kubadili baraza lake au hata kulivunja kabisa.

Viongozi wasisubiri kitendo hicho kikali cha Rais; kila kiongozi anajua utendaji wake na anajua kwa jinsi gani ameweza kumsaidia Rais Kikwete kutimiza Ilani na kukidhi matarajio ya Watanzania.Wapo wanaojua kabisa kuwa nafasi walizo nazo zimewashinda na ya kuwa licha ya jitihada zao kwa kweli wamekwama na wakati umefika kuwapisha Watanzania wengine.

Kwa maoni yangu ni kuwa badala ya kusubiri watimuliwe watajijengea heshima kama watajindoa kwa hiari yao kwani kwa kufanya hivyo haina maana wamefikia mwisho wa utumishi wao. Leo kina Ngasongwa na Simba si wapo na bado wana nafasi?

Viongozi wasiogope kujiuzulu na sisi wananchi wa kawaida tuondokane na dhana kuwa kujiuzulu ni kitendo cha aibu au fedheha. Lakini pia tunatambua kuwa wengine inabidi wajiuzulu ili kuepusha fedheha zaidi na aibu siku zijazo.

Kwa wote hawa swali kubwa wanalokabiliwa nalo ni kujiuzulu au kutojiuzulu? Dk. Idris alipata kigugumizi; wengine wanaogopa hata kufikiria uwezekano huo; hata hivyo, kama hawatajiuzulu wenyewe huku wakiendelea kusongwa na kashfa na matatizo na uzito wa kazi ukiwaelemea watajikuta wanarahisishiwa uamuzi huo pale viongozi wa juu yao wanapoamua kuwaondoa madarakani.

Ninafahamu mazoea yana tabu na wakati mwingine wamezoea kukaa katika madaraka yao kiasi cha kuamini kuwa bila wao mambo hayataenda au hakuna mtu mwingine wa kushika madaraka hayo. Ukweli ni kuwa wapo wananchi wengi na wenye uwezo wa kujaza nafasi yoyote katika Tanzania (ukiondoa zile za utaalam mahsusi) na hakuna mtu ambaye bila yeye Tanzania, idara, au chombo cha serikali hakitaenda.

Ni lazima tufikie mahali tukubali kuwa kama mtu kashindwa au mambo yanakuwa magumu, basi tumsaidie afikie uamuzi wa kujiuzulu badala ya kujaribu kumfanya ang’ang’anie ilimradi tu asiondoke kwa kujiuzulu. Wakati mwingine ndugu zangu, viongozi huwa wanajiuzulu na kujiuzulu kwao si mwisho wa wao kupata nafasi za kuongoza, kwani kuvunjika kwa ndoana, siyo mwisho wa uvuvi.

Niandikie: lulawanzela@yahoo.co.uk

Kutoka Raia Mwema wiki hii.


TRA yanasa meli ikishusha magendo


Hassan Simba, Mtwara
HabariLeo; Thursday,November 29, 2007 @00:03

MAMLAKA ya Mapato Tanzania (TRA) inaishikilia meli ya Mizigo ya Mv. Ariyana iliyokuwa ikisafiri kutoka Zanzibar kwenda Msumbiji baada ya kutia nanga kinyemela katika bandari ndogo ya Verani karibu na hapa kwa lengo la kuteremsha mizigo kinyume cha taratibu.

Kukamatwa kwa meli hiyo kulitokana na taarifa ya wananchi kwa TRA.

Meneja wa TRA mkoani, Laurent Paul, alisema jana kwamba meli hiyo ilikamatwa Jumatatu saa 11 jioni.

Alisema baada ya upekuzi nyaraka zilibainisha kuwa Meli hiyo yenye uwezo wa kubeba tani 80 haikupaswa kutia nanga katika bandari yoyote nchini isipokuwa Msumbiji ambako ilikuwa inakwenda na kwamba kitendo cha kuiegesha katika bandari ya Mtwara ni kinyume cha maelekezo ya nyaraka hizo.

