Sunday, May 04, 2008



Uwepo mkakati madhubuti

wa kukuza, kuendeleza

Kiswahili



Evance Ng’ingo
Jumapili, 4 Mei 2008


JANA ilikuwa ni siku ya Uhuru wa Vyombo vya Habari Duniani na kwa Tanzania iliadhimishwa sambamba na kumbukumbu ya Mzee Hamis Akida na Profesa Zacharia Mochiwa ambao walikuwa wataalamu wa lugha ya Kiswahili.

Kwa kuwa Wanahabari jana ilikuwa ni siku yao muhimu ya kuenzi shughuli zao napenda kuwakumbusha umuhimu wa wanataaluma hao katika kutunza na kukienzi Kiswahili nchini.

Kwa kuwa nchi yetu imejipanga vyema kuingia na Kiswahili katika Jumuiya ya Afrika Mashariki ikiwa kama bidhaa ambako wataalamu wataajiriwa kufundisha lugha hiyo nje ya nchi, kuna umuhimu kwa wanahabari kukitunza na kukiendeleza Kiswahili.

Vipo baadhi ya vyombo vya habari nchini ambavyo hutumia maneno ya Kiswahili visivyo. Utakuta neno la Kiswahili linatumika mahala lisipotakiwa! Mfano mzuri ni neno fisadi ambalo limekuwa likitumiwa kwa wingi katika vyombo vya habari nchini likiwa linawatambulisha wabadhirifu wa fedha za umma.

Matumizi ya neno hili siyo sahihi hasa ikizingatiwa kuwa maana halisi ya neno hilo kwa mujibu wa Kamusi ya Kiswahili ni mwanamume anayetembea ovyo na wake za watu. Nashawishika kuamini kuwa wanahabari wanaweza kuwa ni miongoni mwa makundi ya watu wanaoharibu Kiswahili labda kwa makusudi au kwa kutokufahamu.

Matumizi yasiyo sahihi ya maneno kama hayo ni mengi. Utakuta mara nyingine katika redio na runinga linatumika neno masaa badala ya saa, katika kuzungumzia wingi wa muda.

Ikumbukwe kwamba maneno mengi ambayo chanzo chake ni Kireno hayana wingi, likiwamo neno meza. Makosa kama hayo yanatokana na kutozingatia matumizi sahihi ya lugha bila kutambua kuwa kuna idadi kubwa ya wananchi wanaoweza kupotoka na kuyakariri maneno hayo yanayotumiwa visivyo, kama ambavyo imekuwa kwa neno fisadi!

Inabidi wanahabari kuhakikisha wanakuwa makini kwa maneno ya Kiswahili kuepuka kuyapotosha kwa sababu kwa kufanya hivyo wanakuwa wanarudisha nyuma maendeleo ya lugha hiyo.

Na kwa kuwa jana walikumbukwa Mzee Hamis Akida na Profesa Zacharia Mochiwa kwa mchango wao wa kuendeleza lugha hiyo basi ni bora serikali ikawakumbuka zaidi kwa vitendo.

Hatua hiyo itakuwa ni pamoja na kufanikisha makubaliano kati ya Wizara ya Elimu na Mafunzo ya Ufundi na Wizara ya Mambo ya Nje na Ushirikiano wa Kimataifa katika kuhakikisha wanakamilisha mpango wa kupeleka wataalamu nje ya nchi kufundisha lugha hiyo.

Wapo wanaoenda kufundisha Kiswahili nje lakini baadhi yao hawana utaalamu wa lugha hiyo na huifundisha kutokana na mazoea tu hali inayoweza kuwapotosha wanaojifunza na kuweka mazingira ya ubabaishaji.

Kwa kuwa idadi kubwa ya walimu na wataalamu wa Kiswahili wanaweza kupata ajira nje ya Tanzania kwa kwenda kufundisha Kiswahili hapana budi serikali kuweka mikakati kabambe ya kuweza kuitumia lugha hiyo kama bidhaa itakayotoa ajira kwa kuwa tayari soko lipo.

Na kwa kuwa wanahabari na wataalamu wa Kiswahili kwa pamoja ndiyo msingi mkuu wa kukienzi na kukikuza Kiswahili ndani na nje ya nchi, inabidi kujipanga upya na kuwa na nia ya kweli ya kuiendeleza lugha hiyo.

Binti akatwa masikio yote

katika kituko cha ndoa ya

kulazimishwa



Na Frederick Katulanda, Tarime

MSICHANA Robhi Thomas (15), amekatwa masikio yote na kujeruhiwa mabegani na vidole vya mkono wa kulia na baba mkwe.

Binti huyo ambaye anadai kuwa aliolewa kwa lazima baada ya baba yake kupokea mahali ya Sh350,000 alipata mkasa huo kufutia ugomvi uliotokea kati ya wazazi na baba mkwe aliyetambulika kwa jina la Mwita Thomas Mrimi.

Tukio hilo limetokea katika Kijiji cha Rusuti, Tarafa ya Tarime mjini Kata ya Inchage Aprili 18, mwaka huu usiku, wakati Robhi akiwa nyumbani kwa mume wake Thomas Mwita (18).

Kufuatia ugomvi wa wazazi wa Robhi na mkwewe nyumbani kwao, baba wa mume wake aliporudi alimwita mtoto wake Thomas na kumuagiza amfunge kamba mkewe , naye akafanya hivyo.

Akisimlia mkasa huo alisema baba mkwe alikwenda nyumbani kwa wazazi wake na kulalamika kuwa walikuwa wakimfundisha tabia mbaya, hatua ambayo ilizua ugomvi na kutokana na majibizano ya muda mrefu, mzee huyo aliokota kipande cha kuni na kumpiga nacho mama yake mdogo ambaye alikimbilia ndani na kutoka na panga na kupigwa nalo kwa kutumia ubapa wake.

“Baada ya kuanyiwa hivyo alikuja nyumbani, kamuita Thomas na kumwamuru anipeleke nikiwa nimefungwa kamba, naye akinamusha usiku na kunifunga kwa kamba mikononi na kunitoa nje.

"Baba mkwe alinieleza kuwa nyumbani kwenu wamenidhalilisha sana hivyo lazima na nikushikishe adabu, kisha akaanza kunikata sikio la kushoto taratibu kama anachinja nyama na la kulia na kunijeruhi sehemu nyingine,” alidai Robhi akiwa katika hosptali ya Mkoa wa mara ambako amelazwa kwa matibabu.

Robhi amejeruhiwa sikio lote la kushoto na kuondolewa sehemu kubwa ya ngozi mpaka eneo la shavu na sikio la kulia lililokatwa na kubaki likining’inia.

Pia Rhobi alitaktwa kwenye mabega yote mawili, shavu la kulia pamoja na vidole vyote vya mkono wa kushoto.

Alidai kuwa baada ya mkwewe kumkata, alitupa chini kipande chasikio hilo kutupwa ambacho kugombewa na mbwa.

Kamanda wa Polisi mkoani Mara, David Ole Saibullu alithibitisha tukio hilo na kueleza kuwa mtuhumiwa alikamatwa siku nne baada ya tukio hilo na kwamba polisi bado inamsaka mume wa Robhi ambaye alitoroka muda mfupi baada ya tukio hilo.

Kufuatia tukio hilo Shirika la Haki za Minadamu wilayani Tarime (Shehabita) na Shirika la Kutetea Haki za Wanawake la Kivulini Mwanza, walimtembelea binti huyo na kulaani vitendo vya ukatili wanavyofanyiwa wanawake wilayani Tarime.

Mratibu wa Shehabita, Bonny Matto alilaani ukatili huo na kuiasa jamii ya wakazi wa eneo hilo kuepukana na mila potofu na kukemea vitendo hivyo kwa vile vimekuwa vikitokea kila mara na kusabisha vilema na vifo kwa wanawake wengi.

Naye Baranabas Solo ambaye ni Mwezeshaji wa Kivulini pia alilaani ukatili huo na kuitangaza wilaya ya Tarime kuwa ni eneo hatari kwa usalama na maisha ya wanawake kutokana na vitendo vya unyanyasaji wanavyofanyiwa.

“Huu ni ukatili wa kutisha dhidi ya wanawake, ukiangali binti amelazimishwa kuolewa na wazazi wake akiwa bado anahitaji kwenda shule, lakini sasa amekuwa kilema baada ya kukatwa katwa masikio na mabega, huu ni ukatili wa hali ya juu ambao unapaswa kulaniwa kwa nguvu na watu zote,” alieleza Solo.



Saturday, May 03, 2008



HISTORIA ya

rushwa au ufisadi



na Mwassa Jingi


HISTORIA ya rushwa au ufisadi kama ambavyo neno ufisadi limeanza kutumika hapa Tanzania ni ndefu na viwango vyake hutofautiana kutoka jamii moja hadi nyingine. Aidha madhara yatokanayo na ufisadi nayo hutegemea viwango vya ufisadi katika jamii husika.

Jumla ya yote ni kwamba, ufisadi una madhara makubwa kwa kila jamii mahali popote duniani. kibaya zaidi ni kwamba ufisadi si ugonjwa ambao unaweza kupatiwa tiba ya kisayansi na wala si ugonjwa wa akili unaweza kutulizwa au kurekebishwa na wataalamu wa elimu ya saikolojia. Kwa hiyo madhara ya vitendo vya kifisadi ni makubwa ingawa tiba yake ni ngumu na hasa kwa jamii zinazopatikana katika ulimwengu wa tatu, maarufu kama nchi zinazoendelea.

Kama ambavyo historia ya ufisadi ni ndefu, ndivyo zilivyo na juhudi za kuukomesha au kuupunguza ili ubaki katika kiwango cha chini kisichoweza kuleta madhara makubwa kwa jamii husika. Katika Taifa letu changa la Tanzania, rushwa kama sehemu ya ufisadi imekuwapo tangu enzi za utawala wa kikoloni, ingawa imekuwa ikipanda na kushuka kwa viwango tofauti na kwa vipindi tofauti kutegemeana na ubora wa utawala katika majira husika. Kwa mfano, utawala wa Kiingereza uliodumu hapa nchini kwa takriban miaka 40 —kuanzia mwaka 1920 -1961, ulitambua kuwapo vitendo vya rushwa na hivyo kutunga sheria ya kuzuia rushwa mwaka 1958, wakati nchi yetu ikiitwa Tanganyika.

Miaka 10 baada ya uhuru, yaani mwaka 1971, Serikali changa ya Tanzania chini ya Baba wa Taifa, Mwalimu Julius Nyerere ilitambua dalili za kuongezeka kwa vitendo vya rushwa na hivyo kulazimika kutunga sheria mpya ya kuzuia rushwa au ufisadi. Sheria hiyo ya mwaka 1971 ndiyo iliyounda kikosi cha kuzuia rushwa kilichojulikana kwa jina maarufu la Anti- Corruption Squad. Sheria ya kuzuia rushwa ya mwaka 1971 iliendelea kuwa ndiyo sheria kuu ya kuzuia rushwa kwa kipindi cha miaka karibu 36, ikifanyiwa marekebisho ya hapa na pale, mpaka tulipopata sheria mpya ya kuzuia na kupambana na rushwa hapo mwaka jana (2007). Kabla ya sheria ya mwaka jana, taasisi ya kuzuia rushwa ilijulikana kwa jina la PCB- yaani Taasisi ya Kuzuia Rushwa chini ya sheria ya mwaka 1971.

Sheria mpya ya kuzuia na kupambana na rushwa ndiyo ambayo imeleta jina jipya la PCCB (Prevention and Combating of Corruption Bureau), likiwa ni kifupisho cha Taasisi ya Kuzuia na Kupambana na Rushwa (TAKUKURU).

Akiwasilisha bungeni muswada wa kuomba kutungwa kwa sheria hiyo mpya, Waziri wa Nchi Ofisi ya Rais Utawala Bora wa wakati huo, Philip Marmo alisema kuwa madhumuni na sababu ya kutungwa kwa sheria hiyo ni kutokana na sheria iliyopo ya mwaka 1971 kupitwa na wakati kulikotokana na mabadiliko makubwa ya maendeleo ya kiuchumi na kijamii; mabadiliko ambayo yalifanya sheria ya mwaka 1971 isiweze tena kudhibiti vitendo vya rushwa kikamilifu kwani makosa ya rushwa yameendelea kushamiri huku yakifanyika kwa ustadi na ufundi mkubwa.

Kutokana na madhumuni mazito ya kutaka kuwepo kwa sheria hiyo ya kuzuia na kupambana na rushwa, waheshimiwa wabunge kwa kauli moja waliupitisha muswada huo kuwa sheria. Rais naye kwa upande wake hakuchelewa kutia mkono wake ili kuruhusu muswada huo kuwa sheria na kuanza kutumika miezi mchache baadaye.

Tukirudi nyuma kidogo, tunaweza kujikumbusha jinsi hali ya rushwa ilivyokithiri katika jamii yetu kutokana na mabadiliko makubwa ya kiuchumi na kijamii kuanzia miaka ya 1980 na 1990, ambapo katika uchaguzi mkuu wa mwaka 1995 ulioshirikisha vyama vingi vya siasa rushwa ilionekana kukithiri.

Mgombea wa chama tawala, Benjamin Mkapa, ambaye baada ya uchaguzi alipata ushindi na kutinga Ikulu, alitoa kipaumbele cha kwanza kabisa kupambana na rushwa na dhamira hiyo ilithibitika pale alipounda Tume ya kuchunguza kero za rushwa nchini chini ya uenyekiti wa Jaji Joseph Warioba. Taarifa ya Tume ya Jaji Warioba ya mwaka 1996, ilibainisha kuwapo kwa kiwango kikubwa cha rushwa katika nchi yetu karibu katika sekta zote kwenye utumishi wa umma.

Taarifa hiyo ya Tume ya Warioba ndiyo iliyompa Rais Mkapa jeuri ya kutaka kupambana na rushwa kwa nguvu zote. Serikali ya Mkapa ilijitahidi kupambana na rushwa si kwa kukamata wahalifu wa vitendo vya ufisadi kwa wingi na kufanikiwa kuwatia magerezani, bali zaidi sana ilitengeneza sera na sheria lukuki kama hatua ya kwanza ya kupambana na vitendo vya rushwa nchini. Pamoja na Mkapa kuapa kukomesha rushwa, hiyo rushwa haikupungua na badala yake ilizidi kupamba moto. Hali hii ndiyo inayoonekana sasa miaka miwili na nusu baada ya utawala wa Mkapa kukaa pembeni.

Kwa nini rushwa iliendelea kutesa pamoja na kuwa na ripoti ya Tume ya Jaji Warioba yenye kurasa zaidi ya 500, ikiwa imejaa maelezo na mapendekezo mengi kama hatua madhubuti ya kuisadia Serikali namna bora ya kupambana na vitendo vya kifisadi? Kikwazo kikubwa kilichokuwa kinatolewa na wadau wa kwanza wa kuzuia rushwa nchini na hasa PCB kilikuwa ni udhaifu mkubwa wa sheria ya kuzuia rushwa ya mwaka 1971. PCB ilidai kuwa sheria hiyo haikuwa na meno ya kutosha kuwawezesha kuzuia na kupambana na rushwa nchini kikamilifu.

Hoja ya PCB kutokuwa na meno ilinoga zaidi walipokejeliwa kuwa walikuwa si lolote katika jitihada zao za kuzuia na kupambana na rushwa kubwa kubwa na walichokuwa wanafanya ni kukamata dagaa tu. Shutuma hizi kwa PCB ya wakati huo zilitokana na matokeo dhaifu ya kazi yao ya kuzuia vitendo vya rushwa vyenye kufilisi nchi kupitia mikataba mikubwa hasa katika kipindi ambacho biashara kubwa ya serikali ya awamu ya tatu ilikuwa ni kuuza yaliyokuwa mashirika ya umma kwa bei ya kutupa na kuingiza idadi kubwa ya wawekezaji wakubwa katika sekta ya madini kwa mikataba tata.

Utetezi wa PCB siku zote ulikuwa ni kwamba wasingeweza kupambana na rushwa kubwa kubwa kwa kukamata ‘samaki wakubwa’ kutokana na udhaifu wa sheria iliyokuwapo. Nadhani sheria mpya ya mwaka 2007 inawezekana ni matokeo ya shinikizo la PCB na wadau wengine nje ya Serikali ili kupata meno ya kutosha kupambana na rushwa. Pamoja na udhaifu huo wa sheria ya mwaka 1971, bado sheria mpya ilichukua muongo mmoja kutungwa baada ya Serikali ya Awamu ya Tatu kuingia madarakani. Na kama si shinikizo kutoka nchi wafadhili kama Denmark na nyingine, inawezekana sheria mpya ya kuzuia na kupambana na rushwa isingekuwapo hadi leo hii.

Februari mwaka jana, Serikali ya Denmark ilitishia kuinyima Tanzania misaada kwa kukata asilimia 20 ya msaada wake kama isingeharakisha kupeleka bungeni muswada wa sheria ya kuzuia na kupambana na rushwa. Hatimaye sheria mpya waliyoitamani sana PCB kwa muda wa miaka zaidi ya 10 waliipata na kuitia kwapani. Ni karibu mwaka mmoja sasa tangu kukabidhiwa kwa PCB sheria hiyo mpya iliyobadilisha kanzu ya PCB kuwa PCCB.

Wananchi wengi walikuwa na imani kubwa na Serikali ya Mkapa na hasa baada ya Taarifa ya Tume ya Warioba, wakijua kuwa ndani ya kipindi cha miaka 10 cha utawala wa Mkapa rushwa ingebakia kuwa ni historia katika kizazi chetu. Kwa bahati mbaya Mkapa na PCB yake walimaliza miaka 10 wakiwa wamenasa dagaa na visamaki vichache fisadi, wengi wao wakiwa ni perege kama vile mahakimu wa mahakama za mwanzo na polisi wa vyeo vya chini kama vile makonstebo na makoplo.

Sijui hawa mahakimu na polisi waliotupwa gerezani kwa kupatikana na rushwa ya vijisenti kama Sh 10,000 wanajisikiaje wanaposikia sasa kuna jamaa wengine huku nje kila siku wanatangaza kujiuzulu kwa tuhuma za kudaiwa kulamba vijisenti vinavyofikia bilioni, tena vijisenti hivyo vikiwa vimewekezwa katika benki za nje.

Je, huu ndio utawala bora ambao ulikuwa ni kaulimbiu ya Mkapa ikichagizwa na maneno kama vile uwazi na ukweli? Baada ya ndugu zetu wa PCCB kukabidhiwa sheria mpya waliyoitamani muda mrefu, wengi tulitarajia kuwa sasa mwisho wa dunia ya mafisadi umekaribia; na kusema kweli tulitarajia kuanza kuona damu ya mafisadi ikimwagika kwa vile sasa PCCB haikuwa tena PCB iliyokuwa na meno manne tu, ambayo yasingeweza kuuma hata kipande cha nyama laini kama ile ya kuku wa kisasa anayekuzwa kwa dawa ndani ya majuma matatu.

Mkurugenzi wa PCCB, zamani PCB, mara nyingi tu kupitia vyombo vya Habari alisikika akilalama kuwa asingeweza kufanya maajabu kukabiliana na mafisadi kwa kutumia mdomo uliokuwa na meno manne tu; akimaanisha sheria ya zamani ya kuzuia rushwa ambayo iliainisha makosa manne tu, ambayo kwayo PCB ilipaswa kuwakamata na kuwatia hatiani wahalifu wa makosa ya kifisadi.

Kwa hoja hiyo, PCB ilishinda hoja siku zote. Sasa wanayo kwenye makabati yao sheria mpya yenye orodha ya makosa ya jina yapatayo 24, makosa ambayo kwa mujibu wa sheria hii mpya ni kama vile yalilenga kuzuia na kupambana na rushwa kwa kiwango cha juu kiasi kwamba hakuna jiwe litakalosalia juu ya jiwe katika kuzuia na kupambana na ufisadi.

Saa zimepita, siku zinapita, miezi inapita, miaka inapita, ndugu zetu wa PCCB bado wanasoma tu ile sheria bila kuitekeleza. Baada ya kuwa na sheria hiyo sasa PCCB wameikabidhi kwa shirika lisilo la kiserikali -NOLA ili waifundishe kwa makundi mbalimbali ya jamii, vikiwamo vyombo vya habari.

Hili ni jema, lakini ndio waishie hapo? Je, hicho ndicho kibarua ambacho miaka yote PCB na sasa PCCB walikuwa wanaisubiri ili wawafundishe wananchi pamoja na mafisadi namna ya kukataa vitendo vya rushwa? Na je, wale wasiofundishika kuacha vitendo vya rushwa mbona hawakamatwi? Ndiyo kusema baada ya sheria mpya kuwapo mafisadi tayari wameshajisalimisha na kwa hiyo hakuna tena fisadi wa kukamatwa na PCCB?

Kamati Teule ya Bunge ya hivi karibuni iliyopewa jukumu la kuchunguza vitendo vya ufisadi kwenye mkataba kati ya TANESCO na kampuni ya kufua umeme wa dharura ya Richmond iliibeza sana PCCB, kwamba si lolote katika kutetea maslahi ya umma. PCCB ambayo kwa mujibu wa taarifa ya Kamati ya Dk. Harrison Mwakyembe ilichukua karibu miezi sita kuchunguza mkataba huo na hatimaye ikatoa taarifa kuwa mkataba wa TANESCO na Richmond haukuwa na harufu yoyote ya rushwa ukiachilia mbali kasoro ndogo ndogo za kufuata taratibu, ilionekana mbele ya jamii kama msaliti mkubwa wa Watanzania.

Kutokana na taarifa yao, Kamati ya Mwakyembe iliifananisha PCCB na taasisi ya kupamba rushwa. Kama kweli PCCB imeshindwa au itashindwa kufanya kazi baada ya kuwa na meno ya kutosha, basi hilo ni jambo la huzuni kwa Watanzania wote.

Kamati ya Dk. Mwakyembe ilitumia siku 45 tu na kuibuka na taarifa mbaya za kifisadi kuhusu mkataba wa TANESCO na Richmond. Je, haya meno 24 ya PCCB bado tu hayatoshi kuuma wakati tuliambiwa kuwa yangetosha kabisa kupambana aina zote za rushwa za zamani na zile mpya zinatokana na mazingira mapya ya sayansi na teknolojia? Serikali ya Awamu ya Tatu chini Mkapa ilifanya kazi kubwa ya kutandaza mtandao wa PCCB kuanzia ngazi ya mkoa mpaka wilaya karibu zote nchini, mtandao ambao tulitarajia ungenasa kila aina ya samaki na dagaa fisadi, lakini hali ilivyo inatia shaka.

Pamoja na mtandao huo mpana, bado mpaka sasa ukimuuliza mwananchi wa kawaida mtaani nini matunda ya kuwa na mtandao mkubwa wa PCCB, kwa hakika atakwambia hakuna chochote kilichokwishafanyika. Bila shaka PCCB sasa kazi yake ni kufunika mafisadi ili waendelee kutesa chini chini. Hata tuhuma hizi za ‘mafisadi’ wanaojiuzulu mfululizo siku hizi si matokeo ya mtandao wa PCCB.

