RAY C, HALI MBAYA

Na Mariam Mndeme

Msanii maarufu wa muziki wa kizazi kipya nchini Rehema Chalamila ‘Ray C’ inadaiwa kwa hivi sasa ana hali mbaya kiuchumi kufuatia shoo zake za Bara la Ulaya kumtia hasara....

Ray C hivi karibuni alirejea nchini kimya kimya akitokea katika ziara yake na kuweka wazi kuwa alikuwa amepigwa ‘changa la macho’ na promota wake jambo lililomfanya asitishe maonesho yaliyosalia katika bara hilo.

Uchunguzi uliofanywa na gazeti hili tangu kurejea kwa msanii huyo umebaini kuwa, Ray C aliwekeza pesa nyingi katika ziara hiyo akiamini kuwa angepata faida kubwa lakini mambo hayakuwa hivyo.

Akiongea na mwandishi wetu mmoja wa rafiki wa karibu wa msanii huyo (jina tunalihifadhi) alisema kuwa, msanii huyo tangu arejee toka nje ya nchi amekuwa haonekani kwenye starehe kama ilivyo kawaida yake kutokana na mambo kumchachia.

“Ray C wa sasa si yule uliyekuwa ukimfahamu, maana hata duka lake la nguo limeishiwa mzigo kwa zaidi ya miezi mitatu sasa na kuamua kulifunga,” kilisema chanzo chetu.

Hata hivyo, mwandishi wetu alipomtafuta msanii huyo ili kuongelea suala hilo hakutoa hakutoa ushirikiano.

Kutoka Risasi Mchanganyiko/Global Publishers TZ