Paul alibanisha kuwa nyaraka hizo zinatambua kuwapo kwa Betri aina ya dry cell katoni 1,200 na mchele magunia 1,500 yenye ujazo wa kilo 50.

Hata hivyo baada ya upekuzi baiskeli 80, ngano na mafuta ya kula na seti kadhaa za luninga ambazo idadi wala thamani yake havijajulika vilikutwa ndani ya meli hiyo bila hadidu za rejea.

Alisema maofisa wake kuanzia Jumanne hadi sasa wanashughulikia taratibu za kushusha mzingo huo ili waweze kufahamu idadi na thamani yake na sababu ambazo zilisababisha kupindishwa kwa safari hiyo.

“Kuna kila dalili za watu hao kula njama za kukwepa kulipa ushuru…..iwapo hilo tutalibaini wahusika watalipa ushuru na hatua zingine za kisheria zitafuatwa…hatujui kwa nini waliamua kupindisha safari….lakini kingine cha kushangaza ni kuona mzingo mwingi hauna nyaraka za kusafirishia,” alisema Paul.

Baraza la Kiswahili lashutumu wabunge kwa uchafuzi wa Kiswahili


Na Salim Said, MUM

MWENYEKITI wa Baraza la Kiswahili la Taifa (BAKITA), Suleiman Hega amesema Bunge la Jamhuri ya Muungano wa Tanzania linaogoza kuchafua lugha ya kiswahili nchini.

Kauli hiyo aliitoa jana katika mjadala juu a lugha ya Kiswahili ulioendesha na Televisheni ya Chanel Ten kupitia kipindi chake cha 'je, tutafika' kinachorushwa kila siku ya Jumaatano usiku.

Hega, alisema bunge hilo, limetia fora kwa kuchanganya na kuharibu lugha ya kiswahili bila ya kiongozi wake kuchukua hatua yoyote.

Alisema katika Bunge, Spika ana nguvu katika kauli zake, lakini hata siku moja hajasimama kuwakemea wabunge kuhusu kuchanganya kiswahili na kiingereza katika mazungumzo yao badala yake anasimama na kupiga marufuku matumizi ya neno 'kazana' bungeni.

Naye Katibu Mtendaji wa Baraza hilo, Dk Ana Kishe aliitaka serikali kuongeza bajeti ya BAKITA ili kufanya kazi zake kwa urahisi zaidi na kutoa kipaumbele kwa matumizi ya Kiswahili.

Terra Securities bankrupt

The Financial Supervisory Authority of Norway (Kredittilsynet) has revoked the license of brokerage Terra Securities, the company involved in selling disputed commercial papers to Norwegian townships.

Related stories:

Terra Securities filed for bankruptcy after the decision and its shares were immediately suspended for trading on the Oslo stock exchange.

Terra Securities is embroiled in a dispute where northern townships Rana, Hemnes, Hattfjelldal and Narvik claim they were systematically tricked and misled to pour public funds into high-risk bonds.

In a press release the company said it was filing for bankruptcy since the loss of their license meant they could no longer arrange a solution for the four communities.

Kredittilsynet director Bjørn Skogstad Aamo said that the authority had to issue a strong reaction after a thorough examination revealed several and serious violations of requirements for good and correct information.

"Consideration for future customers in the securities market is a major reason for the Kredittilsynet now notifying the revocation of licenses for Terra Securities," Skogstad Aamo said.

Terra Securities is owned by Terra Markets, which in turn is partially owned by the Terra Group.

It remains unclear how much money the four northern townships have lost in their dealings with Terra. Four new municipalities, Kvinesdal, Bremanger, Vik and Haugesund, have signaled they would also take action against Terra for being sold complex high-risk products without full information.

Ola Sundt Ravnestad, CEO of the Terra Group, resigned on Wednesday as a result of the scandal.