Hata Dk. Wilbroad Slaa ambaye hana mtandao wowote wala mbwa wa kunusa ufisadi ameweza kuibua orodha ndefu ya watu wanaotuhumiwa kuhusika na vitendo vya kifisadi, ambavyo sasa matokeo yake ni dhahiri, ingawa pale mwanzoni watu kama Dk. Slaa walipokuwa wanatoa ile ‘list of shame’ walionekana kama wendawazimu mbele ya jamii ya Kitanzania. Lakini baadhi ya waliotajwa wameshajiuzulu.

Ni kwa vipi watu kama Dk. Slaa, Zitto Kabwe na wengine waweze kuibua mikataba yenye harufu ya kifisadi, halafu PCCB wenye kila fani washindwe?

Nadhani hata Rais ameona PCCB yake haina kazi ndiyo maana amempa Mkurugenzi Mkuu wake kazi ya kukusanya pesa zilizochukuliwa na mafisadi kupitia mpango wa EPA kwa sababu PCCB pamoja na meno yote hayo hayawezi kuuma. PCCB si ajabu imeundwa ili kuongeza ajira angalau ichangie kufikisha idadi ya ajira milioni moja kama ilivyoagiza ilani ya chama tawala kwa wapiga kura wake hapo mwaka 2005.

Inakuwaje watu kama akina Chenge kuwa na vijisenti mabilioni nje ya nchi bila PCCB kujua? Je, PCCB hawaruhusiwi kukagua majalada ya wahemishiwa na kuona kama mali walizo nazo ni nyingi kiasi gani? Je, PCCB hawana ubavu kisheria kupitia mikataba yote, na kama hayo meno 24 hayawezi kuwapa nguvu ya kupitia vitu kama hivyo, je, kuna haja kweli ya kuwa na kitu kinachoitwa PCCB?

Ni afadhali tufute PCCB na kazi zake tuikabidhi taasisi kama SFO ya Uingereza kuliko kuwa na waajiriwa mamia walio kwenye orodha ya walipwaji kila mwezi wakati hawawezi hata kutusaidia kukamata hata fisadi moja lenye akaunti ya Sh milioni 200 tu, licha ile ya vijisenti bilioni moja vya Chenge. Huenda PCCB wanafanya kazi ambayo matokeo yake hayajawa dhahiri. Tunaomba PCCB wasikalie sheria mpya, bali watuambie sisi wananchi wanafanya nini na hiyo sheria mpya yenye meno 24?

mwassajingi@yahoo.com





Jamhuri ya

mapwagu na mapwaguzi



Rais Kikwete ana kazi kubwa na ngumu mbele yake. Wananchi wameonyesha wazi kwamba wanataka mabadiliko. Wamechoka kuambiwa kwamba maisha ni magumu, huku wakiona wezi wakineemeka

na manyerere jackton


BUNGE lililokuwa likililiwa na wananchi, kupitia vyombo vya habari, walau sasa limeanza kuonekana.

Heshima ya Bunge na wabunge, vilipotea kwa kasi ya kusikitisha. Shukrani kwa Mwenyezi Mungu, kwa kusikia kilio cha wananchi, hata akaweza kuwafanya wabunge sasa wawe wawakilishi wa kweli wa maslahi ya wananchi.

Mara kadhaa nimeandika makala nyingi kuwashutumu wabunge. Ilifikia hatua nikalifananisha Bunge na mhuri Fulani mkubwa wenye herufi zaidi ya 200; ambao hauna kazi yoyote ya maana.

Kazi zilizofanywa na Bunge tangu mwanzoni mwa mwaka huu, hata kama si za kuridhisha sana, lakini zinatia moyo. Zinatia moyo kwamba kumbe wabunge wakiamua, wanaweza kabisa kutetea na kulinda masilahi ya nchi yetu.

Kumbe wabunge wakiamua, wanaweza kusimama upande wa makabwela. Wakawatetea. Wanaweza kabisa kuibana Serikali na vyombo vyake, na kuhakikisha kuwa vinawajibika kwa wapiga kura wan chi hii.

Mwamko wa wabunge kwa mwaka huu, unazidi kunisaidia kwenye hoja yangu ya kila mara, ya kwamba nchi yetu inavurugwa na viongozi. Viongozi wamepewa dhamana ili wawatetee wananchi. Wamepewa dhamana ili waulinde utajiri wa nchi yetu kwa masilahi yetu sote.

Lakini wao wanapokuwa wa kwanza kuwa mapwagu na mapwaguzi, tusitarajie muujiza. Inapotokea kiongozi akahifadhi nje ya nchi, mabilioni ya fedha, lazima wananchi wahoji. Lazima wapewe majibu kwa sababu katika nchi kama yetu, kiongozi (si mfanyabiashara) kuwa na mabilioni benki, si jambo la kawaida.

Wakati fulani Rais Jakaya Kikwete, akiwa Uingereza, alikutana na maswali ya Watanzania waishio huko ambao kwa kawaida, huwa hawana simile kwenye maswali. Akaulizwa kuhusu ukwasi wa Mzee Benjamin Mkapa, na tuhuma zinazomkabili.

Katika majibu yake, Rais Kikwete, alitaka Watanzania wamwache ‘mzee wa watu’ apumzike baada ya kazi kubwa ya kuliongoza taifa. Tena akasema asingekuwa tayari kuanzisha uchunguzi dhidi yake.

Nashukuru kwamba mimi nilikuwa miongoni mwa watu wa kwanza kabisa, siku moja baada ya kauli hiyo, kuandika makala ya kupingana na Rais Kikwete. Tulimpinga Rais Kikwete kwa hoja kwamba kama tutaendeleza utamaduni wa kuwaacha viongozi wastaafu, wanaotajwa tajwa kwenye ufisadi, basi tutakuwa tunajiandalia taifa la waporaji.

Hoja ya kuamini hivyo ni kwamba wanaweza kuja viongozi (si lazima wawe marais), wakaongoza kibabe, wakawa hawaambiliki, wakakwapua ukwasi wa nchi, wakamaliza muda wao wa utawala wakiwa matajiri wa kutupwa na mwishowe wasihojiwe.

Hawa wataiba kwa juhudi kubwa wakitambua wazi kuwa hakuna mrithi wao atakayethubutu kuwahoji. Nchi haiwezi kujengwa kwa staili hiyo.

Tena mara kadhaa tumehoji uyoga wa majumba ya kifahari yanayoonekana maeneo mbalimbali ya nchi. Namshukuru Mungu kwamba nimejaliwa kupata ki-jumba cha kuishi. Kijumba changu ni kidogo mno, lakini nikiri kwamba kazi ya ujenzi ni ngumu mno, na hadi sasa baada ya nusu mwongo, sijakamilisha ujenzi.

Najiuliza, kama nimeweza kutokwa jasho kiasi hiki, kwa kujenga vyumba vitatu, hawa wanaojenga mahekalu Mikocheni, Oysterbay, Masaki, Msasani, Mbezi na kwingineko nchini, ukwasi huu wameutoa wapi? Je, ni kweli mshahara tu wa kiongozi unaweza kumwezesha kuwa na maghorofa kila mahali?

Je, nani, katika maisha haya ya Kiafrika, ya (extended family), anaweza kuwa na jeuri ya kuhifadhi ‘viji-senti’, tena nje ya nchi? Hili linaweza kuwa jambo la kawaida, lisilo na maswali kama kwenye fedha hizo ni mfanyabiashara, lakini kwa kiongozi, tena wa umma, lazima tuhoji. Haiwezekani jamani tukaachia hivi hivi tu.

Rais Kikwete ana kazi kubwa na ngumu mbele yake. Wananchi wameonyesha wazi kwamba wanataka mabadiliko. Wamechoka kuambiwa kwamba maisha ni magumu, huku wakiona wezi wakineemeka. Hawataki kudanganywa tena, wala kusikia porojo za ugumu wa maisha kutoka kwa wanasiasa.

Wabunge wameanza kutekeleza wajibu wao wa msingi, wa kutetea na kulinda masilahi ya wananchi na nchi kwa jumla. Hawataki mzaha tena. Katika hili, kila mwenye macho na masikio, hahitaji kufafanuliwa. Linaonekana na kusikika kwa kila mmoja wetu.

Tuanze kuhojiana mmoja baada ya mwingine. Hawa wenye majumba na rasimali za kutisha, tuawaulize wenzetu wamezipataje? Tuwaulize bila woga wala uonevu.

Hivi karibuni nilikuwa wilayani Handeni. Wale wanaodhani kwamba eti mikoa ya kusini au magharibi ndiyo “iliyosahaulika’, wanajidanganya. Kutoka Handeni hadi Dar es Salaam ni umbali wa kilometa 240 hivi. Lakini ni vigumu mno kuamini kuwa maisha ya wananchi katika wilaya hiyo, ni maisha yaliyo karibu na waridi, yaani Dar es Salaam.

Handeni imejaa nyumba za tope zilizoezekwa kwa majani. Chache zilizoezekwa kwa mabati, mabati hayo yamezeeka. Tena inaonekana kuwa mabati hayo yaliezekwa wakati ule wa uhamasishaji ujenzi wa nyumba bora vijijini na mijini. Wakati ambao kina Mzee Rashid Kawawa walipita kila kijiji nchini, kuhamasisha kilimo na maendeleo miongoni mwa wananchi.

Handeni, wananchi wanalima, lakini hawaoni manufaa yoyote. Hawapewi elimu ya kuhifadhi vyakula ili ikiwezekana, wawe na hifadhi pamoja na ziada kwa ajili ya kuuza. Sasa njaa inabisha hodi, si Handeni tu, bali sehemu mbalimbali nchini. Adha zilizoikumba nchi mwaka 2006, sote tunajua. Viongozi kadhaa wako mstari wa mbele kupiga marufuku biashara ya mahindi mabichi. Sawa, uamuzi huu unalenga kuwasaidia wasife njaa. Lakini tunapaswa tutambue kuwa wakulima hawa hawana njia nyingine ya kujipatia mahitaji muhimu.

Wanahitaji sabuni. Wanahitaji kwenda hospitali kulipia ‘ushauri’ wa daktari, kabla ya kuandikiwa vyeti ili wakanunue dawa katika maduka yaliyojaa dawa za zilizoibwa serikalini. Kuwazuia, maana yake ni kuwataka watafute mbadala. Mbadala wa karibu ni kuvamia misitu wachome mkaa na kukata kuni. Vinginevyo, wavamie hifadhi za wanyama ili wapate vitoweo. Umasikini unazidi kuwaumiza siku hadi siku.

Barabara ni mbaya kiasi kwamba baadhi ya vijana, sasa hawafanyi kazi yoyote ya uzalishaji, zaidi ya kwenda maeneo ambayo wanajua magari yatakwama. Wanafanya kazi ya kuyakwamua ili wapate fedha za kuendeshea maisha. Kwa wanasiasa wetu, hiyo ni burudani kwao! Wanasema hiyo ni ajira!

Handeni na wilaya nyingine nchini, tunashuhudia ajuza wakilima. Ajuza mwenye umri wa miaka 75 au 80, atalima shamba la ukubwa gani ili aweze kupata mahitaji muhimu ya kibinadamu? Hawa, Serikali imewaandalia nini ili waweze kumaliza kwa raha, ngwe yao ya kuishi hapa duniani?

Viongozi wetu wanapopita wakiwa ndani ya magari, wakawaona wazee hawa wakiwa na majembe mikononi au mabegani; wanapopita na kuwaona watoto wasioenda shule kwa ajili ya kilimo; wanapoona watu wakikimbizana kuokota chupa tupu za maji au makopo ya bia na juisi; viongozi wanaoshuhudia haya, machozi yao huwa yako wapi? Huruma huwa wameitupa wapi? Wangapi husimama hata wakaweza kuzungumza kidogo na wananchi hawa?

Viongozi wetu wameshindwa kubadilisha maisha ya wananchi, badala yake wanachofanya ni kuota na kupanga mikakati ya ushindi wa kishindo mwaka 2010. Tumekuwa nchi ya uchaguzi tu! Nchi ambayo viongozi hupigana kufa au kupona ili washike madaraka, lakini ndani ya miaka mitano, wanachofanya ni kuhubiri mbinu nyingine za kupata ushindi katika uchaguzi ujao.

Umasikini wa Watanzania uko katika makundi mengi. Kuna kundi la masikini ambao ni masikini kwa sababu hawana namna ya kujikwamua. Hawa ni masikini wa mali. Lakini kuna masikini wa hali. Hawa wana mali na utajiri mwingi uliowazunguka, lakini ni masikini.

Hawa ndiyo wenye ng’ombe 200, lakini wanalala katika nyumba za tope zilizoezekwa kwa nyasi au udongo. Hawa ndiyo wenye watoto wanaokwenda shule wakiwa hawana viatu, na kama wanavyo, basi ni ‘makatambuga’. Hawa ni katika kundi la wafugaji wa kuku wanaoshuhudia watoto wao wakiugua kwashakoo, ilhali wao wakipeleka mayai yote sokoni na misheni!

Kundi la kwanza ni gumu kulibadili. Lakini hatuoni kama kuna juhudi za kweli za kubadili hili kundi la pili ambalo lina utajiri, lakini limegeuka na kuwa watumwa wa utajiri.

Hapa ndipo tulipotarajia kuwaona na kuwasikia viongozi wetu wakihubiri mabadiliko. Hapa ndipo wanasiasa walipopaswa kusimama majukwaani na kuwataka wananchi wabadilike. Yale makundi ya wanaharakati, mashirika yasiyo ya Serikali na kadhalika, ndipo yanapotakiwa yakeshe yakiendesha semina za kuwabadili wananchi ili wauchukie umasikini.

Lakini wapi. Hakuna kitu. Wanasiasa wanapozuru maeneo hayo, wanachofanya ni kutoa tambo za kukua kwa uchumi. Wanatamba TRA kuvuka malengo ya kukusanya kodi kwa mwezi! Kwa mwananchi wa kawaida, mwananchi wa Kideleko, Tanga au Kasesya kule Rukwa, takwimu hizo zinamsaidia nini? Sana sana kinachoonekana, ni wananchi wenye uelewa, kuanza kuwachukia viongozi.

Viongozi, badala ya kwenda kubadili maisha ya wananchi, wanamaliza muda wote majukwaani, wakisifiana na kupeana pongezi zisizo na msingi wowote. Wanakaukiwa mate midomoni wakiomba mwaka 2010 wachaguliwe eti kwa sababu hakuna chama kingine chenye kuweza kuwaletea wananchi neema.

Dhana hii ya kupuuza kuhimiza maendeleo, na kuanza kuomba kura za uchaguzi ujao, ni hirizi ya umasikini.

Nchi yenye viongozi ambao kazi yao si kupima yale waliyoahidi, bali kuomba wachaguliwe ili watoe tena ahadi, haiwezi kuendelea.Wanaharakati, watetezi wa haki za binadamu na makundi mengine ya ulaji, wanachofanya si kuwafikia wananchi moja kwa moja vijijini au mijini.

Wanashinda na kukesha katika hoteli kubwa za Dar es Salaam, Bagamoyo, Mwanza, Arusha na Morogoro, wakiendesha semina zisizokuwa na manufaa yoyote kwa masikini. Wangapi wamekwenda vijijini, wakaendesha semina, warsha au makongamano kwa wakulima na wafugaji? Wangapi wamekwenda kuwafundisha makabwela wa nchi hii, wajue haki na wajibu wao?

Walichobaki wakifanya ni kutafuta fedha kwa udi na uvumba, waandae viji-semina uchwara katika hoteli kubwa kubwa mijini, wakimaliza wagawane fedha. Wazungu wanaotoa fedha hizo si wajinga.

Wanajua sana mchezo huu unaoendelea, lakini wanachekelea. Wanachekelea kwa sababu si wazungu wote wanaofurahi kuona Mwafrika akiondokana na umasikini. Hawana huruma hiyo. Nao wanapoona tuna makundi ya wezi kupitia semina hizi, huburudika, maana hujua uzuzu utaendelea kudumu miongoni mwetu.

Matajiri, kama ndugu yetu Andrew Chenge, wawe na huruma. Sh bilioni moja kwenye akaunti yake ni viji-senti ambavyo akiamua kuviwekeza hapa nchini vitabadili maisha ya watu. Fikiria, zile Sh bilioni moja za Rais Kikwete, kwa kila mkoa, zimekuwa na matokeo gani?

Kama Sh bilioni moja zimetolewa kwa mkoa, je, ingekuwaje Chenge akaamua hiyo Sh bilioni moja akaitoa kama mkopo kwa wananchi wa jimbo lake tu? Hivi Sh bilioni moja ziingie Bariadi Mashariki, watu wakopeshwe, ziwekwe kwenye mzunguko wa uzalishaji, haziwezi kubadili maisha ya wananchi walau kwa kiasi kidogo?

Nihitimishe kwa kusema kwamba matatizo ya nchi yetu yatamalizwa au kupunguzwa na viongozi waliodhamiria kwa dhati kuwatumikia wananchi.

Kama nilivyoamini, na ninavyoendelea kuamini, viongozi wamewaangusha wananchi. Yanahitajika mabadiliko makubwa na ya haraka.

Nguvu ya wananchi ndiyo mwamuzi. Wananchi wamemkubali Rais Kikwete. Kwa sababu hiyo, hana shaka ya kuwa mwoga. Amiri Jeshi anayekwenda vitani, akijua wananchi, wapiganaji na makamanda wake wanamuunga mkono, hawezi kuwa na shaka ya ushindi.

Kwa hakika, huu ni wakati sasa wa Rais wetu kuonyesha kuwa yale mamilioni ya kura, hakuyapata kwa bahati mbaya.

Wabunge wameonyesha mfano wa namna nchi inavyoweza kurejeshwa kwenye mstari. Tusiwaangushe. Wananchi lazima tuwe mstari wa mbele kuwaunga mkono, na kusema sasa kuonewa basi; kunyimwa maendeleo, sasa basi. Ukaidi wa viongozi, sasa basi. Wananchi wakiamua, hakuna litakaloshindikana. Kwa pamoja, Tanzania tutaibadili.

manyerere@hotmail.com
0713 335469





Chenge achuriwa



na mwandishi wetu


UVUMI ulienea ndani na nje ya nchi jana, ukieleza kwamba aliyekuwa Waziri wa Miundombinu, Andrew Chenge, ‘amekufa’ kwa sumu.

Habari hizo zilizua taharuki miongoni mwa wananchi kadhaa ambao walihaha huku na kule kutaka kujua ukweli wa mambo.

Chumba cha habari cha MTANZANIA kilipokea simu zisizo idadi, huku wahariri na waandishi wa habari, wakifanya kazi ya kujibu simu na ujumbe mfupi wa maandishi (sms).

Ingawa uvumi huo ulipamba moto jana, lakini ulianza juzi usiku ambako sms yenye maneno: “Kifo cha Chenge kisiasa”, inadaiwa kuwa chanzo. Mtu aliyeandika ujumbe huo, hatujafanikiwa kumjua.

Baadaye kukawapo madai kwamba Chenge alikuwa amejiua kutokana na kukabiliwa na tuhuma za ufisadi zilizomfanya ajiuzulu uwaziri wiki mbili zilizopita.

Wavumishaji hao, baadaye walisambaza ujumbe ukidai kwamba mwanasheria huyo alichukua uamuzi huo kukwepa aibu anayoipata sasa, hasa anapopita mitaani na namna alivyoshupaliwa na vyombo vya habari.

Uvumi huo uligongana na mwingine uliodai kwamba Chenge hakujiua kwa sumu, badala yake ameuawa ikiwa ni mkakati ulioandaliwa kwa ajili ya kuwamaliza watuhumiwa wa ufisadi.

Ilidaiwa kwenye sms kwamba mpango umeandaliwa wa kuhakikisha kuwa watuhumiwa wa ufisadi, akiwamo Chenge, wanaondolewa ili kuwanusuru vigogo wengine mafisadi ambao hawajaguswa.

Uvumi huo ulikwenda mbali zaidi, kwa kueleza kwamba mwili wake ulikuwa umehifadhiwa katika Hospitali Kuu ya Jeshi Lugalo. Vyanzo vya habari ndani ya Lugalo vilikanusha taarifa hizo na kusema ni za uongo.

Tangu asubuhi, simu ya Chenge ilikuwa ikiita tu bila kupokewa. Hali iliendelea hivyo hadi mchana ambako ilitoa majibu kwamba imezimwa.

Hata hivyo, mmoja wa wafanyakazi wa Wizara ya Miundombinu, Ntemo, alipoulizwa kuhusu taarifa hizo, alisema ulikuwa uvumi ulioenezwa na baadhi ya watu wasiojulikana.

“Na mimi nilipata taarifa hizo, nikampigia simu na tukazungumza, yeye alichosema ni kwamba ‘wali hauliwi hapa’, mimi ni mzima,” alisema.

Maneno “wali hauliwi hapa”, bila shaka yalilenga kuonyesha kuwa yeye ni mzima, hivyo ‘shughuli’ ambayo kwa kawaida huambatana na chakula, hasa wali, isingekuwapo.

Kumeanza kujengeka tabia ya uvumi miongoni mwa wananchi. Miezi kadhaa iliyopita, kulisambazwa uongo kwamba Mohamed Mpakanjia, ambaye alikuwa mume wa marehemu Amina Chifupa, alikuwa amefariki dunia. Uvumi huo ulisambazwa siku chache baada ya kifo cha Amina, ambaye alikuwa Mbunge wa Viti Maalumu.

Kabla ya tukio hilo, kulivumishwa kwamba Rais mstaafu, Mzee Ali Hassan Mwinyi, naye eti alikuwa ameaga dunia. Kauli kama hiyo imeshatolewa pia kwa Mzee Rashidi Kawawa (Simba ya Vita). Mara zote, uvumi huo umewavuruga baadhi ya wananchi, hasa wenye mapenzi kwa viongozi hao.





Friday, May 02, 2008



Kuenea kwa ufisadi na

vyombo vya usalama

viko wapi?



Na Charles Kayoka

UNAPOFUATILIA habari za ufisadi na jinsi ulivyojikita miongoni mwa wale tuliowakabidhi dhamana ya kuiongoza nchi hii, au wale ambao tulidhani ndio watakaotusaidia kuiondoa nchi hii kutoka katika lindi la umasikini, magonjwa na ujinga, moja ya hitimisho unaloweza kulifanya ni kusema idara zetu za usalama zinafanya shughuli ya kulinda maslahi ya wale tuliowapigia kura na kuwa wakubwa kuliko sisi tuliowaweka madarakani.

La kwanza linalojionyesha ni kuwa tabia ya ufisadi haikuanza leo; imeota mizizi na ilifikia wakati likawa ni jambo la kawaida kwa wale waliojitangazia ukubwa na kutogusika kuendelea kufuja mali za umma na kuwanyonya walala hoi bila kujali kwani walijua kuwa hawawezi kushikwa wala kuadhibiwa.

