Tanzanian Association Oslo

Mbio za sakafuni

zaishia ukingoni!

***

Barcelona yakata mzizi

wa fitina kwa kuwafunza

Manchester United jinsi

ya kulisakata kabumbu!

Magoli 2 kwa bila

Kombe

Thierry Henry akimpongeza Messi

Wahudumu kwenye fainali, uwanja wa Olimpiki mjini Roma

Mpenzi wa Barcelona

Lionel Messi, mchezaji bora.

Baada ya wapenzi wa soka wa timu hizo mbili kuwa na matumbo joto siku kadhaa, mechi ya fainali ilianza saa 20.45 Central European Time (CET) kwenye uwanja wa Olimpiki, mjini Roma. Manchester United ndo´walioanza kwa mashambulizi. Dakika 10 za kwanza, Christiano Ronaldo alikosa kosa kufunga mara tatu.

Barcelona wakaanza kutawala mchezo kwa pasi zao fupi fupi za haraka haraka na za uhakika. Barcelona wakicheza kwa fomesheni ya 4-3-3, walipata goli la kwanza. Dakika ya 9 ya mchezo, Iniesta alimtoka Anderson na kumtolea Eto´o pasi ya uhakika. Eto´o hakufanya mzaha, alimzunguka Namanja Vidic nakuudokoa mpira, Van Der Sar, kipa wa ManU hakuona ndani. Goli moja bila!!

Barcelona waliendelea na mchezo wao wanaouweza sana wa pasi za hapa na pale na za haraka haraka. Manchester United walibaki kukimbiza wachezaji wa Barca, na kujaribu kulinda goli lao.

Baada ya kipindi cha pili kuanza, kocha wa Manchester United, Sir Alex Fegurson alifanya mabadiliko kadhaa kwa matumaini kuwa labda wangeweza kuwabana Barca na kubadili mchezo. Wapi!

Dakika ya 70 ya mchezo, Xavi aliwatoka kwa kasi wachezaji kadhaa wa Manchester United na kutoa pasi murua ya juu, na Lionel Messi licha ya kuwa ni mchezaji mfupi kuliko wote uwanjani, alifunga goli la pili maridadi kwa kichwa na kukata mzizi wa fitina.

Ushindani wa nani mwanasoka bora duniani kati ya Ronaldo na Messi haukuwepo kwa Ronaldo hakufurukuta mbele ya Yahya Toure (mlinzi wa Barcelona), wakati Messi alikuwa kila akigeuka anakuta amezungukwa na wachezaji watatu au wanne wa Man Una alikuwa akiwateleza kama kambale! Mchezaji bora wa mwaka kwa maoni ya mhariri wa blogu hii ni Mwajentina, Lionel Messi. Na timu bora ya Ulaya kwa msimu wa 2008/2009 ni Barcelona.

Tunatoa pongezi na hongera kwa Barcelona na wapenzi wao kwa kuchukua ”The Treble”. Barcelona imekuwa timu ya kwanza ya Hispania kuchukua kikapu cha ushindani cha Hispania, ubingwa wa Hispania na Ubingwa wa Ulaya. Hii mara ya tatu kwa Barcelona kuwa mabingwa wa Ulaya.

Timu zilikuwa kama ifuatavyo:

Barcelona (fomesheni 4-3-3): Víctor Valdés - Carles Puyol, Gerard Piqué, Yaya Touré, Sylvinho - Xavi Hernández, Sergi Busquets, Andrés Iniesta - Lionel Messi, Samuel Eto'o, Thierry Henry.

Marizevu: José Pinto, Martín Cáceres, Eidur Gudjohnsen, Bojan Krkić, Seydou Keita, Pedro Rodríguez, Marc Muniesa.

Manchester United (fomesheni 4-3-3): Edwin van der Sar - John O'Shea, Rio Ferdinand, Nemanja Vidic, Patrice Evra - Anderson, Michael Carrick, Ryan Giggs - Ji-Sung Park, Cristiano Ronaldo, Wayne Rooney.
Marizevu: Tomasz Kuszczak, Dimitar Berbatov, Nani, Paul Scholes, Rafael, Jonny Evans, Carlos Tévez.

Refa: Massimo Busacca, Uswissi.