Affiliated Norwegian financial site
e24
Aftenposten English Web Desk
Jonathan Tisdall

Wednesday, November 28, 2007

LETTER FROM NAMIBIA

Kiangiosekazi Wa-Nyoka, Windhoek. Namibia.
Daily News; Tuesday,November 27, 2007 @00:01

Is what we hear from Bongo true? Over the last two months or so the press has made us believe that Tanzania has already gone to the dogs -- thanks to the use and misuse of democracy.

In a foreign land one would become an avid reader of everything from home in order to keep oneself abreast of the developments at home. But the stuff we have been reading, to say the least, is highly questionable. It makes a person who does not know Tanzania feel our country is stinking of corruption.

Corruption stories, true or false, make interesting reading, that is why irresponsible people and the media capitalise on them. A corruption story makes a thriller when big names are mentioned. When big names of presidents or prime ministers are in a story, the impact is quite resounding.

In Namibia we have heard of names of retired President Benjamin Mkapa and the sitting President Jakaya Kikwete being mentioned in corruption stories. Are those making such utterances telling the world the truth?

We are told there are people over there advocating regime change. We are also told people want change because the present regime is so corrupt. Is Tanzania that corrupt? Every Tanzanian must try to get an answer to that question -- if for no other reason then for the sake of patriotism.

If Tanzania is all that corrupt, that is fine. Then those pushing that agenda should continue with all the force they can marshal. But if that is false, then they are doing a terrible disservice to our country and to themselves!

No one is safe in a Tanzania that is in flames. No one is clean in a stinking Tanzania. I am not in anyway suggesting that people with facts should stop campaigning against corruption. Courageous people who are campaigning against corruption have all my support. I support whistle blowers.

I have written strongly about corruption in some areas in Tanzania. As a patriot I had to. I encourage others to do so.

My point is that it would be wrong, actually treacherous, to invent corruption cases and publicise them. Fictitious corruption cases could be taken as true in some world quarters and this would do a terrible damage to Tanzania. Outside agencies record what you put before the world as true!

Tanzania should be judged for corruption that exists; NOT for fictitious corruption. Unproven allegations are more than enough evidence to attract the attention of Transparency International and designate Tanzania as being more corrupt than other countries. Politicians spreading fictitious stories on corruption will make the job of, for example, the Tanzania Investment Centre rather difficult.

We heard about “corrupt” Arusha CCM leaders who were picked by the agents of the corruption agency. The way some people presented the case to the world was as if the leaders had already been convicted of corruption. People cannot be declared corrupt on a very simple fact that their behaviour or activities are being investigated by the PCCB. That is missing the point.

Wait until the court convicts a suspect of corruption. Before that court process is concluded, you are dealing with a very innocent person who deserves no condemnation or labels.

The important thing to remember is that it is the ruling Party that invited the PCCB to monitor the electoral process. That is a big credit to CCM. Powerful parties, in many powerful nations, cannot dare do that!

What we have heard of is 'kulipua mabomu' ( to explode bombs). Only a foolish, treacherous commander sends bombs to an area that has no enemy. Such a commander is foolish and treacherous for two reasons. Firstly, he is exposing his men and weaponry to the enemy so cheaply and foolishly. Secondly, the bombs are being wasted.

Some political commanders in Tanzania seem excited about exploding bombs -- some foolishly and treacherously. Said in Bongo language: “Msiishikie bango rushwa isiyokuwepo. Mnaidhuru Tanzania machoni mwa dunia”. (Do not publicise fictitious corruption cases. You are unduly doing harm to your nation by bringing it into disrepute before the eyes of the world).

The lists of shame must be truly lists of shame. Old people remember the “list of shame” the late Oscar Kambona promised to read out at a Jangwani rally. He said he would tell Tanzania how Mwalimu Nyerere, Mzee Kawawa and his colleagues stole taxpayers’ money and hid it in Swiss Banks.

