Mmojawapo wa celebrities wa mwanzo mwanzo kufanya mahojiano na BC alikuwa ni mwanamuziki wa kizazi kipya, AY a.k.a Mzee wa Commercial.Huyu ni mmojawapo wa wale wanamuziki waliokuwa wanaunda kundi la East Coast kabla halijasambaratika mwaka huu.
Mwisho wa East Coast haujawa mwisho wa AY.Hivi sasa anaingia rasmi kwenye “ ujasiriamali”. Ijumaa hii ya tarehe 16/11/2007 ndani ya Club Maisha,AY anatarajia kuua ndege watatu kwa jiwe moja au kwa mpigo.
Siku hiyo AY atazindua rasmi Documentary juu ya maisha yake binafsi na yale ya kimuziki bila kusahau undani ya maisha yake ndani ya mahusiano ya wake ampendaye.Mpaka hivi sasa AY hajawahi kueleza kinagaubaga kuhusiana na hili.Ameahidi kufanya hivyo Ijumaa ndani ya Club Maisha. Documentary imepewa jina la UNDANI WANGU (pichani juu ni cover ya documentary hiyo)
Pili atakuwa anazindua clothing line(viwalo) ambavyo vinakwenda kwa lebo ya “Commercial Wear”.Nguo ni za kiume na pia za kike.AY anasema angependa mashabiki wake siku hiyo wazivae nguo zake na pia kujumuika naye katika usiku huo unaotarajiwa kuwa wa aina yake. Nguo zinapatikana Zizzou Fashion-Sinza na Dream Wear duka lililopo gorofa ya kwanza ndani ya Millenium Tower.
Pia Mzee wa Commercial atakuwa anazindua rasmi tovuti yake www.ay.co.tz tovuti ambayo ni maalumu kwa mashabiki wake waliopo mbali na wanataka kuwasiliana naye moja kwa moja kupitia mtandao wake huo. Ndani ya tovuti hiyo pia unaweza kusoma mengi juu ya historia yake,tarehe za show zake,picha na video mbalimbali na mambo mengine chungu mbovu.
Baadhi ya wasanii wakali ambao watamsindikiza AY katika usiku huu ni Jua Kali kutoka Kenya, Michael Ross kutoka Uganda, Besta na Juma Nature kutoka Tanzania na wengineo wengi. Wadhamini wa shughuli hii ni Straight Muzik.
Ukitaka kusoma mahojiano tuliyowahi kufanya na AY siku za nyuma bonyeza hapa.
Kutoka: Bongo Celebrity.
No comments:
Post a Comment