Tanzanian Association Oslo

Je, wanaume waliotahiriwa wana matatizo

kwenye masuala ya ngono?

Ashakum si matusi; Wahenga walisema.

Mada hii hapo chini inaweza kuchukiza au kukasirisha watu wengine. Kwa wote watakaochukizwa na kukasirishwa na mada hii, natoa samahani. Ni mada muhimu kwa wataalamu na wale wote inaowagusa.

na Mwamedi Semboja, Oslo.

Reform, ressursenter for menn (RSM/Reform and Resource Centre for Men) wanafananisha kutahiriwa kwa watoto wa kiume na kuketwa kwa watoto wa kike kwenye ripoti yao juu ya mada hii waliyoiwasilisha kwenye wizara ya afya. 

Kutahiriwa kwa watoto wasichana ni marufuku hapa Norway, baadhi ya wazazi huchukua mabinti zao na kwenda nao huko walikotoka na kuwatahiri huku wakijua fika ni marufuku kisheria na wanafanya hivyo wakijua fika kuwa wanaweza kupigwa faini, kifungo au vyote viwili, pindi inapojulikana.

RSM wanalinganisha kukeketwa kwa wasichana na kutahiriwa kwa watoto wa kiume. Pamoja na kuwa kutahiriwa kwa watoto wa kiume kumepigwa marufuku kufanyika kienyeji kunafanyika kitaalamu na kwa gharama za wazazi, RSM wanataka na wanapendekeza kwa wizara ya afya ya Norway kuwa, hata kutahiriwa kwa watoto wa kiume kupigwe marufuku hata hiyo inayofanyika kitaalamu. RSM wanasema watu wanaotahiri watoto wa kiume wanafanya hivyo kwa lengo la kuendeleza mila, desturi na tamaduni za huko walikotoka.

RSM wasema hivyo, kufuatia Utafiti alioufanya profesa Morten Frisch (pichani) (Statens Serum Institutt i København = in English). Utafiti wa Frisch unasema kuwa wanaume waliotahiriwa wameathirika mara tatu na kuwa hawafaidi inapokuja kwenye masuala ya ngono. 

Tanbihi: Sijui huyu profesa Frisch alifanya utafiti kwa wanaume wangapi? Wa nchi zipi?  Manaake inaonekana ni utafiti finyu wenye lengo la kisiasa zaidi ya kitaalamu.

Hadidu za rejea: Mannlig omskjæring = forhudsamputering?