Mzee Kambona died without reading the list at Jangwani.. Remember what Mwalimu said? “It would make sense if people were told I stole money. But how do you include Kawawa in that list?” Sarcasm: Who would you be inclined to believe stole taxpayers’ money, Mwalimu Nyerere or Mzee Kambona?

Lists of shame may shame those who say have them.

Have a nice Otjesomething

Afande Nyoka.
E-mail: kiangiosekazi@yahoo.com
E-mail: nyoka2006@hotmail.com
Tel: +264811294324


IS MAIMARTHA A PRECURESS?


There are spread rumors that the famous EATV presenter, Maimartha Jesse, has been claimed to hook several beautiful girls to gentlemen who need them for love affairs, The Bongo Sun is told.

The sources said Maimartha has a habit of hooking girls to gentlemen commonly known as ‘Pedeshee’ and acts as a middleperson. If a ‘Pedeshee’ needs any star such as a TV/Radio presenter, or an artist, they contact her and then she connects them and gets paid for that.....

Speaking to The Bongo Sun, the source of this information said Maimartha is very busy with those beauty queens including her own girls of Manywele Entertainments. It is said that the system used by Maimartha is that she finds rich gentlemen who gives her some money and she hooks them with the girls.

It is claimed that she has discovered that the business is profitable and now connects other girls who are not so famous, a business she is said to be doing to date.

It is also said that Mai has been very close to beautiful girls and that she sometimes takes them in her car to different places. Despite being close to those girls especially at entertainment centers, the girls are also seen at her shop at Kinondoni especially in the evening hours.

Contacted to comment on the issue through phone, Mai could not agree or refute but she only said that she knows that it’s her enemies who spread such dreadful information. “I am a girl with respect I can not do such business. They once spread that I am hooking Hafsa Kazinja! Oh!, Mai complained.

She added that she has many friends and she believes that enemies are also there but they cannot scare her because she will carry on with her life. “It’s true that I’m close with so many beautiful girls and I sometime advise them in various issues, they love me too and those stars are also my friends whom we respect each other …they can visit me at home or at my shop.

One of them is Husna who is like my younger sister and we live together but I have neither engaged them in such business,” Mai explained.

Source: Global Publishers Tanzania

Tanzania is rich, so why are its people dirt poor?


By KARL LYIMO lyimokarl@hotmail.com

Tanzania has been at the crossroads for a generation now and must make up its mind on its social, economic and political future.

Unless the government decisively embarks on a new path towards meaningful and sustainable growth, the country will continue in the developmental doldrums of its own creation.

To chart an effective path, national decision-makers must be aided by the country’s development partners within the international donor/creditor community in the short run — and by its own people in the long run.

TANZANIA IS potentially an extremely rich country — relative to many other countries in Africa and elsewhere — in terms of natural resources. But, its people remain dirt poor, the 4th poorest from the bottom of the global league.

The all important question then arises: Why is this the case 47 years after independence, and under homegrown leaderships? This question was put to President Jakaya Kikwete on one of his recent visits abroad.

His response was as intriguing as it was unexpected.

“I have been asking myself the same question,” he replied, indicating that he did not have an answer — thereby raising more questions!

FOR THE inquisitive and honest, the answer can be gleaned from the sayings of the founder of Tanzanian nationalism, the late Mwalimu Julius Nyerere. Mwalimu said Tanzania needed four things for it to develop: People, land, good policies and good leadership.

People? The country is today home to 38.4 million Tanzanians, a population that is growing at 2.8 per cent annually. Land? 945,087 square kilometres of it, only 59,050 square kilometres thereof being water bodies.

Good policies? Good leadership? No, we don’t have those.

POLICIES ARE invariably the product of leaders. Therefore, a bad or inept leadership will come up with bad policies. The alternative to this is that the policies are good, but are reduced to a cruel joke by a bad leadership.