Kuna wakati tuliamini kuwa kazi za idara ya usalama wa taifa- ikiwemo usalama wa taifa wenyewe, polisi, tume za kuzuia na kudhibiti rushwa na jeshi- ni kulinda maslahi ya taifa kwa kuwachunga maadui wa ndani na wa nje.

Tumekuwa makini sana katika suala ya madui wa nje lakini hili la maadui wa ndani linaonekana kushindikana. Pengine idara husika haijajua adui wa ndani ana sifa gani ili aweze kuingizwa katika orodha ya watu hatari.

Unapokuwa na afisa wa serikali ambaye amepewa madaraka ya umma ya kulinda rasilimali zetu kwa kuhakikisha kuwa anasaini mikataba ambayo haitafikia kuifilisi nchi; na kuwa mikataba hiyo haitazalisha kundi kuwa la watu wasio na kazi au kuwa na manung´uniko dhidi ya serikali yao, n.k. Lakini hafanyi hivyo na badala yake anaamua kuwa upande wa wawekezaji na kuanza kuwafundisha namna ya kukwepa kodi; anawasaidia wawekezaji kupata rasilimali zetu kwa chee; na matokeo yake ni kuikosesha serikali mapato na kuwafanya Watanzania kuendelea kuishi katika hali ya dhiki, kwa mawazo yangu hili ni suala la usalama na vyombo vya usalama vinapaswa kulifanyia kazi.

Pengine dhana ya usalama inatofautiana kati ya ile niliyonayo mimi na ya idara husika; na ile ya wakati wa Nyerere na hii ya sasa. Wakati ule tuliamini kuwa kazi za idara hizi, pamoja na majukumu mengine makubwa, ilikuwa ni kuhakikisha kuwa hakuna kiongozi anayejilimbikizia mali kwa njia isiyo halali.

Na ilifika mahali tuliamini kuwa ukishaingizwa katika utumishi wa umma, na hasa ule wa ngazi ya juu, wenzetu hawa walikuwa wamekufanyia utafiti wa kutosha kuhusu uadilifu wako na tabia yako kwa misingi ya uzalendo na uaminifu.

Tulidhani kuwa haikuiishia hapo, mtu uliendelea kuwekwa chini ya kurunzi la waheshimiwa hawa na kila unapokosea jambo fulani lingefanywa kukurekebisha, na pengine kuondolewa kabisa katika madaraka yako.

Kwa kadri tunavyoona mambo yanavyokwenda kwa sasa idara hizi hazifanyi kazi yake na tunadhani kwa wakati huu wameamua na wao kushirikiana na wakubwa wale wale waliopaswa kuwachunguza. Mambo yote haya, mimi naamini, yamekuwa yakifanyika huku wao wakijua fika nini kinafanywa na nani.

Tulidhani kuwa maana ya usalama wa taifa ni pamoja na kuzuia ufisadi ambao matokeo yake ni kuzalisha matajiri wachache na kuwaaacha wananchi wengi nje ya mfumo; maana ya usalama wa taifa ni kuhakikisha kuwa serikal inapata fedha zote halali na kuwa mikataba yote inakuwa ile ya kuifanya nchi kulinda rasilimali zake ili serikali iweze kuongeza pato la taifa na hivyo kuongeza unene wa bajeti; na kuwa usalama wa taifa ni pamoja na kuhakikisha kuwa idadi ya watu wasio na kazi wanapungua kabisa kwani ikiongezeka kuna uwezekano wa kuchafua hali ya hewa na hawa wazururaji wanaweza kutumika kuchafua amani ya nchi; kuwa usalama wa taifa unahakikisha kuwa bajeti iliyopangwa kwa ajili ya mipango na miradi mbalimbali ya maendeleo ya taifa inatumika ipasavyo na wale wanaoihujumu wanapata adhabu kali.

Inawezekanaje kuwa kiongozi aliyepewa dhamana ya kuiendesha nchi anaamua kuihujumu bajeti kwa kutumia fedha anavyotaka; au anaamua kujimilikisha mradi wa umma bila woga na huku idara husika ikimwangalia bila kumchukulia hatua.

Mimi nilidhani kazi nyingine ya usalama wa taifa ni pamoja na kulinda misingi ya maadili ya taifa na kuhakikisha kuwa viongozi walio walafi wanaondolewa madarakani ili wasije wakatuambukiza sisi tulio nje ya mifumo na hatimaye kudhani kuwa kula fedha za umma na kuhujumu miradi ya maendeleo ni sehemu ya bakshishi za ukubwa.

Yapi maadili ya taifa na nani wa kuyalinda kama taasisi hizi nyeti zilizopewa mamlaka makubwa zinanyamaza na kufumba macho na kuwalinda wakubwa, ndugu na jamaa zao.

Kama wakubwa na wadogo walio ndani ya serikali wanawaona wawekezaji ni muhimu kuliko maslahi ya taifa kimaendeleo; kama miradi ya uvunaji rasilimali hapa nchini inaweza kuwafanya raia wa nchi hii wasiwe na kazi- hasa wakulima ambao hawana ujuzi wa kujiajiri- kwa kukosa elimu na ujuzi zaidi ya kilimo na ufugaji wa mazoea; kama wananchi wanaposubiri fidia ya ardhi yao wanaachwa wateseke na hata wanapolalamika au kuandamana kudai haki wanashitakiwa kwa uvunjifu wa amani; lakini huyu aliyeamua asiwalipe maslahi yao au kuchelewesha, haonekani kuwa ni chanzo cha uvunjifu wa amani.

Sera na utendaji wa serikali unaposababisha mtu masikini akose ajira, ashindwe kujikimu, na kutopata haki sawa katika mfumo wa maslahi ya taifa, ni wazi hili ni suala la usalama wa taifa.

Kwa dalili hizi inaonyesha kuwa kuna ukungu ambao unaweza ksuababisha vurugu kubwa muda mfupi ujao kama hatua madhubuti hazitachukuliwa sasa wa kuikemea serikali ambayo inazembea.

Nina wasiwasi kama kweli waheshimiwa hawa wanaelewa wajibu wao. Na kama wanaelewa, basi wameamua kuiacha nchi hii igeuzwe kuwa mradi wa kujikimu wa wakubwa na wawekezaji kutoka nje.

Mustakabali wa nchi hii kwa kweli unakwenda kombo kwani ongezeko la umasikini; ongezeko la kukosekana kwa ajira; linaanza kuzua vitendo ambavyo vitauweka usalama wa taifa katika muhali.

Nadhani umefika wakati watafakari na kuona marekebisho gani wayafanye ya watendaji, utendaji na majukumu miongoni mwao. Huko tunakokwenda tutakuja kuwalaumu wao, sio serikali na chama tawala.

Baruapepe: mohamedmusta@gmail.com

Simu: 0755-833-933

AYA ZA AYAH

Luninga zetu na ushambenga

uliovuka mipaka



Kwa Waziri wa Mikiki na Makeke,
Uzitoni Street,
Bongo.


Mpenzi Frank,

NAKUMIC Bwana, lini utakuja kunifariji? Siku zote hizi hujapata hata safari moja ya biashara uje usuuze roho yangu mpenzi wa moyo? Au kuna wengine wanakusuuza na wewe? Mara nyingine hapa, nakaa nasononeka peke yangu na sina wa kumtulia mzigo mzito wa moyo.

Kama wiki hii mpenzi. Si uliona picha ya mtoto aliyekatwa kichwa? Yaani kuona vile nilitaka kutapika. Kwanza, kweli utu wetu umekuwa butu kama alivyosema yule fyatu Makengeza. Hata kama ni uchawi, ni unyama gani unaowafanya watu kujiunga na wachawi namna hii.

Lakini pia nalaumu sana vyombo vya habari. Wakihaha kuwabana wakubwa wanaotufanyia unyama kila siku nafurahi sana. Lakini kuna mambo mengine wanakosea sana. Itakuwaje wanaonyeshe mambo ya kutisha namna hii bila kujali nani anaangalia? Inawaathiri vipi?

Kwa mfano, watoto wadogo wa dada yake mama bosi (MB) walikuwapo. Walikuwa wanachezacheza pembeni mwa luninga. Ghafla zikatolewa zile picha za yule binti aliyechinjwa. Basi yule binti mdogo pale akaangalia akaanza kupiga yowe papo hapo na ingawa nilijitahidi kuzima luninga, haikusaidia kitu. Alikimbia na kwenda kujificha nyuma ya kabati akifikiri kwamba watakuja kukata kichwa chake na yeye.

Ilibidi MB afanye kazi ya ziada kumbembeleza atoke kula. Tena bahati mbaya alianza kutoka bosi akaingia kwa mbwembwe zake, mtoto akafikiri ni mchinjaji akakimbia tena kujificha. Hapo Bosi alilazimika kujiunga na wabembelezaji hadi akakubali kutoka. Na hata hivyo alikataa kula nyama kabisa akisema: ‘Naona damu … naona damu.’ Kumbe na bosi alikuwa amekwishaona zile picha pia. Wacha afoke.

‘Unaona sasa? Hawa washenzi wa vyombo vya habari wanaimba haki za binadamu haki za binadamu. Kumbe na wao ni wa kwanza kuvunja hizi haki.’

Akamwangalia mtoto wake akitegemea ataanza kubisha lakini BB alibaki kimya. Bosi aliendelea.

‘Tena safari hii hawawezi kujidai ni magazeti ya udaku tu. Kila kituo cha luninga kimeonyesha picha hizi tena na tena na tena. Hivi wana akili gani? Halafu wanawazonga wafiwa na kuanza kuwauliza wanajisikiaje kutokana na kisa hiki. Kwani walitegemea wafiwa waseme wanashangilia? Wanajua jibu lakini bado wanawasumbua. Hawawezi kuheshimu faragha za mtu? Yaani mimi naomboleza wewe ni nani kuniuliza maswali hapo? Haki ya Mungu ingekuwa mimi ningevunja kipaza sauti chao papo hapo.’

BB akaamka.

‘Lakini huoni baba tatizo ni sisi pia? Kwa nini watu walikusanyika pale kuangalia kichwa cha yule binti? Wanapigania kuangalia, na si ajabu walikuwa wanapigania kutoa maelezo yao kwenye luninga.’

‘Sawa kabisa. Lakini kama watu ni washambenga, haina maana kwamba vyombo vya habari videkeze ushambenga huo. Sheria zipo, maadili yapo. Hata huyu mtoto mwingine anayedaiwa kufanya maovu hayo si haki aonyeshwe mbele ya hadhara namna hii. Lakini kila kituo kinataka umaarufu, au tuseme kinaogopa kupoteza umaarufu kwa kutoonyesha.’

‘Si biashara baba!’

‘Biashara ya ufisadi. Lazima tuwadhibiti. Vyombo vingine viko pale tu kutangaza umaarufu wa mwenye chombo au kumtetea akiumbuliwa. Huo ndio uhuru tunaoutaka? Wao walichaguliwa na nani ili wajidai kutudhibiti hivyo?’

Hatimaye BB alichokozeka.

‘Ahaa! Kumbe una madonge wenzako wanaumbuka? Ndiyo maana unataka kuwadhibiti.’

‘Ohoo, Bi Vijisiasa ameamka. Vidhibitiwe kwa vyote.’

‘Lakini baba huwezi kulinganisha wanaosababisha umasikini kwa mamilioni ya watu kwa ulafi wao binafsi na hivi vyombo vya habari.’

‘Wingi wa waathirika si kipimo cha ufisadi maana inategemea una nafasi gani kuwafisadi watu.’

‘Sawa lakini bado wenye uwezo zaidi lazima wawajibike zaidi. Kama hawataki, wasiingie kwenye mambo hayo kabisa.’

