Ray C avurunda Australia!!!

Mwanamuziki maarufu wa kizazi kipya Rehema Charamila a.k.a Ray C hivi karibuni amedaiwa kuvurunda katika shoo zake alizofanya nchini Australia.

Kwa mujibu wa chanzo chetu cha habari kilichomo nchini humo, Ray C alipelekwa na Kampuni ya Manori Entertainment kwenda kuwaburudisha wabongo waishio nchini humo lakini matokeo yake alifanya mambo ambayo hayakuwafurahisha wengi.....

Aidha mnyetishaji wetu ambaye ni mmoja wa waandaaji wa shoo hiyo aliyeomba hifadhi ya jina lake alidai kuwa, ilivyoonekana mwanamuziki huyo hakujiandaa vizuri hali iliyomlazimu kufanya mambo kibubusa.

"Kwanza hakutoa burudani kama tulivyotarajia, alionekana kama vile kalazimishwa kuja, hata alipokuwa stejini hakukata yale mauno tunayoyajua," alisema mtoa habari huyo.

Aliongeza kuwa, mbali na hilo Ray C pia alikwenda na CD tatu zenye nyimbo zake za zamani huku akiaacha albamu yake mpya kitendo kilichoashiria kuwa hakuwa makini.

"Shoo haikuwa bomba, unajua hakupiga nyimbo zake mpya kwa madai kuwa CD aliisahau Dar es Salaam, mashabiki walijuta kuingia," kilidai chanzo chetu. Aidha Ray C alalamikiwa kuwa, alishindwa kujali muda katika shoo zake kitendo kilichowafanya baadhi ya mashabiki kuishia zao kabla ya kushuhudia shoo zake.

"Hakuonekana kuwa up to-date, pia hakutumia ipasavyo ziara hii, maana alikuwa na nafasi ya kuitangaza albam yake mpya, lakini hakufanya hivyo na hakuuza hata nakala moja ukumbini," kilizidi kueleza chanzo chetu.

Ray C 'kiuno bila mfupa' mwanadada mwenye historia ya kufanya matamasha mengi nchi za nje hivi majuzi alikuwepo nchini Australia ambako alifanya shoo katika miji wa Sydney na Perth ikiwa pamoja na ndani ya Ukumbi wa Factory Theatre.

Hadi tunakwenda mtamboni hatufanikiwa kupata mawasiliano na mwanamuziki ingawa habari zilidai kuwa alikuwa safarini kurejea hapa nchini.

Kutoka Global Publishers TZ.