Tanzanian Association Oslo

Almanusra amezwe na chatu!

Chatu mkubwa wa Afrika (African python) "Python sebae"

Ben Nyaume, mkazi kijiji cha Sabaki maeneo ya Malindi, Pwani ya Kenya alinusurika wikiendi iliyopita kumezwa na chatu. Nyaume aliwaambia polisi kuwa alifanikiwa kuifikia simu yake ya mkononi na kuwapigia jamaa wa kijijini kwake na wakaja pamoja na polisi kumwokoa. Aliendelea kuwaeleza polisi kuwa alitumia shati lake kufunika kichwa cha chatu ili asimezwe. Watu walipokuja kumwokoa, walikuta chatu keshafanikiwa kuibana mikono yake, ndipo walipomwokoa. Waliokuja kumwokoa, walikuta jamaa kapandishwa juu ya mti na chatu, Chatu aliwezaje kumpandisha kwenye mti kabla ya kummeza inabaki kitendawili.

Polisi walimchukua chatu huyo aliyekuwa na urefu wa futi 13 na kumpelekea kwenye hifadhi mjini Malindi. Chatu huyo ametoroka kutoka kwenye hifadhi hiyo!