Tanzanian Association Oslo

Na Imelda Mtema

Ule mpambano wa kumtafuta msichana mwenye mvuto zaidi, Ijumaa Sexiest Girl, uliokuwa ukiendeshwa kwa takribani miezi mitatu sasa, umefikia tamati na hatimaye mshindi amepatikana, Imelda Mtema anaripoti.

Mshindi aliyeibuka kidede katika shindano hilo lililojumuisha warembo 12 ni Jokate Mwegelo ambaye alikuwa Miss Temeke na Miss Tanzania namba 2, mwaka 2006, ambapo ushindi huo utamuwezesha kwenda kufanya Shopping ya nguvu katika duka maarufu la Zizzou Fashions lililopo Sinza, Africa Sana, jijini Dar es Salaam.....

Akiongea na mwandishi wetu, mratibu wa shindano hilo Abdallah Mrisho alisema kuwa wakati wa hatua ya tatu bora Lissa Jensen alikuwa akiongoza akifuatiwa na Jokate Mwegelo kisha Nancy Sumari.

Mratibu huyo aliendelea kusema kuwa baada ya Nancy kutolewa, wiki iliyofuata kura zilifungana kati ya Jokate na Lissa hivyo ililazimika kuongeza wiki mbili zaidi ili wasomaji waendelee kupiga kura kumpata mshindi.

Baada ya kuongeza muda wa kupiga kura mambo yalibadilika ambapo Jokate alikuwa akiongoza na hadi kufikia jana alikuwa na asilimia 47.7, huku Lissa akiambulia asilimia 33.4 kati ya kura zote zilizopigwa na wasomaji wa gazeti hili,Ó alisema mratibu huyo.

Mrisho alimalizia kwa kusema kuwa kwa ushindi huo, Jokate atakwenda kufanya Shopping ya nguvu na vitu mbalimbali katika duka maarufu la Zizzou Fashions lililopo Sinza Jijini Dar es Salaam, jirani na Corner Bar.

Aidha, Jokate amewashukuru wasomaji wote wa gazeti hili kwa ushirikiano waliouonesha katika kipindi chote cha shindano hili.

Kutoka Global Publishers TZ.