Such leaderships (and their executors) would typically be steeped in bad governance — thereby fostering the kind of poverty, ignorance, disease and other maladies (including grand corruption) that Tanzania has become infamous for.

THIS WOULD have a negative impact on the country and its people, reducing it to a beggar nation that, instead of being a regional breadbasket, becomes an international basket case inured to its miserable existence.

Don’t even give a thought to those reports spewed out at regular intervals about how well the economy is doing.

Generated by the government and its development partners seemingly independent of each other, the reports say wonderful things that give hope.

Tanzania reportedly leads in foreign direct investment inflows, it is the third largest gold exporter in Africa; it is home to the unique tanzanite gemstone ... it has the right macroeconomics, and has successfully liberalized its economy. It is politically stable ?

IF ALL that is true, why are Tanzanians still wallowing in abject poverty? Why is the country the 9th exporter of tanzanite, instead of being the first?

The only things that Tanzania is rich in today are poverty, graft, sophistry, machinations, public holidays and false hopes. That is your Tanzania: A rich country full of poor men and women.


Karl Lyimo is a freelance journalist based in Dar es Salaam.


Wasichana Dar es Salaam wauzwa Kongo



*Wachukuliwa mikoani kama wafanyakazi wa ndani
*Wafikia kwenye majumba Masaki, Kunduchi, Zanzibar


Na Rashid Mkwinda, Tunduma

BIASHARA haramu ya kuuza binadamu nchi za nje imezuka sehemu mbalimbali mpakani mwa Tanzania na nchi jirani, kwa wasichana wenye umri wa kati ya miaka 13 na 14.

Wasichana hao wamekuwa wakikusanywa na kusafirishwa katika nchi hizo ambako hulazimishwa kupigwa picha za uchi na kufanya biashara ya ngono.

Kwa mujibu wa taarifa za siri zilizotolewa na wasichana watatu waliozungumza na gazeti hili mjini hapa juzi, walichukuliwa nchini na kusafirishwa hadi Jamhuri ya Kidemokrasia ya Kongo (DRC) katika mji wa Lubumbashi ambako awali waliambiwa wanakwenda kufanya kazi za ndani.

Wasichana hao, Paulina Samwel (14), Happiness Jonathan (14) na Zuhura Majige (15), walidai kuwa walichukuliwa Mbeya Agosti 29 mwaka huu na mwanamke waliyemtaja kwa jina (linahifadhiwa) ambaye alidai anahitaji watu wa kufanya kazi za nyumbani kwake, Dar es Salaam.

Waliendelea kudai kuwa walichukuliwa na mwanamke huyo hadi nyumba moja Mbezi Beach ambako waliwakuta wasichana wa rika lao wasiopungua 55 kutoka mikoa mbalimbali ya Bara wakiwa wamefungiwa ndani na kupewa mahitaji yote muhimu ikiwa ni pamoja na chakula kizuri, mafuta mazuri ya kulainisha ngozi na nguo za kubadilisha.

"Walikuwa wakituhamisha kutoka jumba moja hadi jingine…kuna majumba matano sehemu za Mbagala, Mikocheni B, karibu na Kanisa la Assemblies of God, Masaki, Kunduchi, Mbezi Beach na Unguja karibu na soko la samaki," alidai Paulina.

Walidai kuwa pamoja nao walikuwapo wanawake wenye umri mkubwa sawa na mama zao, ambao walikuwa wakiwafundisha mambo ya ngono, huku wakitumia muda mrefu kuangalia picha za ngono kupitia mikanda ya Video na kwamba usiku walichukuliwa baadhi ya wasichana na kurejeshwa alfajiri.

"Huko tunakutanishwa na wanaume ambao tunafanya nao vitendo vya ngono kwa malipo, ambayo huchukuliwa na wanawake hao na siku nyingine huchukuliwa wasichana wengine kwa ajili ya kupelekwa katika majumba ya starehe na kurejeshwa alfajiri na gari maalumu lenye vioo vya giza," alidai Happiness.

