Aina
ya nyoka mpya “Atheris Matildae” agundulika Tanzania
Shirika
la Wildlife Conservation Society (WCS) limetangaza kugundulika kwa aina ya
tofauti ya nyoka mwenye rangi ya njano na nyeusi, anayepatikana katika maeneo
ya Kusini Mashariki mwa Tanzania. Nyoka
huyo amepewa jina la "Matilda's Horned Viper" au kwa kitaalamu
Atheris Matildae. Ni jina la binti
mwenye umri wa miaka 7 wa meneja wa mradi wa WCS nchini Tanzania, Tim Davenport
aliyeshiriki katika utafiti wa mchakato wa kufanikisha vielelezo vya nyoka huyo
katika mashirika rasmi ya kuhifadhi maelezo na kumbukumbu hizo kadiri
inavyotambulika duniani. Inasemekana
kuwa Matilda alivutiwa na kupenda kumtizama kila mara nyoka huyo. Washiriki
wengine katika utambuzi huo ni Michelle Menegon wa Museo Delle Science of
Trento, Italia na Kim Howell wa Chuo Kikuu cha Dar es Salaam.
Sifa kuu za nyoka huyo ambaye
ana urefu wa futi 2.1 (sm 60) ni magamba yaliyoinuka na kuunda mfano wa pembe
juu ya macho ndiyo sababu ya kuitwa “Horned” na vile vile nyoka huyo ana sumu,
ndiyo maana pia jina lake ni “Viper”.
Watafiti hao wameficha
kulitamka bayana eneo hasa anapopatikana nyoka huyo kwa minajili ya kuzuia
uharibifu, wizi na wawindaji wahalifu
wanaoweza kumwinda nyoka huyo ili kupata fedha. Wanasema tayari mazingira ya
eneo hilo yameshaharibiwa vya kutosha kwa shughuli za kawaida za binadamu kama
vile uchomaji mkaa.
Wameazimia kumweka nyoka huyo
katika kundi la wanyama walio katika hatari kubwa kabisa ya kutoweka duniani.
Katika jitihada hizo, wamekwisha andaa eneo dogo kwa ajili ya kuwahifadhi nyoka
hao ili kuwaruhusu kuzaliana kwa wingi.
Kwa taarifa zaidi kumhusu nyoka
huyo, peruzi tovuti zifuatazo:
No comments:
Post a Comment