‘Mwanangu usianze hubiri zako hapa. Tunaongelea kitendo cha wazi cha kwenda kinyume cha maadili ya uandishi na haki za watu.’

‘Nakubali baba.’

Bosi aliendelea.

‘Mara nyingine nawaona waandishi wa habari kama fisi wanaozungukazunguka mizoga wakingoja nafasi yao. Ndiyo maana lazima wadhibitiwe na maadili ya kazi zao.’

‘Lakini nani anafuata maadili ya kazi hapa? Unashangaa nini baba?’

Safari hii MB aliingilia kati.

‘Lakini mwanangu baba yako si amesema. Huwezi kutetea maovu yako kwa kuonyesha maovu ya watu wengine. Maovu ni maovu tu!’

‘Sibishi mama. Na naamini wahusika katika vyombo vya habari wanatakiwa kuwajibisha wanaovunja maadili yao. Kwanza siamini kwamba yule anayedaiwa kufanya unyama huo ana miaka 18 kweli. Au ni njia ya kumweka hadharani kwa sababu si mtoto tena. Kisha wanaenda kushawishi au kuhonga siri za mahojiano ya polisi zitoke nje. Wanataka kuharibu kesi? Au wanajuaje kwamba yule mtoto ana akili timamu na habwati tu?’

Baba alitabasamu.

‘Kweli mwanangu.’

‘Na watu wa dini nao wananishangaza. Leo watangaza misukule, kesho mashetani. Wanajuaje? Na yule wa Ulaya ambaye amemfunga binti yake miaka 24 na kumbaka na kuzaa naye, yeye pia ni msukule au ni mashetani?’

Baba alitabasamu tena.

‘Umefanya vema kutaja kesi ya yule mwanaharamu wa Austria. Jana vyombo vyote vya habari vimemwongelea huyuhuyu tu. Lakini umeona mke wake akihojiwa? Au umewaona wale watoto waliototolewa huko chini ya nyumba? Na ile kesi ya Uingereza ambapo mtoto alikutwa chini ya kitanda. Umemwona laivu kwenye luninga? Ndiyo maana nasema lazima vyombo vya habari vidhibitiwe kama havitaki kujidhibiti vyenyewe. Nakuambia tumevidekeza hadi vinajiona miungu midogo.’

Basi mpenzi waliendelea kuzungumzia hiyohiyo muda mrefu. Lakini mimi nilipewa kazi ya kumpeleka yule mtoto wa dada yake MB alale. Ilikuwa kazi kabisa. Kwanza alikataa kuingia kwenye chumba chake bila mimi kuingia kwanza huku akiangalia. Nilifungua pazia ili nihakikishe kwamba hakuna mtu aliyekaa nyuma. Kisha niliangalia chini ya kitanda na ndani ya kabati. Mpaka alikubali kuingia na kulala kitandani. Lakini nilipotaka kutoka akaanza kulia tena kwa nguvu.

‘Wanakuja … wanakuja … nawaona.’

Nilijaribu kumtuliza kwa kufungua kabati zote tena na kutingishatingisha mapazia lakini haikusaidia kitu. Mwisho MB alimwambia BB alale naye kwa hiyo waliondoka pamoja.

Lakini ukiangalia mpenzi naona leo bosi kasema kweli kwa kiasi fulani. Kukalia kooni vyombo vya habari ni vibaya sana. Lakini vyombo navyo visikalie koo za watu pia, na wakijisahau, navyo viwajibishwe. Sikatai sote tunao ushambenga wetu. Kwenye matukio ya ajabu hakuna anayekubali kupitwa.

Lakini hii ina maana kwamba ni lazima tudekezwe na ushambenga wetu. Kwanza angalia huyu mtoto wetu alivyoathirika. Watoto wangapi wadogo wameona picha ile? Hata kama hawajapiga kelele kama huyu, wameathiriwa vipi kwa kuona kichwa cha mtoto wa umri kama wao? Haiwavurugi kweli? Hawapati jinamizi kweli?

Kisha kwa nini waandishi wanifuatefuate wakati niko katika majonzi makubwa sana? Eti wananiuliza najisikiaje? Hawajui? Wanahitaji kweli kunisikia nikisema nina majonzi hayo? Kwa nini dunia nzima ione machozi yangu? Sikutaka kuanikwa hadharani. Sikujipeleka kupigiwa kura. Balaa imetokea kwangu, kwa nini wengine waniongezee balaa? Wanaowazonga wakubwa wetu wawe na utu na maadili mema lazima na wao waonyeshe maadili mema pia vinginevyo hata uhalali wao wa kuzonga wageuka mizengwe.

Akupendaye mno japo hutaki kuonekana,

Hidaya


Kutoka Raia Mwema wiki hii.





Thursday, May 01, 2008



Mawaziri wengine

kwenda na maji



Kikwete ashtuka, aagiza wote wachunguzwe


ILI kukwepa makosa ya kiuteuzi, Rais Jakaya Kikwete sasa ameamua kuwachunguza mawaziri wake wote na wanasiasa ambao wanatarajiwa kuwamo katika timu yake ijayo, Raia Mwema imeambiwa.

Habari za wiki hii zinasema hatua hiyo ya Rais Kikwete inalenga kukwepa makosa kama yaliyofanyika katika uteuzi wa aliyekuwa Waziri wa Miundombinu, Andrew Chenge, ambaye tangu mwanzo uteuzi wake ulikuwa ukitiliwa shaka na umma.

Chenge tayari amejiuzulu na sasa yuko katikati ya tuhuma za hodhi ya fedha nyingi zilizoko nje ya nchi zinazodaiwa kuwa zimepatikana katika mchakato wa ununuzi wa rada ya kiasi cha Sh bilioni 70/-.

Yeye ni waziri wa nne kujiuzulu katika kipindi cha chini ya miezi minne, akitanguliwa na mawaziri wengine watatu, aliyekuwa Waziri Mkuu, Edward Lowassa, aliyekuwa Waziri wa Nishati na Madini, Nazir Karamagi na Dk. Ibrahim Msabaha, aliyekuwa Waziri wa Maendeleo ya Afrika Mashariki, wao wakituhumiwa kuhusika na mradi tata wa umeme wa dharura uliokabidhiwa kampuni ya Richmond Development LLC ya Marekani.

Kutokana na kujiuzulu huko kwa wasaidizi wake muhimu mfululizo, imeelezwa sasa kwamba Rais Kikwete ameunda timu ya siri ya kuwachunguza kwa kina mawaziri wa sasa na wanasiasa ambao wanaweza kuingizwa katika serikali yake, huku akitafakari kwa kina muundo wa serikali yake.

Kwa mujibu wa habari hizo, Kikwete amejikuta akitafakari kwa makini mbinu na mkakati wa kujiepusha na aibu ambayo imeikumba serikali yake hasa baada ya kujiuzulu kwa Chenge ambaye alimrudisha katika serikali yake baada ya kuvunja Baraza la Mawaziri kutokana na kujiuzulu kwa Waziri Lowassa.

“Rais hivi sasa anatafakari jinsi ya kujiepusha kupata aibu kama aliyoipata kutokana na kujiuzulu mfululizo kwa mawaziri wake wanne kwa kuhusishwa na kashfa mbalimbali. Anaona hilo si jambo jema kwake na ndiyo maana anaangalia sasa asije kuteua watu ambao watakumbwa na kashfa nyingine na kulazimika kuvuruga tena serikali yake,” anaeleza ofisa mmoja ndani ya Serikali.

Imeelezwa kwamba uchunguzi huo unaoendelea kwa siri kubwa sana unawahusisha baadhi ya watu ambao hawamo serikalini kwa sasa wakishirikiana na watendaji wachache wa sasa ambao uadilifu wao hautiliwi shaka na unatarajiwa kumkabidhi Rais Kikwete taarifa wakati wowote kuanzia sasa.

Pamoja na kuwapo uchunguzi huo, habari za uhakika zinaeleza kwamba hivi sasa mawaziri na watendaji wengi serikalini wamekuwa wakifanya kazi katika mazingira magumu mno ya woga, kila mmoja akihofia kuhusishwa na kashfa.

“Hivi sasa wanasiasa na watendaji serikalini wanafanya kazi kwa woga mkubwa na baadhi wanafanya kazi bila kuamini yeyote. Hata baadhi ya mawaziri wanapoteza imani na wenzao na sasa wakipewa maagizo ama ushauri wanataka kila kitu kiwekwe kwa maandishi na wanaondoka na kopi za nyaraka kwenda nazo nyumbani ama mahali wanakopaamini,” anaeleza mtendaji mmoja.

Mtendaji huyo mwandamizi serikalini akizungumza kwa sharti la kutotaka kutajwa kwa sababu zilizo wazi, anasema wapo baadhi ya mawaziri ambao wanadiriki hata kuogopa maagizo ya Rais na Waziri Mkuu, Mizengo Pinda, na sasa wakipewa maagizo wanaomba kupewa kwa maandishi hali ambayo imeelezwa kutishia tija katika utendaji kazi wa kila siku serikalini.

“Kupotea kwa imani miongoni mwa wanasiasa na watendaji hakuashirii hali nzuri hata kidogo kwa utendaji wa kila siku wa Serikali na hii inaathiri kwa kiasi kikubwa ufanisi,” anaendelea kueleza ofisa huyo ambaye yuko karibu na utendaji wa kila siku wa Serikali ya sasa.

Ikiwa imesalia miaka miwili tu kumaliza kipindi chake cha kwanza cha urais, Kikwete amejikuta akikabiliana na misukosuko mingi mfululizo inayoitikisa Serikali yake pamoja na asasi nyingine nyeti, hali ambayo imeelezwa kuwa si nzuri sana kwake.

Kwa muda mrefu sasa Serikali ya Kikwete imejikuta ikikabiliana na mambo yanayoibuka badala ya Serikali yenyewe kuibua mambo, hali ambayo imeelezwa kufanana sana na kazi ya “zimamoto”.

Mbali ya Serikali yake, Bunge nalo limekuwa katika misukosuko ambayo inatishia uimara wake, pamoja na kuwa sasa wabunge wameonekana “kuchangamka” zaidi kuisimamia Serikali lakini na wao kwa upande wao wamejikuta wakisuguana wao kwa wao na hata na Spika wao, Samuel Sitta.

Matukio yanayoelezwa kuanza kuitikisa Serikali ni pamoja na tuhuma zilizoielemea Benki Kuu ya Tanzania (BoT), mradi wa umeme wa dharura uliokabidhiwa kwa kampuni ya Richmond Development LLC, sakata la rada na kuyumba kwa mazungumzo kati ya CCM na CUF, yanazidi kumyumbisha Kikwete.

Hata vikao vya CCM kijijini Butiama alikozaliwa na kuzikwa Baba wa Taifa, Mwalimu Julius Nyerere, vimeshindwa kutoa matunda yaliyokusudiwa na wengi ikiwa ni pamoja na kuchukua hatua madhubuti dhidi ya wale wote wanaotuhumiwa kwa ufisadi na kumaliza tofauti za kisiasa visiwani Zanzibar.

Awali iliripotiwa kwamba kumekuwapo mkakati maalumu wa kuwasafisha kwa zamu mawaziri wanaoandamwa na tuhuma za mbalimbali zilizofahamika na zile ambazo hazijaanikwa kwa sasa hali ambayo imewatia kiwewe mawaziri wengi wa sasa.

Hali hiyo ndiyo hasa iliyomsukuma Rais Kikwete kuamua kutafuta watu wa kumsaidia kuwachunguza mawaziri wa sasa na wale ambao anaamini kwamba wanaweza kuingia katika baraza lake jipya, kama ataamua kufanya mabadiliko makubwa.

Pamoja na kuwapo kwa tuhuma za kweli kwa baadhi ya mawaziri na wanasiasa, zipo taarifa kwamba baadhi ya watu wametumia nafasi huyo kuwatisha, kuwafitini ama kuwahujumu baadhi ya mawaziri kwa maslahi binafsi huku baadhi wakihaha kutafuta njia ya kujihami na kujisafisha.

Kwa sasa shutuma na hofu kubwa imeelekezwa kwa vyombo vya habari na kwa baadhi ya wanasiasa ambao kwa pamoja wanadaiwa kuhusika kwa namna moja au nyingine na kuiyumbisha Serikali, lakini imeelezwa kwamba Kikwete mwenyewe, “amekuwa akifurahishwa na hali hiyo” ambayo anasema inamsaidia kuisafisha Serikali yake bila ya yeye kupata lawama.

“Pamoja na watu kuona kwamba Kikwete anayumbishwa na hali ya sasa, yeye binafsi anafurahishwa sana kuona kwamba nchi imekomaa kidemokrasia na kwamba yeye binafsi hawezi kulaumiwa kwa vyovyote vile na yanayowakumba mawaziri wake. Binafsi aliwapa nafasi ya kujisafisha na kufanya naye kazi lakini kwa bahati mbaya wimbi la tuhuma za ufisadi limewakumba,” anasema ofisa mmoja mwandamizi wa serikali.

Ofisa huyo anakumbusha jinsi Kikwete alivyozungumza na watendaji wa Taasisi ya Kuzuia Rushwa (TAKURU) ambayo sasa imeboreshwa na kuongezewa kazi ya “kupambana” Februari, 2006 aliwaambia wazi wazi wasaidizi wake kwamba anawafahamu wala rushwa na kwamba amewapa muda wa kujirekebisha.

“Alipotoa kauli Mbeya miezi michache baada ya kuingia madarakani watu waliona kama anafanya mzaha lakini sasa yanayotokea ni matokeo ya kauli zake. Alisema anawafahamu wala rushwa na kuwapa muda wa kujirekebisha, sasa miaka miwili imepita yanayowakumba wasimlaumu tena,” anasema ofisa huyo.

Hata hivyo, kuchelewa kwake kuchukua hatua ama kuacha vyombo vingine kuchukua hatua kunaelezwa na wanasiasa mbalimbali kuwa si dalili njema kwa kiongozi ambaye ameingia madarakani kwa ridhaa ya zaidi ya asilimia 80 ya wapiga kura.

Pamoja na kuwa tuhuma nyingi ni zile zilizotokana na mambo yaliyofanyika wakati wa serikali ya awamu ya tatu, baadhi ya wahusika ni wale wale ambao wamo ndani ya serikali ya sasa baadhi wakiwa Rais Kikwete anawaamini ama kushirikiana nao, hali ambayo bado haimuepushi sana na baadhi ya tuhuma.

Mwanasiasa mmoja mkongwe na ambaye amekwisha kushika nyadhifa mbalimbali za uwaziri, aliliambia Raia Mwema wiki hii kwamba, hali ya sasa isipodhibitiwa nchi itaingia katika hali ya machafuko ambayo hatujajiandaa kukabiliana nayo.

“Sasa ukipita na gari zuri unaitwa fisadi na pole pole ‘mafisadi’ watapigwa mawe, magari yao yatachomwa moto nyumba zitavamiwa na kuchomwa moto. Watakaofanya hayo watakuwa ni wananchi ambao hawana vigezo vya kujua nani ni fisadi na nani anatumia mali halali. Serikali, asasi zisizo za kiraia, viongozi wa dini, wazee na vyombo vya habari ni lazima tushirikiane kuhakikisha hayo hayatokei,” alisema mwanasiasa huyo mstaafu.

Mwanasiasa huyo anayeheshimika, amesema hata kuibuliwa upya kwa mjadala wa uwezekano wa kumshindanisha Kikwete na mwana CCM mwingine katika uchaguzi wa mwaka 2010 ni dalili ya kuyumba kwa chama hicho tawala na serikali yake.

Umekua ni utamaduni wa CCM kumuachia Rais aliye madarakani amalizie vipindi viwili, lakini kwa sasa tayari kuna makundi ndani ya CCM wakiwamo wale waliokumbwa na wimbi la tuhuma za ufisadi, yameanza kupanga mikakati ya kumpinga Kikwete 2010.

Mikakati hiyo imeelezwa kufikia hatua mbaya zaidi ya kuwapo kwa vyombo mbadala vya ‘kiserikali’ vinavyofanya kazi mahsusi ya kufuatilia nyendo za wale wanaoonekana kuwa tishio kwa mikakati hiyo na hivyo kuendelea kupanua wigo wa mtikisiko ndani ya Serikali ya Kikwete na ndani ya CCM.




Role of Barclays Bank

in radar deal :

British MPs want to know



THISDAY REPORTER
Dar es Salaam


BRITISH members of parliament are now questioning the role of Barclays Bank in the 28 million pounds sterling (approx. 70bn/-) military radar transaction scandal in Tanzania.

In particular interest to the UK lawmakers are the reasons behind the British-headquartered bank’s decision to give a loan to former president Benjamin Mkapa’s government to finance the dubious deal.

A debate in the British House of Commons on Tuesday this week on the Zimbabwe election crisis, at one point changed its focus to Barclays Bank, with MPs blasting the bank´s role in facilitating the controversial Tanzanian transaction between 1999 and 2002.

’’It must be said that Barclays in Africa has form. Of course, we know all about its record in South Africa under the apartheid regime,’’ said Liberal Democrat MP Norman Lamb (North Norfolk).

He added: ’’What is not so widely known, however, is that Barclays provided the finance for the sale by BAE Systems of a military air traffic control system to one of the world’s poorest countries, Tanzania.’’

There have been serious questions raised on why Barclays bank, as a commercial lender, saw fit to heavily subsidise an arms sale to a highly indebted developing country like Tanzania in 2002.

Critics say former president Mkapa’s government could not have afforded the radar without the loan from Barclays, which is a commercial bank.

However, as a condition of debt relief, Tanzania had at the time agreed with the International Monetary Fund (IMF) that it would not borrow money from commercial banks.

In order to persuade the IMF to allow this loan to Tanzania, Barclays Bank reportedly declared that over a third of it was to be considered a grant.

Lamb, who has long been a fierce critic of the Tanzanian radar deal, noted that the UK´s Serious Fraud Office (SFO) was currently investigating the transaction.

’’Barclays provided the loan finance (to Tanzania) at a time when all the allegations were in the public domain and concerns were being raised that it was a dodgy deal,’’ said Lamb.

The purpose of the British House of Commons debate was to discuss sanctions against Zimbabwean President Robert Mugabe’s regime, and the role of British companies in that country - particularly Barclays Bank.

However, the focal point of the parliamentary discussion ultimately zeroed in on the Tanzanian radar deal, in which Barclays Bank played a prominent role.

Noting that newspaper reports from the previous year suggested Barclays was helping to ’’bankroll Mugabe’s regime,’’ Lamb added that the same bank was also involved in financing the dubious Tanzanian radar purchase despite widespread public criticism against the transaction.

’’How can Barclays Bank, a British-based company, act in a way that is apparently in flagrant breach of the sanctions regime?’’ the MP asked, in reference to the bank’s Zimbabwe operations.

Lamb said the UK Foreign Office had informed him that it was investigating a possible breach by Barclays on the Zimbabwe sanctions regime, and demanded to know the current progress of the probe.

Contributing to the discussion, the Labour MP for Vauxhall Constituency, Kate Hoey, said: ’’I congratulate (Lamb) on his speech, on securing this debate, and particularly on the very interesting points that he made about Barclays, which I think we all found of great interest.’’

Conservative lawmaker Richard Benyon (Newbury) said: ’’If Barclays has questions to answer, it must do so but in the context of all the organizations and governments who are complicit in the situation in Zimbabwe, many other villains also need to be held to account.’’

Jeff Ennis, the MP for Barnsley, East and Mexborough Constituencies (Labour) said: ’’I share the concern of (Lamb) about the role played by three British banks - particularly Barclays Bank, which he named - that appear to be assisting the Mugabe regime. I hope that they will review their business activities in Zimbabwe once they have read this debate.’’





Msanii wa hiphop Mwanafalsafa aka Mwana FA ametoka na
tovuti mpya iitwayo http://www.binamu13.com

Katika tovuti hiyo wasomaji wanaweza kujipatia taarifa mbalimbali zinazomhusu yeye kama historia yake, nyimbo zake, albam na picha zake, nguo zake na kadhalika.

Mwana Fa aliyezaliwa miaka 27 iliyopita jijini Tanga, alianza kujishughulisha na mambo ya muziki mwaka 1993 wakati huo akiwa shule ya msingi jijini Tanga.

Mwana Fa alianzisha kundi lake lijulikanalo kama Black Skin akiwa na wanafunzi wenzake Robilus na Getheerics mwaka 1995. Mwaka 1998 aliingia jijini Dar es Salaam kwa ajili ya masomo ya juu katika Sekondari ya Ununio Islamic High School, akiwa anachukua masomo ya Physics, Chemistry na Mathematics.

Baada ya kuhitimu mwaka 2000, alijiingiza katika mambo ya muziki ambapo mwaka 2003, alipata tuzo za Kili kwa kuwa mwanamuziki bora wa hip hop na wimbo wake ‘Alikufa Kwa Ngoma’. Vilevile mwaka 2006 albam yake ya Unanitega ilipata tuzo ya Kili katika kitengo cha albam bora ya hiphop. Albam zake alizokwishatoa ni kama ‘Mwanafalsafani’, ‘Toleo lijalo’ na 'Unanitega'. Baadhi ya nyimbo zinazowika sasa hivi ni 'Asubuhi' na 'Nangoja Ageuke' akiwa ameshirikiana na AY, nyimbo ambazo utakuta kwenye albam yao ya 'Habari Ndio Hiyo' waliyoitoa mwaka jana.

Ukiachana na muziki Mwana FA anauza pamba zake zinazokwenda kwa jina a 'Binamu' na hutoa msaada kwa wasiojiweza kupitia shirika la Sawa Sawa Foundation.


Kind Regards,
255 Enterprise Inc
Email: info@2five5.com
Website:www.2five5.com
Mobile: +44 7722 322 992




Vibwanga Vya Tabata


Wakazi wa maeneo ya Tabata jijini Dar es Salaam,wakichungulia ndani ya gari kumuangalia msichana Rehema Kefa (18) anayedaiwa kuwa ni mchawi baada ya kukamatwa akiwa katika Zahanati akidai kutafuta mtoto na damu ya kunywa.




Ofisa wa ngazi ya juu kutoka jeshi la Polisi akimhoji Msichana Rehema Kefa (18)kwenye kituo cha Polisi cha Buguruni jijini Dar es Salaam baada ya Msichana huyo kukamatwa akiwa katika Zahanati moja iliyoko Tabata akiwa katika harakati za kutafuta mtoto kwa nia ya kunywa damu yake.Lakini Msichana Rehema alipokuwa anajieleza baada ya kufikishwa katika kituo hicho cha Polisi Buguruni,jijini Dar es Salaam leo alidai yeye ni mkazi wa Tabata Msimbazi na kukiri kuwa alifika katika Kituo cha Afya Tabata kwa agizo la bibi yake.Picha zote kwa Msaada wa Mpiga Picha Maalum wa TSN na Mdau Mpoki Bukuku.




Mchawi Mwingine abambwa
Tabata..


