Wednesday, July 27, 2016


Kwa Jumuiya ya Watanzania, Norway



KILIMANJARO DIASPORA AKAUNTI KATIKA BENKI YA AMANA

Tunapenda kuwafahamisha kuwa Ubalozi umepokea barua kutoka Wizara ya Mambo ya Nje na Ushirikiano wa Afrika Mashariki ikifahamisha kuhusu Akaunti Maalumu ilioanzishwa na Benki ya Amana kwa ajili ya Diaspora (Kilimanjaro Diaspora Account). Akaunti hiyo inaendeshwa kwa kufuata miongozo ya Dini ya Kiislamu (Sharia Compliance: Al Wadiah na Mudharabah contracts).

Ubalozi utatumika kuthibitisha nyaraka za kufungulia Akaunti (Verification of Documents) zitakazowasilishwa na wanaoishi eneo husika la uwakilishi kabla ya kuendelea na taratibu nyingine za kufungua akaunti hiyo. Uthibitisho huo ni muhimu kwa mujibu wa kanuni na taratibu za kifedha nchini Tanzania.

Diaspora watakaopenda kufungua akaunti hiyo wanashauriwa kupakua  (download) fomu za kufungulia akaunti kupitia


na wakimaliza kujaza fomu hizo na kupitishwa na Ubalozi watatakiwa kuzituma kwa gharama zao kwenda anuani ya benki kwa njia za DHL, FedEx, EMs.

Wafunguaji wa akaunti wanaweza pia kuwasiliana na Benki ya Amana kwa simu namba +255 22 2129007  au kuongea moja kwa moja na Bw. Dasu Mussa, Meneja wa Masoko na Miradi (+255 786 687 832) au Bw. Muhsin Muhamed, Mkuu wa Kitengo cha Uzalishaji na Sharia (+255 653 283 636).

Ubalozi wa Tanzania
SWEDEN 


No comments: