Tanzanian Association Oslo

Waziri wa utalii Zanzibar

ziarani Oslo kukuza

sekta ya utalii.

Waziri Bi. Samia Suluhu Hassan

Picha pamoja na baadhi ya Watanzania 

waliofanikiwa kufika na kuzungumza na waziri Samia

Mmoja wa waliofuatana na waziri

Rais wa umoja wa wanautalii wa Zanzibar

Kiongozi aliyefuatana na waziri

Makamu mwenyekiti wa Chama Cha Watanzania,

Bw. Hassan Selemani Nganzo akiteta na waziri

Msafara uliofuatana na waziri

Bw. Yusuph Mndolwa, ofisa wa ubalozi wa 

Tanzania kwenye nchi za Nordic na za Baltics.

Waziri Samia akipozi na mlezi wa Chama Cha Watanzania Oslo,

Bw. Mikidadi Akida.

Waziri wa utalii, biashara na uwekezaji wa Serikali ya Mapinduzi ya Zanzibar (SMZ), Bi. Samia Suluhu Hassan, yuko ziarani Norway katika jitihada za kujaribu kutangaza na kukuza sekta ya utalii visiwani.  Kwenye ziara ya Bi. Samia inazijumuisha Qatar, Sweden, Norway, Denmark na Urusi. Sambamba na ziara ya waziri wa utalii wa SMZ, pia waziri wa utalii na mali asili wa serikali ya Jamhuri ya Muungano wa Tanzania, Bi. Shamsa S. Mwangunga, naye yuko ziarani kwenye nchi za Afrika kwa ziara ya kutangaza na kukuza sekta ya utalii ya Jamhuri ya Muungano.

Bi. Samia amezungumza na makampuni ya utalii, makampuni yanayosafiria watalii kwa mkupuo, taasisi na vitengo vinavyohusika na sekta ya utalii na amezungumza pia amezungumza na shirika la ndege la SAS (Scandinavia Airline System) kuona kama pana uwezekano wa SAS kuanzisha usafiri wa ndege kwa watalii (charter flight) kwenda visiwani.

Waziri Samia amepewa changamoto kubwa ya jinsi ya kuboresha sekta ya utalii, kabla ya Waskandinavia hawajaanza kusafiri kwa wingi kwenda Zanzibar na Tanzania bara kama wanavyofanya kwenye jinsi ya jirani Kenya. Mengi ya waliyomwambia, tayari SMZ inayafanyia kazi. Changamoto moja waliyompa na kurekebisha miundombinu ya sekta ya utalii na nchi kijumla.

Akiwa Oslo, amepata bahati ya kukutana na baadhi ya Watanzania waishio Oslo, na viongozi wa kamati ya utendaji wa Chama Cha Watanzania Oslo, kwenye hoteli ya Rica Travels. Kwenye makutano hayo, Watanzania walimwuliza waziri maswali kadhaa ya muhimu yanayoikabili nchi kwa sasa na waziri Samia alionyesha upeo mkubwa wa ufahamu wa mambo kwa kuyajibu maswali ya Watanzania kwa umahiri wa hali ya juu.