Tanzanian Association Oslo

RICHARD AREJEA NYUMBANI.

Mshindi wa Big Brother II,Richard Bezuidenhout, amerejea jijini Dar-es-salaam JUZI usiku(kwa saa za Afrika Mashariki). Kwa taarifa tulizonazo ni kwamba kutokana na mvua kubwa iliyonyesha,watu waliojitokeza hawakuwa wengi sana. Pia kulikuwa na vurugu za hapa na pale kiasi kwamba kuna wakati Mzee Bezuidenhout (baba mzazi wa Richard) alikaribia kususia mapokezi mazima.

Richard alitua milango ya saa mbili kasorobo na baada ya vurugu ya takriban dakika 20 hivi akapelekwa na msururu mrefu wa magari hadi ofisi za Multi Choice, na kisha akaondoka kwenda nyumbani kupumzika.Mkewe hakuonekana.Kesho anatarajiwa kuongea na waandishi wa habari saa nne asubuhi pale Holiday Inn. Hizi hapa baadhi ya picha.

Richard alipokuwa akiingia Dar hivi leo baada ya kuwa nje ya nchi kwa zaidi ya siku mia.

Shangwe na vigelegele.

Baadhi ya watu waliojitokeza kumlaki Richard.

Wanafamilia wa Richard kama kawaida walikuwepo uwanjani kumlaki ndugu yao.Viwalo vyao vilikuwa na jumbe mbalimbali kama inavyoonekana pichani.

Picha zote kwa hisani ya Issa Michuzi.

Habari hizi kutoka: Bongo Celebrity.