Waliendelea kudai kuwa wasichana wengi wanatoka Mbeya, Kigoma, Morogoro, Shinyanga na wilaya za Kisii na Kakamega, Kenya na kwamba Oktoba 12 mwaka huu, wasichana 17 wakiwamo wao, walichukuliwa na kusafirishwa kwa njia ya magari makubwa hadi DRC.

Walidai kuwa siku moja kabla ya kuanza safari, waliletewa hati za kusafiria zikiwa na picha ambazo walipigwa siku waliyofika na kwamba kila mmoja anapofika katika jumba hilo, hupigwa picha nne za pasipoti kwa kutumia kamera ndogo ya 'Digital'.

"Tulichukuliwa ndani ya malori yanayosafirisha mizigo kutoka bandari ya Dar es Salaam na kila lori tulipanda wasichana watatu…yalikuwa malori yapatayo sita. Kiongozi wetu ambaye alikuwa ni mama wa makamo, alipanda lori la mbele," alidai Zuhura.

Aliongeza kusema walipitia katika njia ya mpaka wa Tunduma na kwa siku nne waliingia Lubumbashi na kupelekwa moja kwa moja katika jumba la kifahari ambako waliwakuta wasichana wenye umri kama wao kutoka sehemu mbalimbali za Afrika Mashariki, wakiwamo wa kitanzania, ambao walifahamiana kutokana na Kiswahili.

Wakiwa katika jumba hilo, walidai walishangaa kuona makundi ya watu kutoka mataifa mbalimbali ambao wakidaiwa kutoka Paris, Ufaransa na Arabuni ambao walifanya mazungumzo na wenyeji wao na baadaye kuchaguliwa baadhi yao na kisha kuondoka nao.

Walidai kuwa utaratibu huo ni wa kila wiki na kila siku makundi ya wasichana walikuwa wanaletwa katika jumba hilo.

"Hali hii ilianza kututia hofu mimi na wenzangu, tukatafuta mbinu za kutoroka…tukaondoka alfajiri ndani ya jumba hilo na kufika katika mtaa mmoja, tukakutana na mama akiwa anatoka msikitini, tukamwomba atusaidie baada ya kumweleza matatizo yetu," alidai Zuhura.

Aliongeza kuwa mama huyo aliyemtaja kwa jina (linahifadhiwa) aliwachukua hadi nyumbani kwake na kuwauliza jinsi walivyofika humo na kuwatahadharisha, kuwa watu wale hufanya biashara za kuuza wasichana Ulaya na Arabuni, hivyo walikuwa wamejiingiza katika matatizo.

Alidai kuwa mama huyo aliwatafutia usafiri wa kurudi nchini kupitia magari makubwa yanayofika Tanzania na kuingia kupitia mpaka wa Tanzania na Zambia kitongoji cha Tunduma Novemba 15 mwaka huu.

Walipoulizwa sababu za kudanganyika hadi kufika huko, wasichana hao walidai kuwa wao wanatoka katika familia duni na kwamba mara baada ya kumaliza shule ya msingi na kushindwa kuendelea na masomo, waliamua kutafuta kazi yoyote ya kufanya na kwamba kazi pekee waliyoiona ni kufanya kazi za uyaya.

"Mimi naishi na bibi yangu Mbozi, mama yangu alifariki dunia siku nyingi, niliposikia kuna mtu anatafuta msichana wa kazi, nilifurahi na hasa niliposikia kuwa ninakwenda Dar es Salaam, kwani sikuwahi kufika hata siku moja nikajiona mwenye bahati kufika Dar es Salaam, lakini yaliyonikuta siwezi hata kusimulia," alisema Paulina kwa uchungu.

Mmoja wa watoa taarifa hizi ambaye hakupenda kutajwa jina lake gazetini alidai kuwa biashara hiyo ni maarufu nchini katika sehemu za mipaka ya nchi za Kasumulu mpakani mwa Malawi, Kigoma, Holili na bandari ya Isaka Kahama na kueleza (bila kufafanua) kwamba biashara hiyo inahusisha watu wakubwa.

Waziri Uingereza azungumzia ufisadi Tanzania


Na Kizitto Noya.

WAZIRI wa Uingereza anayeshughulikia Masuala ya Maendeleo ya Kimataifa, Douglas Alexander, ametaja rushwa na ufisadi kuwa baadhi ya changamoto zinazoikabili Tanzania katika kufikia maendeleo ya kweli.

Alexander alisema hayo juzi katika hafla ya kukaribishwa nyumbani kwa Balozi wa Uingereza nchini, katika kwa ziara yake siku mbili.

Alisema Tanzania inapaswa kuitia moyo Uingereza kwa kuhakikisha misaada inayotolewa na nchi hiyo, inasaidia nyanja mbalimbali za maendeleo na inawafikia walengwa badala ya kupotea kwa njia ya rushwa.

Alisema katika siku za hivi karibuni kumekuwa na vichwa vya habari katika magazeti vilivyokuwa na maswali magumu kuhusu Benki Kuu ya Tanzania (BoT) au mambo yanayohusiana na fedha, ambazo zilianza kuzua mjadala katika Bunge la Uingereza hivi karibuni huku baadhi ya wabunge wakihoji mambo kadhaa juu ya suala hilo.

Kwa mujibu wa Alexander, Bunge hilo, limeanza kujenga hofu juu ya misaada ya nchi hiyo kwa Tanzania na kubainisha kuwa, baadhi ya wabunge walimweka katika wakati mgumu kwa kumtaka kujibu baadhi ya maswali kuhusu misaada ya nchi hiyo kwa Tanzania.

Kwa hakika katika miaka ya hivi karibuni baada ya serikali yetu kuongeza fedha katika sekta ya afya na elimu, huku Tanzania, moja ya changamoto kubwa ambazo tumezipata ni juu ya kuhakikisha fedha hizi za walipa kodi wetu zinatumika ipasavyo, alisema Alexander.

Alisema changamoto hizo ni pamoja na matumizi katika sekta ya afya na elimu, kutoa elimu bora, kutoa huduma za jamii kulingana na mahitaji, matumizi ya serikali yanayoendana na kuzingatia uwekezaji bila kusahau umuhimu wa misaada ya kimataifa na kodi za wananchi.

Kwa hiyo nachukua fursa hii kuwatia moyo katika safari yenu ya maendeleo iliyoanza sasa kwa maana ya kuhakikisha pesa inayotolewa inatumika vizuri na kuhakikisha kuna maono thabiti ya malengo na kwamba siku za mbele tutashangilia sio tu mafanikio tutakayoyashuhudia bali pia maendeleo yatakayoweza kufikiwa, aliendelea kusema.

Waziri huyo ametaja changamoto zingine zinazoikabili Tanzania katika kufikia maendeleo ya kweli kuwa ni kukabiliana na vifo vya watoto wadogo, utapiamlo, vifo vya wajawazito na uboreshaji mazingira ya elimu ya sekondari.

Katika hatua nyingine Serikali ya Uingereza itaongeza maradufu msaada wake katika Benki ya Maendeleo ya Afrika. Zaidi ya pauni 400milioni zimekwisha kutolewa.

Tuesday, November 27, 2007



invites you all to celebrate











Click here on how to reach Trondheimsveien 4


It's Christmas Party time


Norwegian firms will spend altogether more than Norwegian Kroner 1 billion over the next few weeks on arranging Christmas parties for their employees (Julebord), according to Aftenposten.

Large and medium-size companies spend the most on the so-called "Julebord" for their staff.

Statistics show that medium-sized firms spend on average NOK 1300 on each employee, while around 10 per cent of the firms spend NOK 2400 or more on each.

(NRK)/Norway Post.