Mkazi wa jijini Dar es Salaam, Rehema Kefa (18) akiwasilisi katika Kituo cha Polisi Buguruni jijini Dar es Salaam,baada ya kukamatwa akiwa katika Zahanati moja iliyoko Tabata akiwa katika harakati za kutafuta mtoto na kunywa damu yake.Msichana huyo,alikamatwa na kuwekwa chini ya uangalizi wa polisi,baada ya kukiri kuwa ameanza kufanya kazi zinazodaiwa kuwa ni za kichawi akiwa na miaka mitano.

----------------------------------------------------------------
Siku tatu tu baada ya kijana kukamatwa na kichwa cha mtoto, kijana mwingine, safari hii msichana, amekamatwa katika hospitali ya Tabata iliyopo Wilaya ya Kinondoni jijini Dar kwa tuhuma za kutaka kuiba mtoto wodini.

Rehema Kefa(18) Mkazi wa Mkuranga alikutwa akitaka kumtorosha mtoto huyo leo aliyekuwa katika wodi ya mateniti hospitalini hapo leo.

Inasemekana Rehema alibambwa na nesi wa zamu katika wodi hiyo ambaye ni mlokole, ambaye baada ya kuona mauzauza ya huyo msichana inasemekana alifanya maombi, na mtuhumiwa huyo akaanza kutambaa kama nyoka wodini hapo.

Polisi waliitwa na kumpeleka Rehema kituo kidogo kilichopo karibu na hospitali hiyo ambako alikiri kwamba yeye ni mtu wa juju, na kudai kwamba shughuli hiyo kafundishwa na bibi yake kwa jina la Salome Nganame.

Aliwaambia askari kwamba hakuwa peke yake katika skuli hiyo, kwani mafunzo hayo ya undondocha kafunzwa yeye na kinadada wengine aliowataja kama Asha Said(29), Fatuma Saleh(23) na Khadija Mpogolo.

Alisema yeye na hao aliowataja ilikuwa waibe pamoja mtoto pele hospitali na kwenda kumnyonya damu.

aliwaambia askari kwamba walipomkamata bibi huyo na wenzie walikuwa wanaw

acheki tu kwenye 'TV' yao huko waliko.Picha na Mpiga Picha Maalum wa TSN.

Wednesday, April 30, 2008


Leo Jumatano tarehe

30 Aprili 2008

ni siku ya mwisho

ya kurudisha:

Taarifa kuhusu mapato

yanayostahili kutozwa kodi

“Income Tax Return = ITR.”

Angalia vizuri mapato yako,

madeni yanayostahili

kuingizwa kwenye

hizo taarifa, n.k.

Linganisha na fomu ya

kodi ya mapato,

tulizotumiwa mwanzoni

mwa mwaka,

kabla hujarudisha “ITR”

Saa 5.59 usiku (23.59 CET),

ni saa ya mwisho ya

kurudisha ”ITR”.

Unaweza kuirudisha

kieletroniki.

Angalia:

http://www.skatteetaten.no/

maelezo ya ziada kwa

Kiingereza,

bofya ”International”

Kila la heri!!!




TAKUKURU

Hamnazo?

Wanafanya mzaha wa hali ya juu!

Alichofanya huyo jamaa si haki. Jamaa keshashtakiwa anasubiri kwenda mahakamani kujibu mashtaka ya rushwa ya ngono.

Vingunge wa serikali walioiba Benki Kuu, Richmond, madini, na mabilioni sekta zingine, wapo mitaani wanadunda!!! Pamoja na ushahidi wa kutosha na unaojulikana (mfano Taarifa ya Tume ya Bunge ya Richmond) na kila mtu anajua, eti bado uchunguzi unafanyika!!! Hivi ndoano na nyavu za TAKUKURU ni za kukamatia dagaa vibua tu? Hawana ndoano na nyavu za kuvulia manyangumi na mapapa?

Hivi hii ni haki kweli?

TAKUKURU mmeshindwa na majukumuu yenu?

Kama mmeshindwa,

basi fanyeni kama walivyosema wahenga:

”Enda na uchao, sende na uchwao”

Bofya hapa: Mafisadi yaliyokubuhu

Imetumwa na

Jamaldeen Tacuma Bin Mazar E. Shariff Ibn Zenjibari

tacumajamaldeen@yahoo.co.uk




Kigogo wa Usalama katika Shule za St. Mary's jijini Dar es Salaam, Justus Joseph Mrefu, mapema wiki hii alinaswa na maofisa wa Taasisi ya Kuzuia na Kupambana na Rushwa nchini (TAKUKURU) akifanya jaribio la kula rushwa ya ngono kwa binti (jina tunalihifadhi) kama kichocheo cha kumpatia ajira...

Tukio hilo la aina yale lilitokea katika nyumba ya kulala wageni inayojulikana kwa jina la Business iliyopo Tabata Bima jijini Dar es Salaam baada ya mtego uliowashirikisha waandishi wetu, binti husika pamoja na maafisa wa TAKUKURU.

Kwa mujibu wa binti huyo aliyefanikisha zoezi hilo, wiki chache zilizopita alifika katika Ofisi za Shule ya St. Mary's Tabata jijini Dar es Salaam kwa lengo la kutafuta kazi ya kulea watoto yatima, lakini kigogo huyo alidai rushwa ya ngono ili ampatie ajira ya ulinzi ambayo alidai iko ndani ya uwezo wake.

“Mimi nilikwenda St. Mary kusaka ajira ya kuwalea watoto yatima, lakini nilipoongea na mlinzi getini alinitaka nikaongee na bosi wake, Justus Joseph Mrefu suala langu ambapo aliniambia kama kweli nataka kazi basi atanipa ya ulinzi kama nitakubali kufanya naye mapenzi.

“Nilifedheheshwa sana na maneno yake hivyo nikakubali kinafiki kisha tukapeana namba za simu, lakini nilipotoka hapo niliwasiliana na waandishi wa habari kwa lengo la kumfunza adabu mzee huyo,” alisema dada huyo.

Waandishi wetu walipopewa taarifa hizo walifanya mawasiliano na Maafisa wa Takukuru na kupanga mtego kabambe kwa kushirikiana na binti aliyeombwa rushwa hiyo.

Wanahabari wetu kwa kushirikiana na Maafisa wa TAKUKURU waliungana na binti huyo ambaye walimtaka awasiliane na Mrefu kuwa wakutane jioni ya Jumatatu wiki hii katika Gesti ya Business ili akamilishe sharti la kumpa mapenzi ili apate ajira.

Baada ya mawasiliano hayo, Mrefu alifika katika gesti waliyokubaliana na kuchukua chumba kilichokuwa kimeandikwa Tembo tayari kwa kwenda kupumzika na kimwana huyo.

Wakiwa chumbani, binti aliwasiliana na waandishi pamoja na Maafisa wa TAKUKURU mara baada ya jamaa kuvua nguo zake zote tayari kwa kuanza ‘shughuli’ ambapo chumba hicho kilivamiwa na kumkuta Mrefu kama anavyoonekana pichani.

Kufuatia tukio hilo, Mrefu alifikishwa katika Kituo cha Polisi Msimbazi, Kariakoo jijini Dar es Salam ambapo habari za uhakika kutoka kituoni hapo zinadai kuwa, mtuhumiwa huyo atafikishwa mahakamani mapema iwezekanavyo akikabiliwa na shtaka la kuomba rushwa ya ngono.




Is it the right time to

persecute Mkapa?



NKWAZI NKUZI MHANGO

Canada.


NO joke. Former president Benjamin Mkapa is in hot soup. His dirty linens are scattered everywhere for every eye to see!??

When some of us wrote agitating that Mkapa be prosecuted, his whiz kids and sympathizers, especially his party, Chama Cha Mapinduzi, despised us as being jealous and myopic.??

This kit and caboodle of swindlers has been issuing threats that if we bring the former head of state to book, our country will cascade into witch-hunting! Shall we foolishly white wash matters pertaining to the rights of our people really?

Are we going to be the first? Big nope.?? Now the heat is on.

Member of Parliament for Vunjo (CCM), Aloyce Kimaro, decided to take the bull by its horns. Fortunately Kimaro is a CCM member per se and MP.?? What does this mean really? Corruption does not pay.?? If you ask me the above question whether in bed or in bibs, I shall reply proudly and loudly, yap. The time is very right to do so urgently.??

We used to laugh at Zambians when they were prosecuting their corrupt rulers-cum-looters. Now look!

The same shame-cum-imbroglio is amidst us testing our tenacity and accountability.??

There are those who say Mkapa should not be disturbed simply because he is on retirement, while others go a mile ahead contending that he enjoys immunity But again, this badly construed and abusively used immunity does not provide or cover Kiwira, Mkapa’s wife, son, in-laws and friends, because they were not presidents. So in a simple logical parlance, these can be persecuted without breaking any law. Kiwira was not part of Mkapa’s presidency and Mkapa was not even the minister responsible for business.’

After all, we elected Mkapa to rule our country not to ruin and loot it. This is why we would like to see Mkapa behind the bars should he be found guilty.?? Accountability and rule of law Mkapa used to sing day in day out, require us to do so for the good of our country. That will save our sickened economy!?? Lets face it point blank.

Mkapa abused and misused the office of president and the country as a whole. Refer to how we suffer from the anathema of hiked power tariffs simply because Mkapa and his cronies brought a bogus company in which they had their vested personal interests as opposed to all codes of conduct.??

My major questions today are, what precedent are we setting for current and future heads of state if we let Mkapa get away with it?

I am not intending to get a dig in his family. But do his wife, son and friends as well deserve and enjoy immunity? ??

Apart from being unpardonable, sacrilegious things Mkapa did cannot be treated just like common managerial slip-ups. Not at all. They are serious offences involving sabotaging the nation.??Hither is where slapping Mkapa on the face so as to send clear signals to all those contemplating to commit the same, is sine qua non.

Silence is gold. But this is relative. There are issues that do not need silence. Mkapa has arrogantly and shamelessly maintained silence! Phew! Why shouldn’t he be presumed guilty because of his silence?

I know Mkapa very well. He is an orator, tough and argumentative. If what is being said about him were mere lies and jealousy as he would put it, he would have not maintained such unreasonable silence.??

The urgent and right thing for Kikwete to do is to distance himself and let Mkapa face the music as reciprocation for abuse of power.

I strongly urge Kikwete to back off from Mkapa.?? On the same footing, even the parliament should strike off the much touted immunity that Mkapa has so as to let the judicial process take its course.??

As for Mama Mkapa, their son Nicholas, daughter-in law, Foster, former minister and associate, Daniel Yona and others must be brought to book as soon as possible.?? Better with the nation that lives on the spirit of the law than the one that fears to do justice just because it fears some bigwigs.??

Tanzanians have proved to be tough when it comes to corruption. It has caused them a lot of miseries. They are not mincing words. They are saying it loudly: We want Mkapa and his company before the court. They want their Kiwira back. They want their country back as well. They, too, would like Kikwete to expediently and transparently set records straight on this.

Should he stay put to see to it that his predecessor is not brought to book, he’’ll be sending mixing signals that he aims at what Mkapa committed. Will he allow such wrong perception of himself just to spare his predecessor? Time is there to rightly tell. What a baptismal by fire and a test to his seriousness and cleanliness!??

To cut a story short, let the nation stand together in the war against corruption. Let us face whoever takes part in corruption regardless of his status. Indeed, the time is very ripe for Mkapa to come clean on the allegations. Failure to do this, he should be brought to book even today.? The wisdom of today is ’truth is incontrovertible. Panic may resent it, ignorance may deride it, malice may distort it but there it is Winston Churchill.?

Let us face the moment of truth as far as Mkapa’s legacy and deeds are concerned.?

nkwazigatsha@yahoo.com

From: ThisDay