Pilipili Usozila
WAZUNGU wana misemo inayofanana na kichwa cha safu hii; pilipili za shamba zakuwashia nini? Wao husema ''It's none of your business'', au ''Mind your own business''. Maana yake ni kwamba jali maisha yako au usifuatefuate yasiyokuhusu.
Ni rahisi tu na ni suala la kimantiki kwamba itashangaza kwa mtu kuwashwa na pilipili zilizo kilomita kadhaa shambani. Inawezekanaje pilipili zikawa mbali kiasi hicho na bado zikamwasha mtu?
Ni kama vile mtu aishiye kijiji cha Machochwe huko karibu na mwisho wa Tanzania aanze kuulizia fedha za EPA kwa mfano. Fedha ambazo hata serikali imethibitisha rasmi kwamba zilikuwa za wafanyabiashara zinawezaje kuwawasha wakulima? Kwa maneno mengine, fedha zilikuwa Benki Kuu huku Dar es Salaam, wale wa Machochwe, kule mpakani mwa Tanzania, zinawawashia nini? Wao si wasubiri mvua walime tu?
No comments:
Post a Comment